ຂປລ
ສ.ອາເມລິກາ ແລະ ອີຣານ ໄດ້ເຫັນດີ ຍຸດຕິການໂຈມຕີກັນ ແລະ ມີແຜນຈະຈັດການພົບປະເຈລະຈາ ຢູ່ນະຄອນ ຫລວງ ຂອງກາຕາ ໃນທ້າຍເດືອນນີ້ ເພື່ອແກ້ໄຂ ຄວາມຂັດແຍ້ງກ່ຽວກັບຊ່ອງແຄບຮໍມຸສ.
ຂປລ.ວິທະຍຸ ໂທລະພາບ ສູນກາງຈີນ, ສ.ອາເມລິກາ ແລະ ອີຣານ ໄດ້ເຫັນດີ ຍຸດຕິການໂຈມຕີກັນ ແລະ ມີແຜນຈະຈັດການພົບປະເຈລະຈາ ຢູ່ນະຄອນຫລວງ ຂອງກາຕາ ໃນທ້າຍເດືອນນີ້ ເພື່ອແກ້ໄຂ ຄວາມຂັດແຍ້ງກ່ຽວກັບຊ່ອງແຄບ ຮໍມຸສ. ຂະນະທີ່ ສ.ອາເມລິກາ ແລະ ອີຣານ ຈະຍຸດຕິການເຄື່ອນໄຫວ ທີ່ເປັນປໍລະປັກກັນ ເປັນການຊົ່ວຄາວ, ໃນຂະນະທີ່ສືບຕໍ່ ດຳເນີນການເຈລະຈາ ດ້ານວິຊາການ, ກຳປັ່ນ ຈະສາມາດເດີນເຮືອຜ່ານ ຊ່ອງແຄບຮໍມຸສ ໄດ້ຢ່າງເສລີ. ເຈົ້າໜ້າທີ່ ສ.ອາເມລິກາ ແລະ ແຫລ່ງຂ່າວອື່ນໆ ທີ່ເຊື່ອຖືໄດ້ ລ້ວນແຕ່ໄດ້ຢືນຢັນວ່າ: ການພົບປະເຈລະຈາລະຫວ່າງ ສ.ອາເມລິກາ ແລະ ອີຣານ ຈະຈັດຂຶ້ນ ໃນວັນທີ 30 ມິຖຸນານີ້. ຢ່າງໃດກໍຕາມ, ມາຮອດ ປັດຈຸບັນ, ສ.ອາເມລິກາ ແລະ ອີຣານ ລວມເຖິງ ປາກິດສະຖານ ແລະ ກາຕາ ທີ່ເປັນຝ່າຍໄກ່ເກ່ຍ ຍັງບໍ່ທັນໄດ້ອອກຖະແຫລງການ ຢ່າງເປັນທາງການເທື່ອ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
