ຂປລ
ໂຄງປະກອບ ທາງດ້ານເສດຖະກິດ ລະຫວ່າງ ສປ ຈີນ-ອາຊຽນ ມີລັກສະນະແບບຊ່ວຍຊູກຍູ້ໜູນກັນ,ການຮ່ວມມື ລະຫວ່າງ ສປ ຈີນ-ອາຊຽນ ຈະຊ່ວຍໃຫ້ອາຊີ ຕາເວັນອອກສຽງໃຕ້ ຍົກລະດັບຄວາມສາມາດ ດ້ານອຸດສາຫະກຳ,ກຳແໜ້ນໂອກາດ ໃນການຫັນປ່ຽນສີຂຽວ ແລະ ດິຈີຕອນ.
ຂປລ.ວິທະຍຸ-ໂທລະພາບ ສູນກາງຈີນ, ເມື່ອບໍ່ດົນມານີ້, ທ່ານ ມາໂຄ ຄາມິຢາ ຜູ້ຕາງໜ້າ ອົງການພັດທະນາ ດ້ານອຸດສາຫະກຳ ແຫ່ງສະຫະ ປະຊາຊາດ ຫລື UNIDO ປະຈຳ ອິນໂດເນເຊຍ, ຕີມໍເລັສເຕ ແລະ ຟີລິບປິນ ໃຫ້ສຳພາດຕໍ່ຂ່າວສານຊີນຮວາຂອງຈີນ ຢູ່ນະຄອນຫລວງຈາກາຕາ ຂອງອິນໂດເນເຊຍວ່າ: ໂຄງປະກອບ ທາງດ້ານເສດຖະກິດ ລະຫວ່າງ ສປ ຈີນ-ອາຊຽນ ມີລັກສະນະແບບຊ່ວຍຊູກຍູ້ໜູນກັນ,ການຮ່ວມມື ລະຫວ່າງ ສປ ຈີນ-ອາຊຽນ ຈະຊ່ວຍໃຫ້ອາຊີ ຕາເວັນອອກສຽງໃຕ້ ຍົກລະດັບຄວາມສາມາດ ດ້ານອຸດສາຫະກຳ,ກຳແໜ້ນໂອກາດ ໃນການຫັນປ່ຽນສີຂຽວ ແລະ ດິຈີຕອນ. ທ່ານ ມາໂຄ ຄາມິຢາ ກ່າວວ່າ: ການຮ່ວມມື ລະຫວ່າງ ສອງຝ່າຍ ໄດ້ເສີມຂະຫຍາຍບົດບາດ ອັນເປັນພິເສດຕໍ່ການຊຸກຍູ້ການພັດທະນາ ດ້ານອຸດສາຫະກຳ ແບບຍືນຍົງຂອງອາຊຽນ. ໜຶ່ງ,ຄວາມຕ້ອງການດ້ານຕະຫລາດ ທີ່ມະຫາສານຂອງ ສປ ຈີນ ຊຸກຍູ້ຜູ້ຜະລິດໃນອາຊຽນ ເຂົ້າສູ່ຂັ້ນຕອນ ທີ່ມີມູນຄ່າ ເພີ່ມສູງກວ່າເກົ່າ; ສອງ,ການລົງທຶນຂອງ ສປ ຈີນ ຢູ່ອາຊີ ຕາເວັນອອກ ສຽງໃຕ້ ບໍ່ພຽງແຕ່ ໄດ້ສ້າງໂຮງງານເທົ່ານັ້ນ, ຍັງໄດ້ຜ່ານການຊຸກຍູ້ ການຄົ້ນຄວ້າ ຜະລິດ ແລະ ການຝຶກອົບຮົມອາຊີບ ຕາມສະພາບຕົວຈິງ ຂອງທ້ອງຖິ່ນ ເພື່ອຍົກລະດັບ ຄວາມສາມາດ ດ້ານອຸດສາຫະກຳ ການຜະລິດ ຂອງທ້ອງຖິ່ນ; ສາມ, ສປ ຈີນ ແລະ ອາຊຽນ ໄດ້ຮ່ວມມືກັນ ໃນຫລາຍຂົງເຂດ ເຊັ່ນ: ການຜະລິດສີຂຽວ, ການສາກລົດໄຟຟ້າ, ພື້ນຖານໂຄງລ່າງ ດິຈີຕອນ ແລະ ຂົງເຂດອື່ນໆ ເພື່ອຫລຸດຕົ້ນທຶນ ການພັດທະນາ ຂອງພາກພື້ນໃຫ້ຕ່ຳລົງ ແລະ ຊຸກຍູ້ການພັດທະນາ ໃນພາກພື້ນ ແບບປະສານງານກັນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
