ຂປລ
ຂປລ. ເວົ້າໄດ້ວ່າ ໄລຍະຫລັງມານີ້ ວົງການເພງບ້ານເຮົາ ມີຄວາມຄືກຄື້ນຫລາຍ ເນື່ອງຈາກວ່າ ສິລະປິນລາວ ຈາກຫລາຍຄ້າຍເພງ ກໍໄດ້ນໍາສະເໜີ ເພງທີ່ຫລາຍຮູບແບບ ທີ່ສະທ້ອນເຖິງບັນຫາສັງຄົມໃນຫລາຍ ຮູບແບບ ບໍ່ວ່າຈະເປັນຄວາມຮັກ, ຄອບຄົວ, ສັງຄົມ ຊຶ່ງບອກເລີຍວ່າ ມ່ວນອອນຊອນ ຈົນຄົນຫັນມາຟັງເພງລາວຫລາຍຂຶ້ນ ແລະ ຖ້າຈະເວົ້າເຖິງວົງການເພງໃນປັດຈຸບັນ
ຂປລ. ເວົ້າໄດ້ວ່າ ໄລຍະຫລັງມານີ້ ວົງການເພງບ້ານເຮົາ ມີຄວາມຄືກຄື້ນຫລາຍ ເນື່ອງຈາກວ່າ ສິລະປິນລາວ ຈາກຫລາຍຄ້າຍເພງ ກໍໄດ້ນໍາສະເໜີ ເພງທີ່ຫລາຍຮູບແບບ ທີ່ສະທ້ອນເຖິງບັນຫາສັງຄົມໃນຫລາຍ ຮູບແບບ ບໍ່ວ່າຈະເປັນຄວາມຮັກ, ຄອບຄົວ, ສັງຄົມ ຊຶ່ງບອກເລີຍວ່າ ມ່ວນອອນຊອນ ຈົນຄົນຫັນມາຟັງເພງລາວຫລາຍຂຶ້ນ ແລະ ຖ້າຈະເວົ້າເຖິງວົງການເພງໃນປັດຈຸບັນ ແລ້ວກໍມີຫລາຍເພງທີ່ກໍາລັງໄດ້ຮັບຄວາມນິຍົມ ໜຶ່ງໃນນັ້ນ, "ເປັນໄປບໍ່ໄດ້" ຈາກນັກຮອງສຽງດີ ບ່າວ Salavan ແລະ ສາວ Namfon yimwan ທີ່ສາມາດສ້າງສະຖິຕິຍອດເຂົ້າຊົມທະລຸ 1 ລ້ານວິວ ໃນແອັບຢູທູບ ໃນເວລາພຽງ 1 ເດືອນເທົ່ານັ້ນ ຈຶ່ງເຮັດໃຫ້ເພງນີ້ ຄອງໃຈແຟນເພງທັງພາຍໃນ ແລະ ຕ່າງປະເທດ.
ແນວໃດກໍດີ, ເພື່ອເປັນການສະໜັບສະໜູນ ວົງການເພງລາວ ລາຍການ PHATALK ໄດ້ມອບເງິນສະໜັບ,ສະໜູນທີມງານ ເພງ "ເປັນໄປບໍ່ໄດ້" ມູນຄ່າ 50 ລ້ານກີບ ເພື່ອສົ່ງເສີມ "ເພງລາວ ໃຫ້ກັບມາຍິ່ງໃຫຍ່ອີກຄັ້ງ" ຊຶ່ງມີກຳນົດງົບປະມານລວມສູງເຖິງ 1 ຕື້ກີບ ເພື່ອມອບໃຫ້ແກ່ທຸກບົດເພງໃນໂຄງການທີ່ສາມາດບັນລຸຍອດວິວໄດ້ຕາມເກນ 1 ລ້ານວິວ ພາຍໃນ 1 ເດືອນ.
ໂຄງການນີ້, ເຄີຍມອບລາງວັນ 50 ລ້ານກີບ ໃຫ້ແກ່ບົດເພງ "ຮ້ອງອ້າຍຊິຕາຍຫວາ" ຂອງອາຈານ ບຸນເກີດ ໜູຫ່ວງ ແລະ ນາລິນ ອິນສອນ ມາແລ້ວໃນໄລຍະກ່ອນໜ້ານີ້.
ຫຍຸດ ສາລະວັນ ເພງ "ເປັນໄປບໍ່ໄດ້" ໄດ້ສະແດງຄວາມຮູ້ສຶກຜ່ານເຟສບຸກສ່ວນໂຕວ່າ : ກ່ອນອື່ນໝົດ ຕ້ອງຂໍຂອບໃຈທີມງານ ຫຍຸດ ທຸກຄົນເດີ ທີ່ຊ່ວຍເຮັດໃຫ້ເພງນີ້ອອກມາດີ ແລະ ຂໍຂອບໃຈຜູ້ຟັງທຸກທ່ານ 🙏 ແລະ ທີ່ສຳຄັນ ຕ້ອງຂອບໃຈລາຍການ PHATALK ເປັນຢ່າງສູງ ທີ່ເປີດໂອກາດໃຫ້ສິລະປິນໜ້າໃໝ່ແບບ ຫຍຸດສາລະວັນ ແລະຄົນອື່ນໆອີກ ເຮັດໃຫ້ວົງການເພງລາວເຮົາກັບມາຄຶກຄັກ ມີສີສັນ ແລະ ເປັນການສະໜັບສະໜຸນ ຜົນງານເພງຂອງຄົນລາວ ຈາກຄົນລາວ ຫຍຸດສັນຍາວ່າ ຈະເຮັດຜົນງານໃໝ່ໆອອກມາໃຫ້ທຸກຄົນໄດ້ຮັບຟັງຢູ່ເລື້ອຍໆ.
ໂດຍ: ລູກສາວຫລ້າ
KPL
