ຂປລ. ວິທະຍຸກະຈາຍສຽງແຫ່ງ ຫວຽດນາມ: ເນື່ອງໃນໂອກາດ ສະເຫລີມ ສະຫລອງ ຄົບຮອບ 81 ປີ ແຫ່ງຊາດ ສສ.ຫວຽດນາມ (02 ກັນຍາ 1945-02 ກັນຍາ 2026), ການນຳ ຫລາຍປະເທດ ໃນໂລກ ໄດ້ສົ່ງໂທລະເລກ ແລະ ຈົດໝາຍອວຍພອນ ເຖິງການນຳ ຫວຽດນາມ.

ໂດຍ ບັນ​ດາການ​ນຳ ​ຂັ້ນສູງ ​ປະ​ເທດ ສ​ປ​ປ.ລາວ ໄດ້ເນັ້ນ​ໜັກ​ວ່າ ບັນ​ດາ​ ຜົນ​ງານ​ ຂອງ ຫວຽດ​ນາມ ແມ່ນ​ບົດ​ຮຽນ​ອັນ​ລ້ຳ​ຄ່າ, ແມ່ນ​ການ​ລະ​ດົ​ມ​ ກຳ​ລັງ​ໃຈ​ ຢ່າງ​ໃຫຍ່​ຫລວງ ​ທີ່​ມີ​ຕໍ່​ ພາ​ລະ​ກິດ​ ປົກ​ປັກ​ຮັກ​ສາ, ສ້າງ​ສາ ແລະ ພັດ​ທະ​ນາ​ປະ​ເທດລາວ. ເຖິງແມ່ນວ່າ, ສະ​ພາບ​ການ ​ຢູ່​ພາກ​ພື້ນ ແລະ ສາ​ກົນ​ ໄດ້ມີ​ການ ​ຜັນ​ແປ​ ສັບ​ສົນຫລາຍ​ຢ່າງກໍ່​ຕາມ, ປະ​ເທດ ລາວ ຍັງ​ຕັດ​ສິນ​ໃຈ ​ປົ​ກ​ປັກ​ຮັກ​ສາ ແລະ ເພີ່ມ​​ພູນ​ຄູນ​ສ້າງ​ ສາຍ​ພົວ​ພັນ​ກັບ ຫວຽດ​ນາມ. ສາຍ​ພົວ​ພັນ ລາວ-ຫວຽດ​ນາມ ຈະ​ສວຍ​ສົດ​ງົດ​ງາມ, ໄປ​​ຊົ່ວ​ກາ​ລະ​ນານ.

ສ່ວນ​ການ​ນຳ ກຳ​ປູ​ເຈຍ ໄດ້ເນັ້ນ​ໜັກ​ວ່າ ຍາມ​ໃດ ກຳ​ປູ​ເຈຍ ກໍຖື ​​ການ​ພົວ​ພັນ “ຖານ​ບ້ານ​ໃກ້​ເຮືອນ​ຄຽງ​ອັນ​ດີ​ງາມ, ມິດ​ຕະ​ພາບ​ ທີ່​ເປັນ​ມູນ​ເຊື້ອ, ຮ່ວມ​ມື​ຮອບ​ດ້ານ, ຍືນ​ຍົງ​ຍາວ​ນານ” ກັບ ຫວຽດ​ນາມ ເປັນ​ສຳ​ຄັນ.

ບັນ​ດາ​ກາ​ນນ​ນຳ ຣັດ​ເຊຍ ຊີ້​ແຈ້ງວ່າ ການ​ພົວ​ພັນ​ ຄູ່​ຮ່ວມ​ມື​ ຍຸດ​ທະ​ສາດ ​ຢ່າງ​ຮອບ​ດ້ານ​ ລະ​ຫວ່າງ ຫວຽດ​ນາມ ແລະ ຣັດ​ເຊຍ ພວມ​ພັດ​ທະ​ນາ​ຢ່າງ​ຕັ້ງ​ໜ້າ. ບົນ​ຈິດ​ໃຈ​ ມິດ​ຕະ​ພາບ, ການເຄົາ​ລົບ​ ເຊິ່ງ​ກັນ ​ແລ​ະ ​ກັນ,  ສອງປະເທດ ຈະ​ສືບ​ຕໍ່​ຊຸກ​ຍູ້​​ຂໍ້​ລິເລີ່ມ ແລະ ເນື້ອ​ໃນ​ຮ່ວມ​ມື 2 ຝ່າຍ ໃຫ້ຫລາຍຂຶ້ນ, ພ້ອມ​ກັນ​ນັ້ນ​ ສົມ​ທົບ​ກັນ​ ຢ່າງ​ແໜ້ນ​ແຟ້ນ​ ກ່ຽວ​ກັບ​ບັນ​ດາ​ ບັນ​ຫາ​ ພາກ​ພື້ນ ແລະ ສາ​ກົນ ເພື່ອຕອບ​ສະ​ໜອງ ​ຜົນ​ປະ​ໂຫຍດ ​ຂອງ​ ປະ​ຊາ​ຊົນ ຂອງ2 ປະ​ເທດ.

ເນື່ອງ​ໃນ​ໂອ​ກາດນີ້, ການ​ນຳຫວຽດ​ນ​ນາມ ກໍ​ໄດ້​ຮັບ​ໂທ​ລະ​ເລກ​ ຊົມ​ເຊີຍ​ ຈາກ​ການ​ນຳ ສ​ປ​ປ.ເກົາ​ຫລີ, ມົງ​ໂກນ, ພະ​ເຈົ້າ​ຈັກ​ກະ​ພັດ​ ຍີ່​ປຸ່ນ Naruhito, ທ່ານ ເອັມມານູເອລ ມາຄຣົງ (Emmanuel Macron) ປະ​ທາ​ນາ​ທິ​ບໍ​ດີ ຝ​ຣັ່ງ, ກະ​ສັດ ອັງ​ກິດ Charles III./

KPL