ຂປລ
ອົງການປະເທດ ຜູ້ສົ່ງນ້ຳມັນເຊື້ອໄຟ ຫລື OPEC ໄດ້ເປີດເຜີຍ ບົດລາຍງານ ກ່ຽວກັບ ຕະຫລາດ ນ້ຳມັນເຊື້ອໄຟ ປະຈຳເດືອນ ໂດຍໄດ້ປັບຫລຸດ ການຄາດຄະເນ ການເຕີບໂຕ ຂອງຄວາມຕ້ອງການນ້ຳມັນເຊື້ອໄຟ ທົ່ວໂລກໃນປີ 2026 ທີ່ເຄີຍຄາດຄະເນໄວ້
ຂປລ.ວິທະຍຸ-ໂທລະພາບ ສູນກາງຈີນ, ອົງການປະເທດ ຜູ້ສົ່ງນ້ຳມັນເຊື້ອໄຟ ຫລື OPEC ໄດ້ເປີດເຜີຍ ບົດລາຍງານ ກ່ຽວກັບ ຕະຫລາດ ນ້ຳມັນເຊື້ອໄຟ ປະຈຳເດືອນ ໂດຍໄດ້ປັບຫລຸດ ການຄາດຄະເນ ການເຕີບໂຕ ຂອງຄວາມຕ້ອງການນ້ຳມັນເຊື້ອໄຟ ທົ່ວໂລກໃນປີ 2026 ທີ່ເຄີຍຄາດຄະເນໄວ້ ໂດຍໄດ້ປັບເພີ່ມ ການຄາດຄະເນ ການເຕີບໂຕຂອງຄວາມຕ້ອງການ ນ້ຳມັນເຊື້ອໄຟທົ່ວໂລກໃນປີ 2027.ບົດລາຍງານ ໄດ້ລະບຸວ່າ: ປີ 2026, ຄວາມຕ້ອງການ ຕໍ່ນ້ຳມັນເຊື້ອໄຟສະເລ່ຍຕໍ່ມື້ ທົ່ວໂລກ ຈະເພີ່ມຂຶ້ນ 1.170.000 ຖັງ(ບາເຣວ) ເມື່ອທຽບໃສ່ປີ 2025, ໂດຍຈະຢູ່ລະດັບ 106 ລ້ານ 330.000 ບາເຣວ. ບົດລາຍງານ ຍັງໄດ້ຄາດຄະເນວ່າ: ປີ 2027, ຄວາມຕ້ອງການ ນ້ຳມັນເຊື້ອໄຟ ສະເລ່ຍຕໍ່ມື້ທົ່ວໂລກ ຈະເພີ່ມຂຶ້ນ 1.540.000 ບາເຣວ ເມື່ອທຽບໃສ່ປີ 2026, ໂດຍຈະຢູ່ລະດັບ 107 ລ້ານກວ່າບາເຣວ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
