ຂປລ
ເວທີປາໄສ ສຳຫລວດກວດກາ ການອົບພະຍົບ ສາກົນ ຄັ້ງທີ 2 (GCM)ໄດ້ຈັດຂຶ້ນ ເມື່ອບໍ່ດົນມານີ້ ຢູ່ສຳນັກງານ ສະຫະປະຊາຊາດ(ສປຊ), ນະຄອນ ນິວຢອກ ຂອງ ສ.ອາເມລິກາ ໃນສະພາບການ ອົບພະຍົບສາກົນ ສືບຕໍ່ປະເຊີນໜ້າກັບ ສິ່ງທ້າທາຍທີ່ສັບສົນຫລາຍຢ່າງ.
ຂປລ.ວິທະຍຸ ກະຈາຍສຽງ ຫວຽດນາມ, ເວທີປາໄສ ສຳຫລວດກວດກາ ການອົບພະຍົບ ສາກົນ ຄັ້ງທີ 2 (GCM)ໄດ້ຈັດຂຶ້ນ ເມື່ອບໍ່ດົນມານີ້ ຢູ່ສຳນັກງານ ສະຫະປະຊາຊາດ(ສປຊ), ນະຄອນ ນິວຢອກ ຂອງ ສ.ອາເມລິກາ ໃນສະພາບການ ອົບພະຍົບສາກົນ ສືບຕໍ່ປະເຊີນໜ້າກັບ ສິ່ງທ້າທາຍ ທີ່ສັບສົນຫລາຍຢ່າງ. ເຫດການໄດ້ດຶງດູດ ການເຂົ້າຮ່ວມຂອງເກືອບ 130 ປະເທດ, ຫລາຍອົງການ ຈັດຕັ້ງສາກົນ ແລະ ບັນດາຝ່າຍທີ່ກ່ຽວຂ້ອງ. ຈາກນັ້ນ ທ່ານນາງ ຟານທິມິງຢາງ ຮອງຫົວໜ້າກົມກົງສູນ ຫວຽດນາມ ໃຫ້ຂໍ້ສັງເກດວ່າ: ສະພາບການອົບພະຍົບທົ່ວໂລກ ພວມສືບຕໍ່ ດຳເນີນຢ່າງສັບສົນ. ໃນສະພາບການນັ້ນ, ຫວຽດນາມ ຢັ້ງຢືນຂໍ້ຕົກລົງ GCM ສືບຕໍ່ ແມ່ນຂອບເຂດສຳຄັນ ຊຸກຍູ້ການສົນທະນາ ແລະ ການຮ່ວມມື ຢ່າງແທ້ຈິງ ກ່ຽວກັບການອົບພະຍົບ, ເໝາະສົມກັບເງື່ອນໄຂ ແລະ ບຸລິມະສິດ ຂອງແຕ່ລະປະເທດ.ສສ ຫວຽດນາມ ຢຶດໝັ້ນຕໍ່ ວິທີການສຳຜັດ ດຸ່ນດ່ຽງ, ຖືມະນຸດເປັນໃຈກາງ ໃນການຄຸ້ມຄອງການອົບພະຍົບ, ທ່ານ ນາງ ຟານທິມິງຢາງ ໃຫ້ຮູ້ວ່າ: ສສ ຫວຽດນາມ ຕັ້ງໜ້າປະຕິບັດ ແຜນການຜັນຂະຫຍາຍ ຂໍ້ຕົກລົງ GCM ປະກາດໃຊ້ ໃນປີ 2020, ພົ້ນເດັ່ນແມ່ນ ການສືບຕໍ່ສ້າງນະໂຍບາຍ, ກົດໝາຍໃຫ້ສົມບູນແບບ, ຊຸກຍູ້ການຄັດເລືອກ ການອົບພະຍົບ ທີ່ຖືກຕ້ອງກົດໝາຍ, ປອດໄພ ຜ່ານການຮ່ວມມ ືແຮງງານສອງຝ່າຍ, ຮັບສະໝັກທີ່ມີຄວາມຍຸຕິທຳ ແລະ ຫລຸດຜ່ອນ ຄ່າທຳນຽມ ໃນການອົບພະຍົບ, ພ້ອມທັງ ຍູ້ແຮງການຫັນເປັນ ດີຈີຕອນ ໃນການຄຸ້ມຄອງ ການອົບພະຍົບ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
