ຂປລ
ນຖະແຫລງການຮ່ວມທີ່ໄດ້ຮັບການຮັບຮອງເອົາ ໃນກອງປະຊຸມ ລັດຖະມົນຕີ ການຕ່າງປະເທດ ອາຊຽນ ຄັ້ງທີ 59 ຈັດຂຶ້ນຢູ່ ຟີລິບປິນ ເມື່ອບໍ່ດົນ ມານີ້ ໂດຍບັນດາ ລັດຖະມົນຕີ ການຕ່າງປະເທດ ອາຊຽນ ໄດ້ຮຽກຮ້ອງໃຫ້ ຮັບປະກັນສິດເສລີ ໃນການເດີນເຮືອ ຜ່ານບັນດາຊ່ອງແຄບ ທະເລສາກົນ,
ຂປລ.ວິທະຍຸ ກະຈ່າຍສຽງ ຫວຽດນາມ, ໃນຖະແຫລງການຮ່ວມທີ່ໄດ້ຮັບການຮັບຮອງເອົາ ໃນກອງປະຊຸມ ລັດຖະມົນຕີ ການຕ່າງປະເທດ ອາຊຽນ ຄັ້ງທີ 59 ຈັດຂຶ້ນຢູ່ ຟີລິບປິນ ເມື່ອບໍ່ດົນ ມານີ້ ໂດຍບັນດາ ລັດຖະມົນຕີ ການຕ່າງປະເທດ ອາຊຽນ ໄດ້ຮຽກຮ້ອງໃຫ້ ຮັບປະກັນສິດເສລີ ໃນການເດີນເຮືອ ຜ່ານບັນດາຊ່ອງແຄບ ທະເລສາກົນ, ພ້ອມທັງ ເນັ້ນໜັກເຖິງ ຄວາມສຳຄັນ ຂອງການຮັບປະກັນສິດເສລີ ໃນການເດີນເຮືອ ແລະ ການບິນ, ກໍຄື ຮັບປະກັນ ໃຫ້ການເຄື່ອນໄຫວຈະລາຈອນ ຜ່ານບັນດາເສັ້ນທາງ ເດີນທະເລສາກົນໃຫ້ລຸລ່ວງ, ໃນນັ້ນມີຊ່ອງແຄບທະເລ ຮໍມຸສ(Hormuz).ອາຊຽນ ສະແດງຄວາມວິຕົກກັງວົນ ຕໍ່ຜົນກະທົບ ຈາກການປະທະກັນ ຢູ່ຕາເວັນອອກກາງ, ພິເສດ ແມ່ນສຳລັບ ຄວາມໝັ້ນຄົງ ດ້ານພະລັງງານ ແລະ ຕ່ອງໂສ້ການສະໜອງຂອງພາກພື້ນ, ພ້ອມທັງ ຮຽກຮ້ອງໃຫ້ບັນດາຝ່າຍ ຈົ່ງລະງັບໃຈ, ເພີ່ມທະວີ ການສົນທະນາ ແລະ ແກ້ໄຂການຂັດແຍ້ງກັນ ໂດຍສັນຕິວິທີ. ຖະແຫລງການຮ່ວມ ກໍໄດ້ເຕື້ອງເຖິງເລື່ອງ ເພີ່ມທະວີການຮ່ວມມື ດ້ານພະລັງງານ ລະຫວ່າງ ບັນດາປະເທດ ອາຊຽນ ແນໃສ່ຍົກສູງຄວາມສາມາດຮັບມື ຕໍ່ຜົນກະທົບຈາກພາຍນອກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
