ຂປລ
ກອງປະຊຸມໂຕະມົນຈີນ-ເອີຣົບ ຄັ້ງທີ 21 ລະຫວ່າງສະພາເສດຖະກິດ-ສັງຄົມຈີນ ແລະ ຄະນະກຳມາທິການເສດຖະກິດ-ສັງຄົມແຫ່ງສະຫະພາບເອີຣົບ ໄດ້ໄຂຂຶ້ນຢູ່ນະຄອນຫາງໂຈ່ວແຂວງເຈີ້ຈ່ຽງຂອງ ສປ ຈີນ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 14 ກັນຍານີ້, ກອງປະຊຸມໂຕະມົນຈີນ-ເອີຣົບ ຄັ້ງທີ 21 ລະຫວ່າງສະພາເສດຖະກິດ-ສັງຄົມຈີນ ແລະ ຄະນະກຳມາທິການເສດຖະກິດ-ສັງຄົມແຫ່ງສະຫະພາບເອີຣົບ ໄດ້ໄຂຂຶ້ນຢູ່ນະຄອນຫາງໂຈ່ວແຂວງເຈີ້ຈ່ຽງຂອງ ສປ ຈີນ. ໂດຍມີ ຜູ້ຕາງໜ້າຈີນ ແລະ ເອີຣົບ 37 ຄົນ ໄດ້ລົງເລິກແລກປ່ຽນ ຄວາມເຫັນກ່ຽວກັບ “ການແກ້ໄຂບັນຫາ ຄວາມທຸກຍາກ ແລະ ການຊຸກຍູ້ການມີສ່ວນຮ່ວມທາງສັງຄົມ” “ຊຸກຍູ້ການຍົກຄຸນນະພາບແລະ ເພີ່ມປະສິດທິພາບດ້ານການຄ້າ ແລະ ການລົງທຶນລະຫວ່າງ ສປ ຈີນ-ເອີຣົບ ໃຫ້ສູງຂຶ້ນ” ແລະ “ປັນຍາປະດິດທີ່ຖືຄົນເປັນຫລັກ”. ທ່ານ ຫວາງ ຕຸ່ງເຟີ່ງ ຮອງປະທານ ທັງເປັນເລຂາທິການໃຫຍ່ ສະພາປຶກສາການເມືອງປະຊາຊົນແຫ່ງຊາດຈີນ ປະທານສະພາເສດຖະກິດ-ສັງຄົມຈີນ ໄດ້ເຂົ້າຮ່ວມພິທີ ແລະ ກ່າວຄຳປາໄສວ່າ: ສປ ຈີນ ແລະ ເອີຣົບ ຕ້ອງຍຶດໝັ້ນທິດທາງ ທີ່ເປັນຄູ່ຮ່ວມ, ຍຶດໝັ້ນການເປີດປະຕູ ແລະ ການມີສ່ວນຮ່ວມ, ລວມທັງຍຶດໝັ້ນລັດທິ ຫລາຍຝ່າຍເພື່ອຊ່ວຍນຳໄປສູ່ ອະນາຄົດ ທີ່ເຄົາລົບເຊິ່ງກັນ ແລະ ກັນ,ໄວ້ເນື້ອເຊື່ອໃຈກັນ, ຕ່າງຝ່າຍຕ່າງໄດ້ຮັບຜົນປະໂຫຍດ, ມີຄວາມຍຸດຕິທຳ ແລະ ເປັນທຳຫລາຍກວ່າເກົ່າ. ສປ ຈີນ ຍິນດີຮ່ວມກັບເອີຮົບ ເສີມຂະຫຍາຍບົດບາດ ຂອງກົນໄກກອງປະຊຸມໂຕະມົນຈີນ-ເອີຣົບ ເພື່ອຊຸກຍູ້ໃຫ້ ສປ ຈີນ-ເອີຣົບ ລົງເລິກການຮ່ວມມື ໃນຂົງເຂດຕ່າງໆ ແລະ ເຮັດໃຫ້ການພົວພັນລະຫວ່າງ ສປ ຈີນ-ເອີຣົບ ໄດ້ຮັບການຂະຫຍາຍຕົວຢ່າງປອດໃສ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
