ຂປລ
ໄລຍະຢຸດການປະມົງ ລະດູຮ້ອນ ຢູ່ທະເລຈີນໃຕ້ ທີ່ດຳເນີນມາ ເປັນເວລາ 3 ເດືອນເຄິ່ງ ໄດ້ສິ້ນສຸດລົງ ຢ່າງເປັນທາງການ, ຊາວປະມົງຕ່າງໄດ້ ເລີ່ມຕົ້ນລະດູການປະມົງ ທີ່ລໍຄອຍມາດົນແລ້ວ. ເພື່ອຮັບປະກັນ ຄວາມປອດໄພ ດ້ານການເດີນເຮືອ ທາງທະເລ ໃນໄລຍະເປີດລະດູການປະມົງ, ພະແນກກິດຈະການ ທາງທະເລແຂວງໄຫຫລຳ ຮ່ວມກັບ ຫລາຍພາກສ່ວນໄດ້ເລີ່ມ “ການເຄື່ອນໄຫວ ຄຸ້ມກັນການເດີນເຮືອໃນລະດູເປີດການປະມົງ 2026”.
ຂປລ.ວິທະຍຸ ໂທລະພາບ ສູນກາງຈີນ, ໄລຍະຢຸດການປະມົງ ລະດູຮ້ອນ ຢູ່ທະເລຈີນໃຕ້ ທີ່ດຳເນີນມາ ເປັນເວລາ 3 ເດືອນເຄິ່ງ ໄດ້ສິ້ນສຸດລົງ ຢ່າງເປັນທາງການ, ຊາວປະມົງຕ່າງໄດ້ ເລີ່ມຕົ້ນລະດູການປະມົງ ທີ່ລໍຄອຍມາດົນແລ້ວ. ເພື່ອຮັບປະກັນ ຄວາມປອດໄພ ດ້ານການເດີນເຮືອ ທາງທະເລ ໃນໄລຍະເປີດລະດູການປະມົງ, ພະແນກກິດຈະການ ທາງທະເລແຂວງໄຫຫລຳ ຮ່ວມກັບ ຫລາຍພາກສ່ວນໄດ້ເລີ່ມ “ການເຄື່ອນໄຫວ ຄຸ້ມກັນການເດີນເຮືອໃນລະດູເປີດການປະມົງ 2026”. ໃນວັນທີ 17 ສິງຫານີ້, ດ້ວຍຈຳນວນເຮືອປະມົງ ຫລາຍໝື່ນລຳ ໄດ້ພາກັນອອກເດີນເຮືອ, ຄວາມໜາແໜ້ນຂອງການເດີນເຮືອຢູ່ ທະເລຈີນໃຕ້ ໄດ້ເພີ່ມຂຶ້ນ ຢ່າງກະທັນຫັນ. ໃນມື້ທຳອິດຂອງການເປີດປະມົງ, ພະແນກກິດຈະການທາງທະເລແຂວງໄຫຫລຳ ຂອງ ສປ ຈີນ ຮ່ວມກັບພາກສ່ວນກູ້ໄພ ແລະ ການປະມົງ ໄດ້ດຳເນີນການລາດຕະເວນຮ່ວມ ແລະ ບັງຄັບໃຊ້ກົດໝາຍ ເຊິ່ງໄດ້ລາດຕະເວນກວດກາ ລະບຽບການເດີນເຮືອ ຂອງກຳປັ່ນ ຢູ່ເຂດນ່ານນຳທີ່ສຳຄັນ, ໄດ້ແກ້ໄຂການປະມົງ ທີ່ກີດຂວາງການເດີນເຮືອ ຢ່າງທັນການ, ກວດຫາຄວາມສ່ຽງ ດ້ານຄວາມປອດໄພ ແລະ ການລົງໂທດຕາມກົດໝາຍ ແລະ ລະບຽບການຕໍ່ຜູ້ລະເມີດ ເຊັ່ນ: ການບໍ່ປະຕິບັດໜ້າທີ່ ຕາມທີ່ກຳນົດໄວ້ ເປັນຕົ້ນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
