ຂປລ
ໃນວັນທີ 24 ສິງຫາ 2026, ທ່ານ ວັນໄຊ ພອງສະຫວັນ ກໍາມະການກົມການເມືອງສູນກາງ ພັກ, ຄະນະເລຂາທິການສູນກາງພັກ, ປະທານຄະນະກວດກາສູນກາງພັກ, ປະທານອົງການກວດກາແຫ່ງລັດ, ຫົວໜ້າອົງການຕ້ານການ ສໍ້ລາດບັງຫລວງສູນກາງ ພ້ອມຄະນະໄດ້ໄປຢ້ຽມຢາມສະຖານທູດ ລາວ ທີ່ນະຄອນຫລວງຮ່າໂນ້ຍ ສສ ຫວຽດນາມ ໃນໂອກາດທີ່ຄະນະເດີນທາງຢ້ຽມຢາມ ແລະ ເຮັດວຽກຢູ່ ສສ ຫວຽດນາມ ໂດຍມີ ທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະນຳ ແລະ ພະນັກງານສະຖານທູດໃຫ້ ກຽດຕ້ອນຮັບ.
ໃນພິທີຕ້ອນຮັບ, ທ່ານ ຄຳເພົາ ເອີນທະວັນ ໄດ້ລາຍງານສະພາບ ການປະຕິບັດໜ້າທີ່ວຽກງານວິຊາ ສະເພາະ ກໍຄື ວຽກງານການທູດ ຂອງສະຖານທູດລາວ ພິເສດແມ່ນ ການເປັນຂົວຕໍ່ໃນການປະກອບ ສ່ວນເພີ່ມພູນຄູນສ້າງສາຍພົວພັນ ມິດຕະພາບອັນຍິ່ງໃຫຍ່, ຄວາມ ສາມັກຄີພິເສດ, ການຮ່ວມມືຮອບ ດ້ານ ແລະ ຫຸ້ນສ່ວນຍຸດທະສາດ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດ ນາມ ໃຫ້ທ່ານ ວັນໄຊ ພອງສະຫວັນ ແລະ ຄະນະຮັບຊາບ. ໂອກາດນີ້, ທ່ານ ວັນໄຊ ພອງສະຫວັນ ກໍໄດ້ໃຫ້ການໂອ້ລົມ ແລະ ແຈ້ງໃຫ້ສະຖານທູດຊາບກ່ຽວ ກັບບາງສະພາບເສດຖະກິດ-ສັງຄົມ ຂອງປະເທດເຮົາໃນໄລຍະຜ່ານມາ ໂດຍສະເພາະແມ່ນການປະຕິບັດ ວາລະແຫ່ງຊາດ ວ່າດ້ວຍການພັດ ທະນາຊົນນະບົດ ແລະ ແກ້ໄຂຄວາມ ທຸກຍາກຢູ່ ສປປ ລາວ ຊຶ່ງແມ່ນ ນະໂຍບາຍລະດັບຊາດ ທີ່ລັດຖະບານໄດ້ວາງອອກ ແລະ ຜ່ານການຮັບຮອງຈາກສະພາແຫ່ງຊາດ ຊຸດທີ X. ວາລະແຫ່ງຊາດນີ້, ຖືເປັນເຂັມທິດເຍືອງທາງອັນສໍາຄັນໃນ ການຍົກສູງຄຸນນະພາບຊີວິດຂອງ ປະຊາຊົນ, ຫລຸດຜ່ອນຄວາມທຸກ ຍາກຢ່າງເປັນຮູບປະທຳ ແລະ ສ້າງຄວາມກິນດີຢູ່ດີຢ່າງຍືນຍົງ. ນອກນັ້ນ, ທ່ານຍັງໄດ້ຊີ້ນຳໃຫ້ສະຖານ ທູດລາວຈົ່ງສືບຕໍ່ເປັນຂົວຕໍ່, ປະສານງານໃນການເພີ່ມພູນຄູນສ້າງ ສາຍພົວພັນມິດຕະພາບອັນຍິ່ງ ໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ແລະ ຫຸ້ນສ່ວນ ຍຸດທະສາດລະຫວ່າງສອງປະເທດ ລາວ ແລະ ຫວຽດນາມ ໃຫ້ຂະ ຫຍາຍຕົວຂຶ້ນໄປຢ່າງບໍ່ຢຸດຢັ້ງ. ຂ່າວ-ພາບ: ສະຖານທູດລາວທີ່ຮ່າໂນ້ຍ.
KPL
