ຂປລ
ກຸ່ມປະຕິບັດງານ ເລີ່ມເກັບກຳ ແລະ ວິເຄາະຂໍ້ມູນ, ແບ່ງປັນ ວຽກງານ ດ້ວຍການ ຕີລາຄາເປັນ 7 ກຸ່ມຂົງເຂດ, ໃນນັ້ນ ລວມມີ ພື້ນຖານ ໂຄງລ່າງ, ການແພດ ແລະ ການສຶກສາ, ການປ່ຽນແປງ ຂອງ ດິນຟ້າອາກາດ, ການຜະລິດ, ກະສິກຳ ແລະ ບັນດາ ຂະແໜງ ເສດຖະກິດ.
ຂປລ. ວີທະຍຸກະຈາຍສຽງ ແຫ່ງຫວຽດນາມ: ເມື່ອບໍ່ດົນມານີ້, ກຸ່ມປະຕິບັດງານ ເລີ່ມເກັບກຳ ແລະ ວິເຄາະຂໍ້ມູນ, ແບ່ງປັນ ວຽກງານ ດ້ວຍການ ຕີລາຄາເປັນ 7 ກຸ່ມຂົງເຂດ, ໃນນັ້ນ ລວມມີ ພື້ນຖານ ໂຄງລ່າງ, ການແພດ ແລະ ການສຶກສາ, ການປ່ຽນແປງ ຂອງ ດິນຟ້າອາກາດ, ການຜະລິດ, ກະສິກຳ ແລະ ບັນດາ ຂະແໜງ ເສດຖະກິດ.
ໂດຍ ລັດຖະບານ ເນປານ ໄດ້ສ້າງຕັ້ງ ຄະນະ ກຳມະການ ສະເພາະກິດ ເພື່ອຕີລາຄາ ຜົນເສຍຫາຍ ແລະ ຄວາມຕ້ອງການ ຟື້ນຟູນ ພາຍຫລັງ ໄພນ້ຳຖ້ວມ ທີ່ເກີດຂຶ້ນ ໃນວັນທີ 26 ສິງຫາ ຢ່າງຮອບດ້ານ. ຄະນະ ກຳມະການໂດ ຍທ່ານ Gunakhar Bhatta ຮອງປະທານ ຄະນະ ກຳມະການ ແຜນການ ແຫ່ງຊາດ ເນປານ ນຳໜ້າ, ດ້ວຍໄລຍະເວລາ 6 ອາທິດ ຕ້ອງເຮັດ ບົດລາຍງານ ຕີລາຄາ ຄວາມຕ້ອງການ ພາຍຫລັງ ໄພພິບັດ (PDNA) ເພື່ອເປັນພື້ນຖານ ແນໃສ່ ລະດົມ ຊັບພະຍາກອນ ພາຍໃນ ປະເທດ ແລະ ສາກົນ ໃຫ້ແກ່ ການຟື້ນຟູ.
ປັດຈຸບັນ, ເນປານ ສືບຕໍ່ ຜັນຂະຫຍາຍ ການເຄື່ອນໄຫວ ຊອກຫາ, ກູ້ໄພ-ກູ້ຊີບ ແລະ ແກ້ໄຂຜົນ ຕາມມາດ້ວຍຂະໜາດໃຫຍ່. ຕາມການ ອັບເດດ ທາງການ ໃນວັນທີ 7 ກັນຍາ, ບັນດາ ກຳລັງ ທີ່ມີ ຄວາມຮັບຜິດຊອບ ໄດ້ໜູນຊ່ວຍກູ້ຊີບ-ກູ້ໄພ ປະຊາຊົນເກືອບ 13.400 ຄົນ, ພົບເຫັນ ຊາກສົບ ລວມມີ 1.385 ຄົນ, ໃນຂະນະທີ່ ຍັງມີຜູ້ສູນຫາຍ ປະມານ 5000 ຄົນ ໃນນັ້ນ ຊາວຕ່າງປະເທດ ປະມານ 600 ຄົນ ມາຈາກ 35 ປະເທດ./
KPL
