ຂປລ
ຂປລ. ເມື່ອບໍ່ດົນມານີ້ ສູນສະຖິຕິ ແຫ່ງຊາດ, ກະຊວງການເງິນ ຈັດ ພິທີປິດຊຸດຝຶກອົບຮົມກ່ຽວກັບການ ກວດແກ້ ແລະ ການປຸງແຕ່ງຂໍ້ມູນ ຊຶ່ງຖືເປັນບາດກ້າວທີ່ສຳຄັນໃນຂະ ບວນການຈັດຕັ້ງປະຕິບັດການສຳ ຫລວດພົນລະເມືອງ ແລະ ທີ່ຢູ່ອາໄສ ທົ່ວປະເທດ ຄັ້ງທີ 5 ປີ 2025
ໂດຍ ມີທ່ານ ນາງ ເພັດສະໝອນ ສອນຫົວໜ້າສູນສະຖິຕິແຫ່ງຊາດ, ຄະ ນະຊີ້ນຳລະດັບຊາດ ສຳລັບການ ສຳຫລວດພົນລະເມືອງ ແລະ ທີ່ຢູ່ ອາໄສ ທົ່ວປະເທດ ຄັ້ງທີ 5, ທ່ານ ບັກທີຢໍ ຄາດິໂຣຟ ຜູ້ຕາງໜ້າອົງ ການສະຫະປະຊາດກອງທຶນ ສຳລັບ ປະຊາກອນ, ພ້ອມດ້ວຍພາກສ່ວນ ກ່ຽວຂ້ອງເຂົ້າຮ່ວມ. ທ່ານ ນາງ ເພັດສະໝອນ ສອນ ໄດ້ກ່າວວ່າ: ຊຸດຝຶກອົບຮົມຄັ້ງນີ້ ເພື່ອຍົກລະດັບຄວາມອາດສາມາດ ໃຫ້ແກ່ພະນັກງານສູນສະຖິຕິແຫ່ງ ຊາດ ກ່ຽວກັບຫລັກການ, ວີທີ ການ ແລະ ການປະຕິບັດຕົວຈິງໃນ ການກວດແກ້ ແລະ ປຸງແຕ່ງຂໍ້ມູນໂດຍນຳໃຊ້ປັນຍາປະດິດ (AI) ຊຶ່ງຜູ້ເຂົ້າຮ່ວມໄດ້ຮຽນຮູ້ກ່ຽວກັບ ຫລັກການການກວດແກ້ຂໍ້ມູນ, ການ ປຸງແຕ່ງຂໍ້ມູນລວມທັງການໃສ່ລະ ຫັດ ແລະ ການກວດແກ້ຄວາມສອດ ຄ່ອງຂອງຂໍ້ມູນທີ່ໄດ້ຈາກການລົງ ເກັບກຳຂໍ້ມູນຢູ່ພາກສະໜາມໃນ ທ້າຍປີ 2025 ແລະ ການສຳຫລວດ ປະເມີນຄຸນນະພາບພາຍຫລັງການ ສຳຫລວດໃຫຍ່ໃນເດືອນມີນາ ປີ 2026 ໂດຍນຳໃຊ້ລະບົບ AI ເຂົ້າໃນວຽກງານດັ່ງກ່າວ. ຜົນສຳເລັດຂອງການຍົກລະ ດັບຄວາມຮູ້ຄວາມສາມາດໃຫ້ແກ່ ພະນັກງານສູນສະຖິຕິແຫ່ງຊາດ ຈະ ສ້າງພື້ນຖານເພື່ອກ້າວໄປສູ່ການ ກຽມສ້າງບົດລາຍງານຜົນຂອງ ການສຳຫລວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ 5 ປີ 2025 ສະບັບສົມບູນ, ຄາດວ່າບົດ ລາຍງານດັ່ງກ່າວ ຈະໄດ້ເຜີຍແຜ່ໃນ 2-3 ເດືອນຂ້າງໜ້າ
KPL
