ຂປລ
ຂປລ. ແຫລ່ງຂ່າວຈາກແຂວງ ຫົວພັນ ໃຫ້ຮູ້ວ່າ: ສະຫະພັນແມ່ຍິງ ແຂວງຫົວພັນ ຈັດພິທີສະເຫລີມ ສະຫລອງວັນສ້າງຕັ້ງສະຫະພັນ ແມ່ຍິງລາວຄົບຮອບ 71 ປີ(20 ກໍລະກົດ 1955-20 ກໍລະກົດ 2026) ພາຍໃຕ້ຄໍາຂວັນ “ 71 ປີ ມີໄຊເຕີບໃຫຍ່ເຂັ້ມແຂງ ພັດທະນາ ແມ່ຍິງກ້າວໄກ ທັນສະໄໝ”
ໃນ ວັນທີ 17 ກໍລະກົດ 2026 ທີ່ຫໍວັດ ທະນະທໍາແຂວງ ໂດຍການປາຖະ ກະຖາຂອງ ທ່ານ ຄອນປະພັນ ເລືອງ ສີຈັນທອງ ຮອງເລຂາພັກແຂວງ ຫົວພັນ, ມີການນຳແຂວງ, ການ ນໍາເມືອງຊໍາເໜືອ, ຫົວໜ້າພະແນກ ການອ້ອມຂ້າງແຂວງ, ພະນັກງານ ບໍານານ ພ້ອມດ້ວຍສະມາຊິກແມ່ຍິງ ພາຍໃນເທສະບານແຂວງເຂົ້າຮ່ວມ.
ໃນພິທີໄດ້ຮັບຟັງການກໍາເນີດ ແລະ ການເຕີບໃຫຍ່ຂະຫຍາຍຕົວ ຂອງອົງການຈັດຕັ້ງສະຫະພັນແມ່ ຍິງລາວ ຊຶ່ງຕະຫລອດໄລຍະແຫ່ງ ການຕໍ່ສູ້ປົດປ່ອຍຊາດ ແລະ ປົກ ປັກຮັກສາປະເທດຊາດ, ແມ່ຍິງ ລາວບັນດາເຜົ່າ ມີມູນເຊື້ອຕໍ່ສູ້ພິລະ ອາດຫານ, ມູນເຊ້ືອດຸໝັ່ນຂະຫຍັນ ພຽນໃນການອອກແຮງງານ ແລະ ມູນເຊ້ືອອະນຸລັກວັດທະນະທຳອັນ ດີງາມຂອງຊາດ ແລະ ຂອງແມ່ ຍິງລາວ; ແມ່ຍິງມີບົດບາດສໍາ ຄັນຕົ້ນຕໍໃນການອະນຸລັກຮັກສາ ວັດທະນະທຳອັນດີງາມ ສະແດງ ອອກໃນກິລິຍາມາລະຍາດ, ການ ນຸ່ງຖືແຕ່ງກາຍ, ການຮ້ອງລຳທຳ ເພງ, ການຟ້ອນ, ການຈັດຕັ້ງພິທີກຳ ທາງສາສະໜາ, ຮີດຄອງປະເພນີ ແລະ ອື່ນໆ. ພ້ອມນີ້, ເອື້ອຍນ້ອງ ແມ່ຍິງ ໄດ້ກາຍເປັນຜູ້ສືບທອດໃນການປົກປັກຮັກສາມູນມໍລະດົກ ວັດທະນະທຳອັນດີງາມຂອງຊາດ ຖ່າຍທອດຈາກຮຸ່ນສູ່ຮຸ່ນ ຈົນເທົ່າ ທຸກວັນນີ້.
ສໍາລັບສະຫະພັນແມ່ຍິງແຂວງ ຫົວພັນໃນ 1 ປີຜ່ານມາ ໄດ້ຈັດຕັ້ງ ເຜີຍແຜ່, ເຊື່ອມຊຶມເອກະສານມູນ ເຊື້ອປະຫວັດສາດ ຂອງຊາດ, ຂອງ ພັກ, ມູນເຊື້ອວັດທະນະທໍາອັນດີ ງາມຂອງຊາດ, ຂອງແມ່ຍິງລາວ, ລັດຖະທໍາມະນູນ, ກົດໝາຍ, ກົດ ລະບຽບສະຫະພັນແມ່ຍິງ, ການ ສົ່ງເສີມຄວາມກ້າວໜ້າຂອງແມ່ ຍິງ, ການສົ່ງເສີມຄວາມສະເໝີພາບ ຍິງ-ຊາຍ, ແນວທາງການຕ່າງປະ ເທດ, ວຽກງານເສດຖະກິດ-ສັງຄົມ, ບັນດາສົນທິສັນຍາສາກົນທີ່ພົວພັນ ເຖິງສິດ, ຜົນປະໂຫຍດອັນຊອບທໍາ ຂອງແມ່ຍິງ ແລະ ເດັກ, ນິຕິກໍາ, ເອ ກະສານສໍາຄັນອື່ນໆ ໄດ້ 355 ຄັ້ງ, ຊຸກຍູ້ສະຫະພັນແມ່ຍິງແຕ່ລະຂັ້ນ ຈັດຕັ້ງເຜີຍແຜ່ເຊື່ອມຊຶມເນື້ອໃນຂ້ໍ ແຂ່ງຂັນ 3 ດີ ໄດ້ 953 ຄັ້ງ, ປຸກ ລະດົມສະມາຊິກສະຫະພັນແມ່ຍິງ ບັນດາເຜ່ົາເຂ້ົາຮ່ວມໃນການຮັກສາ ສຸຂະພາບ, ການສັກຢາກັນພະຍາດ ຕາມລະດູການ, ການລ້ຽງລູກດ້ວຍ ນົມແມ່, ວຽກງານໂພຊະນາການ, ຊຸມຊົນເປັນເຈົ້າການດ້ານສຸຂະອະ ນາໄມ ແລະ ວຽກງານອື່ນໆຕື່ມອີກ.
ການປາຖະກະຖາຄັ້ງນີ້ ກໍເພ່ືອ ຫວນຄືນປະຫວັດມູນເຊື້ອການກໍາ ເນີດ, ເຕີບໃຫຍ່ຂະຫຍາຍຕົວ ແລະ ຜົນງານການເຄື່ອນໄຫວວຽກງານ ຂອງອົງການຈັດຕັ້ງສະຫະພັນແມ ຍິງລາວ ແລະ ແມ່ຍິງລາວບັນດາ ເຜົ່າ ທີ່ໄດ້ອຸທິດຕົນ ເພື່ອພາລະກິດ ຕໍ່ສູ້ປົດປ່ອຍຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືພາລະກິດພັດທະນາແມ່ຍິງລາວ.
ຂ່າວ: ນິດຖະໜອມ
KPL
