ຂປລ
ພາກສ່ວນຕ່າງໆຂອງ ສປ ຈີນ ລວມທັງ ກະຊວງ ຊັບພະຍາກອນມະນຸດ ແລະ ປະກັນສັງຄົມຈີນ ໄດ້ປະກາດ 11 ອາຊີບໃໝ່ ເຊັ່ນ: ຊ່າງເຕັກນິກ ການປະຍຸກໃຊ້ ຫຸ່ນຍົນ ອັດສະລິຍະ, ນັກວິເຄາະ ຂໍ້ມູນການກິລາ ແລະ ອື່ນໆ ແລະ 23 ຕຳແໜ່ງງານໃໝ່ ເຊັ່ນ: ແຮງງານໃນຄຸ້ມຊຸມຊົນ, ຜູ້ສົ່ງເມດ່ວນເຂດອາກາດຕ່ຳ ແລະ ອື່ນໆ.
ວິທະຍຸ-ໂທລະພາບ ສູນກາງຈີນ, ວັນທີ 9 ກັນຍານີ້, ພາກສ່ວນຕ່າງໆຂອງ ສປ ຈີນ ລວມທັງ ກະຊວງ ຊັບພະຍາກອນມະນຸດ ແລະ ປະກັນສັງຄົມຈີນ ໄດ້ປະກາດ 11 ອາຊີບໃໝ່ ເຊັ່ນ: ຊ່າງເຕັກນິກ ການປະຍຸກໃຊ້ ຫຸ່ນຍົນ ອັດສະລິຍະ, ນັກວິເຄາະ ຂໍ້ມູນການກິລາ ແລະ ອື່ນໆ ແລະ 23 ຕຳແໜ່ງງານໃໝ່ ເຊັ່ນ: ແຮງງານໃນຄຸ້ມຊຸມຊົນ, ຜູ້ສົ່ງເມດ່ວນເຂດອາກາດຕ່ຳ ແລະ ອື່ນໆ. ອາຊີບໃໝ່ ທີ່ປະກາດຄັ້ງນີ້ ລວມທັງ 5 ອາຊີບ ດີຈີຕອນ ແລະ 3ອາຊີບສີຂຽວ. ອາຊີບ ໃໝ່ ແລະ ຕຳແໜ່ງງານໃໝ່ ທີ່ປະກາດຄັ້ງນີ້, ມີທັງຜູ້ວາງແຜນ ການພັດທະນາ ແບບຍືນຍົງ ແລະ ຜູ້ພັດທະນາອັດສະລິຍະ ທີ່ຮັບໃຊ້ການພັດທະນາ ວິສາຫະກິດ ແລະ ການຍົກລະດັບອຸດສາຫະກຳ ລວມທັງຊ່າງປະກອບເຟີນີເຈີ ອັດສະລິຍະ ແລະ ຊ່າງຕັດ ແລະ ປຸງແຕ່ງດອກໄມ້ສົດ ທີ່ຕອບສະໜອງ ຕາມຄວາມຕ້ອງການຂອງປະຊາຊົນ ໃນການມີຊີວິດທີ່ດີງາມອີກດ້ວຍ.ນັບແຕ່ປີ 2019 ເປັນຕົ້ນມາ,ສປ ຈີນ ໄດ້ປະກາດ 121 ອາຊີບໃໝ່ໃນ 8 ຄັ້ງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
