ຂປລ.  ທ້າຍເດືອນ  ພຶດສະພາ 2026 ນີ້, ສະຫາຍ ທອງວັນ ທໍາມະວົງ ຮອງເລຂາພັກແຂວງ, ຜູ້ຊີ້ນໍາວຽກງານພັກ- ພະນັກງານ ແລະ ວຽກງານກໍ່ສ້າງຮາກຖານການເມືອງ ພ້ອມດ້ວຍພະແນກການ, ອົງການ, ກົມກອງ, ພາກສ່ວນທີ່ກ່ຽວຂ້ອງລົງພົບປະໂອ້ລົມ ແລະ ຊຸກຍູ້, ວຽກງານຮາກຖານການເມືອງຢູ່ 4 ບ້ານເມືອງຮົ່ມ ຄື: ບ້ານຜາລະແວກ, ນ້ຳຄຽນ, ຮົ່ມທາດ ແລະ ບ້ານພູງູ, ມີສະຫາຍ ຄໍາພຸດ ແກ້ວວົງພອນ ກຳມະການພັກ ແຂວງ, ເລຂາພັກເມືອງ, ມີການນຳເມືອງຮົ່ມ, ພະນັກງານກໍ່ສ້າງຮາກຖານການເມືອງປະຈຳ 4 ບ້ານ, ມີອົງການຈັດຕັ້ງບ້ານ ແລະ  ພໍ່ແມ່ປະຊາຊົນເຂົ້າຮ່ວມ.

    ສະຫາຍ ພັຕ ຜາຍຄຳ ມະລັດວັນ ຫົວໜ້າໜ່ວຍ ງານຮາກຖານ ໄດ້ຕາງໜ້າໜ່ວຍງານກໍ່ສ້າງຮາກຖານການເມືອງ ລາຍງານການເຄື່ອນໄຫວວຽກງານກໍ່ສ້າງຮາກຖານການເມືອງ ໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ ລວມທັງຂໍ້ສະດວກ, ຂໍຫຍຸ້ງຍາກໃຫ້ຮອງເລຂາພັກແຂວງພ້ອມດ້ວຍຄະນະ ໄດ້ຮັບຊາບ. ໃນນີ້, ໃນໄລຍະຜ່ານມາ ພະນັກ ງານຮາກຖານປະຈຳບ້ານ ໄດ້ສົມທົບກັບຄະນະອົງ ການປົກຄອງບ້ານ, ເຈົ້າກົກເຈົ້າເຫລົ່າ, ບັນດາຫົວໜ້າ ຊິ່ງຊາວເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ພໍ່ແມ່ປະຊາຊົນໄດ້ຢ່າງທົ່ວເຖິງ, ມີແນວຄິດເຊື່ອໝັ້ນຕໍ່ການນຳພາຂອງພັກ-ລັດ ເຮັດໃຫ້ບ້ານມີສະຖຽນລະພາບທາງດ້ານການເມືອງ, ມີຄວາມສະຫງົບ, ສັງຄົມມີຄວາມເປັນລະບຽບຮຽບຮ້ອຍ, ສົ່ງເສີມໃຫ້ພໍ່ແມ່ປະຊາຊົນທຳການຜະລິດ ປູກຝັງ-ລ້ຽງສັດ ເພື່ອແກ້ໄຂຊີວິດການເປັນຢູ່ຂອງພໍ່ແມ່ປະຊາຊົນໃຫ້ຫລຸດພົ້ນອອກຈາກຄວາມທຸກຍາກເທື່ອລະກ້າວ.

  ພ້ອມນີ້, ອົງການຈັດຕັ້ງບ້ານ ກໍໄດ້ມີຄຳເຫັນ ແລະ ຄຳສະເໜີຕ່າງໆ ຕໍ່ການນຳແຂວງ, ເມືອງ ແລະ ບັນດາພາກສ່ວນທີ່ກ່ຽວຂ້ອງທີ່ເຂົ້າຮ່ວມ. ພ້ອມທັງ ປຶກສາຫາລື ຢ່າງກົງໄປກົງມາ ເພື່ອໃຫ້ການຈັດຕັ້ງປະ ຕິບັດວຽກງານດີຂຶ້ນກວ່າເກົ່າໃນຕໍ່ໜ້າ.

    ຂະນະທີ່ ສະຫາຍ ທອງວັນ ທຳມະວົງ ໄດ້ໂອ້ລົມ ເນັ້ນໜັກໃຫ້ພະນັກງານທີ່ລົງກໍ່ສ້າງຮາກຖານການເມືອງ ປະຈຳບ້ານ 4 ບ້ານ ສົມທົບກັບຄະນະກຳມະການ ປົກຄອງຕາແສງ  ຈັດຕັ້ງເຜີຍແຜ່ບັນດານິຕິກໍາ, ເຊື່ອມຊຶມມະຕິ, ຄໍາສັ່ງຂອງພັກ, ກົດໝາຍຂອງລັດ, ພ້ອມທັງຜັນຂະຫຍາຍມະຕິກອງປະຊຸມໃຫຍ່ ອົງຄະນະພັກເມືອງ ແລະ ມະຕິກອງປະຊຸມໃຫຍ່ ອົງຄະນະພັກແຂວງ ຄັ້ງທີ II ຄຽງຄູ່ກັບມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງໃນ ໄລຍະໃໝ່, ເພີ່ມທະວີຄວາມສາມັກຄີພາຍໃນບ້ານ ເປັນເອກະພາບກັນບົນຫລັກການລວມສູນປະຊາທິ ປະໄຕ ເຮັດວຽກເປັນໝູ່ຄະນະ, ແບ່ງຄວາມຮັບຜິດຊອບໃຫ້ກັນຢ່າງລະອຽດ ແລະ ໃຫ້ພ້ອມກັນຈັດຕັ້ງ ປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງ. ຂະນະດຽວກັນ ຮຽກຮ້ອງໃຫ້ພະແນກການແຮກສ່ຽວຂັ້ນແຂວງ,ຫ້ອງການແຮກສ່ຽວຂັ້ນເມືອງ ກັບ 4 ບ້ານ ແລະ ຄະນະກໍາມະການປົກຄອງຕາແສງ ຜາລະແວກ ໃຫ້ສືບຕໍ່ລົງຊຸກຍູ້, ຕິດຕາມ, ຊ່ວຍເຫລືອ ຄະນະໜ່ວຍພັກບ້ານ, ການຈັດຕັ້ງຂັ້ນບ້ານ. ໃກ້ຊິດກັບຄະນະໜ່ວຍພັກ, ອົງການຈັດຕັ້ງບ້ານ 4 ບ້ານ ຫລາຍກວ່າເກົ່າ.

   ການລົງພົບປະຄັ້ງນີ້, ຍັງໄດ້ມອບເຄື່ອງອຸປະໂພກ-ບໍລິໂພກຈຳນວນໜຶ່ງ ມອບໃຫ້ປະຊາຊົນ 13 ຄອບຄົວທຸກຍາກ ແລະ ມອບຄອມພິວເຕີ, ກະຕິກນ້ຳ ຮ້ອນ, ເຄື່ອງບໍລິໂພກຈໍານວນໜຶ່ງໃຫ້ໜ່ວຍງານກໍ່ ສ້າງຮາກຖານການເມືອງ 4 ບ້ານຕື່ມອີກ.

ໂດຍ: ເຂົ້າຈານນ້ຳ

KPL