ຂປລ
ກອງປະຊຸມ ລັດຖະມົນຕີ ຕ່າງປະເທດອາຊຽນ-ຈີນ ໄດ້ຈັດຂຶ້ນ ຢູ່ນະຄອນຫລວງ ມະນີລາ ຂອງຟິລິບປິນ, ຫລັງຈາກ ກອງປະຊຸມສຳເລັດ ໄດ້ອອກຖະແຫລງການຮ່ວມ. ຖະແຫລງການຮ່ວມ ໄດ້ຮຽກຮ້ອງ ໃຫ້ບັນດາຝ່າຍ ຈົ່ງຍຶດໝັ້ນລັດທິຫລາຍຝ່າຍ ແລະ ການສົນທະນາຢ່າງຈິງໃຈ, ຊຸກຍູ້ການແກ້ໄຂການປະທະກັນ ຢູ່ພາກພື້ນຕາເວັນອອກກາງ ໃຫ້ມີສັນຕິພາບຖາວອນ ດ້ວຍວິທີ ທາງການທູດ, ເລັ່ງທວງໃຫ້ ບັນດາຝ່າຍ ຍຸດຕິການເຄື່ອນໄຫວ ທີ່ເປັນປໍລະປັກກັນ ໃນທັນທີ ຢ່າງຮອບດ້ານ.
ຂປລ.ວິທະຍຸ ໂທລະພາບ ສູນກາງຈີນ, ກອງປະຊຸມ ລັດຖະມົນຕີ ຕ່າງປະເທດອາຊຽນ-ຈີນ ໄດ້ຈັດຂຶ້ນ ຢູ່ນະຄອນຫລວງ ມະນີລາ ຂອງຟິລິບປິນ, ຫລັງຈາກ ກອງປະຊຸມສຳເລັດ ໄດ້ອອກຖະແຫລງການຮ່ວມ. ຖະແຫລງການຮ່ວມ ໄດ້ຮຽກຮ້ອງ ໃຫ້ບັນດາຝ່າຍ ຈົ່ງຍຶດໝັ້ນລັດທິຫລາຍຝ່າຍ ແລະ ການສົນທະນາຢ່າງຈິງໃຈ, ຊຸກຍູ້ການແກ້ໄຂການປະທະກັນ ຢູ່ພາກພື້ນຕາເວັນອອກກາງ ໃຫ້ມີສັນຕິພາບຖາວອນ ດ້ວຍວິທີ ທາງການທູດ, ເລັ່ງທວງໃຫ້ ບັນດາຝ່າຍ ຍຸດຕິການເຄື່ອນໄຫວ ທີ່ເປັນປໍລະປັກກັນ ໃນທັນທີ ຢ່າງຮອບດ້ານ. ຖະແຫລງການ ໄດ້ເນັ້ນຄືນ ການປົກປັກຮັກສາ ເສລີພາບ ໃນເດີນເຮືອ ແລະ ການບິນຜ່ານທາງທະເລ ຕາມກົດໝາຍສາກົນ, ຮຽກຮ້ອງ ໃຫ້ຮັບປະກັນ ການສັນຈອນ ຂອງກຳປັ່ນ ແລະ ເຮືອບິນ ຜ່ານຊ່ອງແຄບສາກົນ ຢ່າງປອດໄພ, ໂລ່ງລ່ຽນ ແລະ ຕໍ່ເນື່ອງ. ໃນການຮ່ວມມື ດ້ານພະລັງງານ, ສອງຝ່າຍເຫັນດີ ປຶກສາຫາລື ຈະສ້າງຕັ້ງກົນໄກ ການຮ່ວມມື ເພື່ອເພີ່ມທະວີ ການຮ່ວມມື ພາກພື້ນໃນຂົງເຂດຕ່າງໆເຊັ່ນ: ການເຊື່ອມໂຍງເຊື່ອມຈອດ ຂອງຕ່າຂ່າຍໄຟຟ້າ, ຕ່ອງໂສ້ການສະໜອງພະລັງງານ, ພະລັງງານໝູນວຽນ ທີ່ສະອາດ, ການປະດິດສ້າງ ດ້ານເຕັກໂນໂລຊີ ພະລັງງານ ແລະ ພະລັງງານນີວເຄລຍ ທາງພົນລະເຮືອນເປັນຕົ້ນ, ສະໜັບສະໜູນ ແຜນແມ່ບົດ ການຮ່ວມມື ດ້ານພະລັງງານ ອາຊຽນ(2026-2030), ພ້ອມທັງ ຈັດສັນຊັບພະຍາກອນ ດ້ານການລະດົມທຶນ ທັງພາກລັດ ແລະ ເອກະຊົນ ເພື່ອສະໜັບ ສະໜູນ ໂຄງການທີ່ກ່ຽວຂ້ອງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
