ຂປລ
ກອງປະຊຸມສຸດຍອດ ຜູ້ນຳບໍລິສັດ ຂ້າມຊາດ ຊິງຕາວ ຄັ້ງທີ 7 ໄດ້ຈັດຂຶ້ນ ຢູ່ສູນປະຊຸມສາກົນ ນະຄອນຊິຕາວ ແຂວງຊ່ານຕົ່ງຂອງ ສປ ຈີນ ເມື່ອບໍ່ດົນ ມານີ້, ກອງປະຊຸມສຸດຍອດໃນຄັ້ງນີ້ ຈະຊຸກຍູ້ ບໍລິສັດຂ້າມຊາດ ເຊື່ອມໂຍງ ເຂົ້າໃນຕ່ອງໂສ້ ອຸດສາຫະກໍາ, ຕ່ອງໂສ້ການສະໜອງ ແລະ ຕ່ອງໂສ້ການປະດິດສ້າງໃໝ່ ຂອງສປ ຈີນ ຢ່າງເລິກເຊິ່ງ
ຂປລ.ວິທະຍຸ ໂທລະພາບ ສູນກາງຈີນ, ກອງປະຊຸມສຸດຍອດ ຜູ້ນຳບໍລິສັດ ຂ້າມຊາດ ຊິງຕາວ ຄັ້ງທີ 7 ໄດ້ຈັດຂຶ້ນ ຢູ່ສູນປະຊຸມສາກົນ ນະຄອນຊິຕາວ ແຂວງຊ່ານຕົ່ງຂອງ ສປ ຈີນ ເມື່ອບໍ່ດົນ ມານີ້, ກອງປະຊຸມສຸດຍອດໃນຄັ້ງນີ້ ຈະຊຸກຍູ້ ບໍລິສັດຂ້າມຊາດ ເຊື່ອມໂຍງ ເຂົ້າໃນຕ່ອງໂສ້ ອຸດສາຫະກໍາ, ຕ່ອງໂສ້ການສະໜອງ ແລະ ຕ່ອງໂສ້ການປະດິດສ້າງໃໝ່ ຂອງສປ ຈີນ ຢ່າງເລິກເຊິ່ງ, ເຮັດໃຫ້ບໍລິສັດເຫລົ່ານີ້ ສາມາດຊົມໃຊ້ຜົນຂອງປະໂຫຍດ ຈາກຕະຫລາດຂະໜາດໃຫຍ່, ໝາກຜົນການປະດິດສ້າງໃໝ່ ແລະ ການເປີດປະຕູ ສູ່ພາຍນອກ ດ້ານລະບຽບການຂອງ ສປ ຈີນ.ກອງປະຊຸມສຸດຍອດ ດັ່ງກ້່າວ ໄດ້ຈັດຂຶ້ນໂດຍສອດຄ່ອງກັບ ທ່າອຽງໃໝ່ ດ້ານການຮ່ວມມື ລະຫວ່າງ ບໍລິສັດຂ້າມຊາດກັບ ສປ ຈີນ ໃນໄລຍະຈັດຕັ້ງປະຕິບັດ “ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15” , ສືບຕໍ່ຂະຫຍາຍສະມາຊິກ ຂອງກອງປະຊຸມ ໂດຍໄດ້ດຶງດູດ ບໍລິສັດຂ້າມຊາດ 357 ແຫ່ງທີ່ມາຈາກ 44 ປະເທດ ແລະ ເຂດແຄວ້ນເຂົ້າຮ່ວມ, ໃນນັ້ນ, ລວມທັງບໍລິສັດຊັ້ນນຳ ທີ່ນອນໃນ 500 ອັນດັບຂອງໂລກ 105 ແຫ່ງ, ວິສາຫະກິດນຳໜ້າ ໃນອຸດສາຫະກຳ 252 ແຫ່ງ. ອັດຕາສ່ວນຂອງວິສາຫະກິດ ການບໍລິການທັນສະໄໝ ທີ່ເຂົ້າຮ່ວມກອງປະຊຸມກວມ ເຖິງ 20% ເຊິ່ງເປັນການສ້າງສະຖິຕິສູງສຸດໃນປະຫວັດສາດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
