ຂປລ
ອີງຕາມຂໍ້ມູນທີ່ເປີດເຜີຍ ໂດຍອົງການດ່ານພາສີ ແຫ່ງຊາດຈີນ ສະແດງໃຫ້ເຫັນວ່າ: ໃນ 8 ເດືອນຕົ້ນປີນີ້, ມູນຄ່າການນຳເຂົ້າ-ສົ່ງອອກສິນຄ້າ ປະເພດຈັບຕ້ອງໄດ້ ຂອງ ສປ ຈີນ ມີເຖິງ 34.780 ຕື້ຢວນ , ເພີ່ມຂຶ້ນ 17,6% ເມື່ອທຽບໃສ່ໄລຍະດຽວກັນ ຂອງປີກາຍ.
ຂປລ.ວິທະຍຸ-ໂທລະພາບ ສູນກາງຈີນ, ອີງຕາມຂໍ້ມູນທີ່ເປີດເຜີຍ ໂດຍອົງການດ່ານພາສີ ແຫ່ງຊາດຈີນ ສະແດງໃຫ້ເຫັນວ່າ: ໃນ 8 ເດືອນຕົ້ນປີນີ້, ມູນຄ່າການນຳເຂົ້າ-ສົ່ງອອກສິນຄ້າ ປະເພດຈັບຕ້ອງໄດ້ ຂອງ ສປ ຈີນ ມີເຖິງ 34.780 ຕື້ຢວນ , ເພີ່ມຂຶ້ນ 17,6% ເມື່ອທຽບໃສ່ໄລຍະດຽວກັນ ຂອງປີກາຍ. ໃນ 8 ເດືອນຕົ້ນປີນີ້, ການນຳເຂົ້າ-ສົ່ງອອກລະຫວ່າງ ສປ ຈີນ ກັບ 112 ປະເທດ ແລະ ເຂດແຄວ້ນ ຕ່າງໄດ້ບັນລຸ ການເພີ່ມຂຶ້ນ ເຊິ່ງເພີ່ມຂຶ້ນ 17 ປະເທດ ເມື່ອທຽບໃສ່ ໄລຍະດຽວກັນຂອງປີກາຍ. ໃນນັ້ນ, ມູນຄ່າການນຳເຂົ້າ-ສົ່ງອອກຕໍ່ ອາຊຽນມີເຖິງ 5.950 ຕື້ຢວນ, ເພີ່ມຂຶ້ນ 20,6% ເມື່ອທຽບໃສ່ໄລຍະດຽວກັນຂອງປີກາຍ. ອາຊຽນ ຍັງຄົງເປັນຄູ່ການຄ້າໃຫຍ່ ອັນດັບໜຶ່ງຂອງ ສປ ຈີນ. ນອກນີ້, ມູນຄ່າການນຳເຂົ້າ-ສົ່ງອອກຕໍ່ ອາເມລິກາລາຕິນ ມີເຖິງ 2.920 ຕື້ຢວນ ເພີ່ມຂຶ້ນ 14,5% ແລະ ຕໍ່ອາຟຣິກາ ມີເຖິງ 1.890 ຕື້ຢວນ, ເພີ່ມຂຶ້ນ 18,5%./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
