ຂປລ
ກິດຈະກຳ “ການສົນທະນາຢູ່ຕົ້ນກຳເນີດ ແມ່ນ້ຳກ່ຽວກັບແຫລ່ງການຮ່ວມມື ແມ່ນ້ຳລ້ານຊ້າງ-ແມ່ນ້ຳຂອງ”ໄດ້ໄຂຂຶ້ນ ຢູ່ນະຄອນຊີ່ນິງ ແຂວງຊິ່ງໄຫຂອງ ສປ ຈີນ. ຜູ້ຕາງໜ້າຈາກ 6 ປະເທດ ແມ່ນ້ຳລ້ານຊ້າງ-ແມ່ນ້ຳຂອງ
ຂປລ.ວິທະຍຸ ໂທລະພາບ ສູນກາງຈີນ, ກິດຈະກຳ “ການສົນທະນາຢູ່ຕົ້ນກຳເນີດ ແມ່ນ້ຳກ່ຽວກັບແຫລ່ງການຮ່ວມມື ແມ່ນ້ຳລ້ານຊ້າງ-ແມ່ນ້ຳຂອງ”ໄດ້ໄຂຂຶ້ນ ຢູ່ນະຄອນຊີ່ນິງ ແຂວງຊິ່ງໄຫຂອງ ສປ ຈີນ. ຜູ້ຕາງໜ້າຈາກ 6 ປະເທດ ແມ່ນ້ຳລ້ານຊ້າງ-ແມ່ນ້ຳຂອງ ໄດ້ເຕົ້າໂຮມກັນ ຢູ່ຕົ້ນກຳເນີດຂອງແມ່ນ້ຳໃຫຍ່ ທັງສາມສາຍເພື່ອຊຸກຍູ້ ການຖອດຖອນບົດຮຽນຮ່ວມກັນ ດ້ານອາລິຍະທຳ, ຊຸກຍູ້ການເຊື່ອມສານ ທາງດ້ານຈິດໃຈ ລະຫວ່າງປະຊາຊົນ ແລະ ຊ່ວຍສ້າງປະຊາຄົມຮ່ວມຊາຕາກຳ ປະເທດແມ່ນ້ຳລ້ານຊ້າງ-ແມ່ນ້ຳຂອງ ທີ່ມີຄວາມແໜ້ນແຟ້ນກວ່າເກົ່າ. ໃນໄລຍະກິດຈະກຳ,ຜູ້ຕາງໜ້າຈາກ 6 ປະເທດ ຈະດຳເນີນການສົນທະນາກັນຢ່າງມີໄມຕີຈິດ ໃນຫົວຂໍ້ຕ່າງໆເຊັ່ນ:ການພັດທະນາການຮ່ວມມື ດ້ານອຸດສາຫະກຳ, ການອະນຸລັກລະບົບນິເວດ ທຳມະຊາດ,ການອະນຸລັກ ມໍລະດົກທາງວັດທະນະທຳ ແລະ ອື່ນໆ, ແລກປ່ຽນແລະຖອດຖອນບົດຮຽນ ເຊິ່ງກັນ ແລະ ກັນ, ເຕົ້າໂຮມຄວາມຮັບຮູ້ ທີ່ເປັນເອກະພາບກັນ ລະຫວ່າງ ທຸກຝ່າຍ,ພ້ອມນີ້ ຈະດຳເນີນການແລກປ່ຽນ ໃນຫລາຍດ້ານ ຢ່າງເລິກເຊິ່ງໂດຍສຸມໃສ່ ການສົນທະນາດ້ານການຮ່ວມມື ລະຫວ່າງ ຊາວໜຸ່ມຢູ່ເຂດ ລ້ອງແມ່ນ້ຳລ້ານຊ້າງ-ແມ່ນ້ຳຂອງ, ການສົ່ງເສີມ ການທ່ອງທ່ຽວ ທາງວັດທະນະທຳ, ການສຳຜັດກັບ ອາຫານພື້ນເມືອງ, ການວາງສະແດງ ຜົນງານສິລະປະທີ່ດີເດັ່ນ ແລະ ອື່ນໆ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
