ຂປລ
ຊ່ຽວຊານກູ້ໄພ ດ້ານອຸມົງຂອງຈີນ ໄດ້ຮ່ວມມືກັບ ກອງທະຫານ ແລະ ຕຳຫລວດເນປານ ລວມເຖິງ ໜ່ວຍກູ້ໄພທ້ອງຖິ່ນ, ເດີນທາງເຂົ້າສູ່ເຂດປະສົບໄພດິນພູເຈື່ອນ ຢູ່ພາກເໜືອຂອງເນປານ, ເພື່ອດຳເນີນການສຳຫລວດ ແລະ ກູ້ໄພຢູ່ຕາມອຸມົງ ທີ່ໄດ້ຮັບຜົນກະທົບ.
ຂປລ.ວິທະຍຸ ໂທລະພາບ ສູນກາງຈີນ, ເມື່ອບໍ່ດົນມນີ້, ຊ່ຽວຊານກູ້ໄພ ດ້ານອຸມົງຂອງຈີນ ໄດ້ຮ່ວມມືກັບ ກອງທະຫານ ແລະ ຕຳຫລວດເນປານ ລວມເຖິງ ໜ່ວຍກູ້ໄພທ້ອງຖິ່ນ, ເດີນທາງເຂົ້າສູ່ເຂດປະສົບໄພດິນພູເຈື່ອນ ຢູ່ພາກເໜືອຂອງເນປານ, ເພື່ອດຳເນີນການສຳຫລວດ ແລະ ກູ້ໄພຢູ່ຕາມອຸມົງ ທີ່ໄດ້ຮັບຜົນກະທົບ. ຊ່ຽວຊານກູ້ໄພດ້ານອຸມົງຂອງ ສປ ຈີນ ແຈ້ງໃຫ້ຮູ້ວ່າ, ການກູ້ໄພຜະເຊີນກັບສິ່ງທ້າທາຍຫລາຍຢ່າງ, ເຊັ່ນ: ການຄົມມະນາຄົມ ຢູ່ເຂດປະສົບໄພຖືກຕັດຂາດ, ອຸປະກອນກູ້ໄພຂະໜາດໃຫຍ່ ບໍ່ສາມາດສົ່ງເຂົ້າເຖິງ ເຂດປະສົບໄພຫລັກ, ການກູ້ໄພຖືກຈຳກັດ ຢ່າງຫລວງຫລາຍ; ຂະນະດຽວກັນ, ຢູ່ໃນອຸມົງມີນ້ຳ ແລະ ດິນຕົມຄ້າງຢູ່ ຢ່າງຫລວງຫລາຍ, ເຊິ່ງເປັນສິ່ງທ້າທາຍ ສຳລັບ ຄວາມຄືບໜ້າ ຂອງເຈົ້າໜ້າທີ່ກູ້ໄພ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
