ຂປລ
ຮອບຊີງຊະນະເລີດ ຂອງງານແຂ່ງຂັນ ການປະດິດສ້າງໃໝ່ ແລະ ການປະຍຸກໃຊ້ ປັນຍາປະດິດ ດ້ານອຸດສາຫະກຳປ່າໄມ້ຈີນ-ອາຊຽນ ໄດ້ຈັດຂຶ້ນ ຢູ່ນະຄອນກຸ້ຍກາງ ເຂດກວາງຊີຈີນ. ງານແຂ່ງຂັນດັ່ງກ່າວ ໄດ້ດຶງດູດ 605 ທີມ ຈາກທັງພາຍໃນ ແລະ ຕ່າງປະເທດ, ລວມທັງໝົດ ຫລາຍກວ່າ 2.000 ຄົນ ເຂົ້າຮ່ວມ.
ຂປລ.ວິທະຍຸ-ໂທລະພາບ ສູນກາງຈີນ, ເມື່ອບໍ່ດົນມານີ້, ຮອບຊີງຊະນະເລີດ ຂອງງານແຂ່ງຂັນ ການປະດິດສ້າງໃໝ່ ແລະ ການປະຍຸກໃຊ້ປັນຍາປະດິດ ດ້ານອຸດສາຫະກຳປ່າໄມ້ຈີນ-ອາຊຽນ ໄດ້ຈັດຂຶ້ນ ຢູ່ນະຄອນກຸ້ຍກາງ ເຂດກວາງຊີຈີນ. ງານແຂ່ງຂັນດັ່ງກ່າວ ໄດ້ດຶງດູດ 605 ທີມ ຈາກທັງພາຍໃນ ແລະ ຕ່າງປະເທດ, ລວມທັງໝົດ ຫລາຍກວ່າ 2.000 ຄົນ ເຂົ້າຮ່ວມ. ທີມຈາກຕ່າງປະເທດ ທີ່ເຂົ້າຮ່ວມການແຂ່ງຂັນລວມມີ ສສ ຫວຽດນາມ, ໄທ, ສປປ ລາວ, ມາເລເຊຍ ແລະ ປະເທດອື່ນໆ ໃນອາຊຽນ. ໃນງານຄັ້ງນີ້ ເປັນງານແຂ່ງຂັນສະເພາະສຳລັບປັນຍາປະດິດຄັ້ງທຳອິດທີ່ອວ່າຍໜ້າໄປສູ່ ສປ ຈີນ -ອາຊຽນ ແລະ ກວມເອົາທຸກຕ່ອງໂສ້ ອຸດສາຫະກຳປ່າໄມ້ ເຊິ່ງລວມເຖິງ ການຜະລິດ ຜະລິດຕະພັນປ່າໄມ້ແບບອັດສະລິຍະ, ການຕິດຕາມກວດກາໄພພິບັດ ສິ່ງແວດລ້ອມນິເວດ, ການຄ້າຜະລິດຕະພັນ ປ່າໄມ້ຂ້າມຊາດ ແລະອື່ນໆ. ເຈົ້າໜ້າທີ່ ຈາກພະແນກ ອຸດສາຫະກຳປ່າໄມ້ ເຂດກວາງຊີ ຂອງ ສປ ຈີນ ໄດ້ກ່າວວ່າ: ເຂດກວາງຊີ ຈະປັບປຸງລະບົບ ການຫັນປ່ຽນຜົນ ຂອງງານແຂ່ງຂັນຄັ້ງນີ້ ໄປປະຍຸກໃຊ້ຕົວຈິງ ແລະ ຊຸກຍູ້ໃຫ້ໂຄງການດີເດັ່ນ ນຳໄປທົດລອງນຳໃຊ້ ຢູ່ເຂດກວາງຊີ ແລະ ເຜີຍແຜ່ໄປສູ່ອາຊຽນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
