ຂປລ
ຊຸດຝຶກອົບຮົມ ເສດຖະກິດ ດີຈີຕອນ ຂອງໂຄງການພັດທະນາ ຜູ້ນຳຊາວໜຸ່ມຈີນ-ອາຊຽນ ທີ່ຈັດໂດຍກອງເລຂາ ງານວາງສະແດງຈີນ-ອາຊຽນ ໄດ້ໄຂຂຶ້ນຢູ່ນະຄອນໜານໜິງ ເຂດກວາງຊີຈີນ ໂດຍມີ ສຳມະນາກອນ ປະມານ 40 ຄົນ ທີ່ມາຈາກ 9 ປະເທດ ສະມາຊິກ ອາຊຽນ ເຂົ້າຮ່ວມ.
ວິທະຍຸ-ໂທລະພາບ ສູນກາງຈີນ, ຊຸດຝຶກອົບຮົມ ເສດຖະກິດ ດີຈີຕອນ ຂອງໂຄງການພັດທະນາ ຜູ້ນຳຊາວໜຸ່ມຈີນ-ອາຊຽນ ທີ່ຈັດໂດຍກອງເລຂາ ງານວາງສະແດງຈີນ-ອາຊຽນ ໄດ້ໄຂຂຶ້ນຢູ່ນະຄອນໜານໜິງ ເຂດກວາງຊີຈີນ ໂດຍມີ ສຳມະນາກອນ ປະມານ 40 ຄົນ ທີ່ມາຈາກ 9 ປະເທດ ສະມາຊິກ ອາຊຽນ ເຂົ້າຮ່ວມ. ຜູ້ຕາງໜ້າສຳມະນາກອນຈາກ ສປປ ລາວ ກ່າວວ່າ: ພວກເຮົາ ຫວັງວ່າຈະໄດ້ຮຽນຮູ້ ເຕັກໂນໂລຊີດີຈີຕອນ, ຕົວເມືອງອັດສະລິຍະ, ການທະນາຄານດີຈີຕອນ ແລະ ບົດຮຽນດ້ານການພັດທະນາ ອຸດສາຫະກຳ ປັນຍາປະດິດຂອງ ສປ ຈີນ ຢ່າງເຕັມທີ່ ໃນໄລຍະຈັດຊຸດ ສຳມະນາຄັ້ງນີ້ ເພື່ອຖອດຖອນຜົນສຳເລັດຕົວຈິງ ຂອງຄູ່ຮ່ວມມື ໃນພາກພື້ນ ແລະ ຊ່ວຍຊຸກຍູ້ ການຮ່ວມມື ຈີນ-ອາຊຽນ. ຕາມຂ່າວແຈ້ງວ່າ: ຊຸດຝຶກອົບຮົມ ເສດຖະກິດ ດີຈີຕອນ ຄັ້ງນີ້ ດຳເນີນດ້ວຍ ຮູບແບບ ການສອນຢູ່ຫ້ອງຮຽນ ປະສົມກັບ ການທັດສະນະສຶກສາ ຢູ່ພາກສະໜາມ ເຊິ່ງຈະດຳເນີນ ເປັນເວລາ 14 ວັນ. ບັນດາສຳມະນາກອນ ຈະໄດ້ຮຽນຮູ້ ແລະ ທັດສະນະສຶກສາ ຢູ່ນະຄອນໜານໜິງ, ນະຄອນກຸ້ຍຫຼິນ ເຂດກວາງຊີ ແລະ ນະຄອນຫວຍຮວ້າ ແຂວງຫູໜານຂອງ ສປ ຈີນ ເພື່ອຮ່ວມກັນຄົ້ນຫາ ເສັ້ນທາງໃໝ່ ແຫ່ງການຮ່ວມມື ດ້ານເສດຖະກິດ ດີຈີຕອນຈິນ-ອາຊຽນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
