ຂປລ
ກະຊວງ ຄົມມະນາຄົມຂົນສົ່ງຈີນ ໄດ້ມອບໃຫ້ອົງການ ກິດຈະການ ທາງທະເລ ແຂວງຟູຈ້ຽນ, ອົງການກິດຈະການ ທາງທະເລ ແຂວງກວາງຕຸ້ງ, ສູນຮັບປະກັນ ການເດີນເຮືອທະເລຕາເວັນອອກ ແລະ ກົມກູ້ໄພທະເລຕາເວັນອອກ ເລີ່ມປະຕິບັດ ການບັງຄັບໃຊ້ກົດໝາຍພິເສດ ທາງທະເລ ຢູ່ເຂດທະເລ ຕາເວັນອອກຂອງເກາະໄຕ້ຫວັນ.
ຂປລ.ວິທະຍຸ ໂທລະພາບ ສູນກາງຈີນ, ກະຊວງ ຄົມມະນາຄົມຂົນສົ່ງຈີນ ໄດ້ມອບໃຫ້ອົງການ ກິດຈະການ ທາງທະເລ ແຂວງຟູຈ້ຽນ, ອົງການກິດຈະການ ທາງທະເລ ແຂວງກວາງຕຸ້ງ, ສູນຮັບປະກັນ ການເດີນເຮືອທະເລຕາເວັນອອກ ແລະ ກົມກູ້ໄພທະເລຕາເວັນອອກ ເລີ່ມປະຕິບັດ ການບັງຄັບໃຊ້ກົດໝາຍພິເສດ ທາງທະເລ ຢູ່ເຂດທະເລ ຕາເວັນອອກຂອງເກາະໄຕ້ຫວັນ. ຈຸດປະສົງ ເພື່ອໃຊ້ສິດອໍານາດຄຸ້ມຄອງ ດ້ານການບັງຄັບໃຊ້ກົດໝາຍ ທາງທະເລຂອງ ສປ ຈີນ ຢ່າງຮອບດ້ານ, ເພີ່ມທະວີ ຄວາມສາມາດ ໃນການລາດຕະເວນ ແລະ ບັງຄັບໃຊ້ກົດໝາຍຢູ່ທະເລເລິກ ແລະ ໄກ ກໍຄືການຄຸ້ມຄອງ ແລະ ຄວບຄຸມ ການຈະລາຈອນ ຢູ່ນ່ານນ້ຳສຳຄັນ, ຮັບປະກັນຄວາມປອດໄພດ້ານການເດີນເຮືອທາງທະເລ ແລະ ປົກປ້ອງສິດຜົນປະໂຫຍດຂອງຊາດ. ນີ້ແມ່ນການປະຕິບັດການ ທີ່ຈຳເປັນເພື່ອຕອບໂຕ້ ການປະກາດພຽງຝ່າຍດຽວຂອງ ຍີ່ປຸ່ນ ແລະ ຟິລິບປິນ ກ່ຽວກັບການເລີ່ມຕົ້ນ “ການເຈລະຈາກຳນົດ ເຂດຊາຍແດນທາງທະເລ” ທາງຕາເວັນອອກຂອງເກາະໄຕ້ຫວັນຈີນ ເຊິ່ງເປັນການລ່ວງລ້ຳ ອະທິປະໄຕ ທາງຜືນແຜ່ນດິນແຫ່ງຊາດ ກໍຄື ສິດແລະຜົນປະໂຫຍດ ທາງທະເລຂອງ ສປ ຈີນ ຢ່າງໜັກໜ່ວງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
