ຂປລ
6 ເດືອນຕົ້ນປີນີ້, ອຸດສາຫະກຳ ການຜະລິດ ດ້ານຂໍ້ມູນຂ່າວສານ ເອເລັກໂຕຣນິກ ຂອງ ສປ ຈີນ ໄດ້ສືບຕໍ່ເລັ່ງລັດ ການຜະລິດ, ການສົ່ງອອກ ມີຄວາມໝັ້ນທ່ຽງ ແລະມີທ່າອຽງທີ່ດີ, ປະສິດທິຜົນສືບຕໍ່ເພີ່ມຂຶ້ນ ແລະ ການລົງທຶນ ໄດ້ເພີ່ມຂຶ້ນ ຢ່າງໝັ້ນທ່ຽງ.
ຂປລ.ວິທະຍຸ-ໂທລະພາບ ສູນກາງຈີນ, ອີງຕາມຂໍ້ມູນ ຈາກກະຊວງ ອຸດສາຫະກຳ ແລະ ເຕັກໂນໂລຊີ ຂໍ້ມູນຂ່າວສານຈີນ ສະແດງໃຫ້ເຫັນວ່າ: 6 ເດືອນຕົ້ນປີນີ້, ອຸດສາຫະກຳ ການຜະລິດ ດ້ານຂໍ້ມູນຂ່າວສານ ເອເລັກໂຕຣນິກ ຂອງ ສປ ຈີນ ໄດ້ສືບຕໍ່ເລັ່ງລັດ ການຜະລິດ, ການສົ່ງອອກ ມີຄວາມໝັ້ນທ່ຽງ ແລະມີທ່າອຽງທີ່ດີ, ປະສິດທິຜົນສືບຕໍ່ເພີ່ມຂຶ້ນ ແລະ ການລົງທຶນ ໄດ້ເພີ່ມຂຶ້ນ ຢ່າງໝັ້ນທ່ຽງ. ປະສິດທິຜົນ ຂອງອຸດສາຫະກຳ ຂໍ້ມູນຂ່າວສານ ເອເລັກໂຕຣນິກໃນ 6 ເດືອນຕົ້ນປີນີ້ ສືບຕໍ່ມີທ່າອຽງເພີ່ມຂຶ້ນ, ລາຍຮັບບັນລຸ 9.410 ຕື້ຢວນ, ເພີ່ມຂຶ້ນ 18,5% ເມື່ອທຽບໃສ່ໄລຍະດຽວກັນ ຂອງປີກາຍ, ຜົນກຳໄລ ມີເຖິງ 577,7 ຕື້ຢວນ. ໃນເດືອນມິຖຸນາຜ່ານມາ, ວິສາຫະກິດ ຂະໜາດໃຫຍ່ ກ່ຽວກັບ ອຸດສາຫະກຳ ການຜະລິດ ດ້ານຂໍ້ມູນຂ່າວສານເອເລັກໂຕຣນິກ ມີລາຍຮັບ 1.890 ຕື້ຢວນ, ເພີ່ມຂຶ້ນ 24,7% ເມື່ອທຽບໃສ່ ປີກາຍ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
