ຂປລ
ທ່ານ ອາມິນ ເຮສ ນັສເຊີ ປະທານ ຄະນະບໍລິຫານ ບໍລິສັດ ນ້ຳມັນເຊື້ອໄຟ ຂອງອາຣັບບີ ຊາອູດິດ ກ່າວວ່າ: ໃນໄລຍະສອງເດືອນຜ່ານມາ, ການສະໜອງນ້ຳມັນເຊື້ອໄຟທົ່ວໂລກ ໄດ້ຫລຸດລົງປະມານ 1 ຕື້ຖັງ(ບາເຣວ).
ຂປລ.ວິທະຍຸ-ໂທລະພາບ ສູນກາງຈີນ, ທ່ານ ອາມິນ ເຮສ ນັສເຊີ ປະທານ ຄະນະບໍລິຫານ ບໍລິສັດ ນ້ຳມັນເຊື້ອໄຟ ຂອງອາຣັບບີ ຊາອູດິດ ກ່າວວ່າ: ໃນໄລຍະສອງເດືອນຜ່ານມາ, ການສະໜອງນ້ຳມັນເຊື້ອໄຟທົ່ວໂລກ ໄດ້ຫລຸດລົງປະມານ 1 ຕື້ຖັງ(ບາເຣວ). ບໍລິສັດດັ່ງກ່າວ ໄດ້ເປີດເຜີຍບົດລາຍງານວ່າ: ຜົນກຳໄລສຸດທິ ຂອງບໍລິສັດຕົນ ໃນໄຕມາດທຳອິດປີນີ້ໄດ້ເພີ່ມຂຶ້ນ ປະມານ 26% ເມື່ອທຽບໃສ່ ໄລຍະດຽວກັນຂອງປີ 2025. ທ່ານ ອາມິນ ເຮສ ນັສເຊີ ກ່າວໃນເວລາໃຫ້ສຳພາດ ຕໍ່ສື່ມວນຊົນວ່າ: ເຖິງວ່າການຈໍລະຈອນ ພະລັງງານ ຈະກັບຄືນສູ່ສະພາບປົກກະຕິ ກໍ່ຕາມ, ແຕ່ລະບົບທັງໝົດ ຕ້ອງໃຊ້ເວລາໄລຍະໜຶ່ງ ຈຶ່ງຈະສາມາດກັບຄືນສູ່ ສະພາບປົກກະຕິໄດ້.ບົດລາຍງານດັ່ງກ່າວ ຍັງສະແດງໃຫ້ເຫັນວ່າ: ເຖິງວ່າ ໄດ້ຮັບຜົນກະທົບ ຈາກການຜັນຜວນ ຂອງລາຄາພະລັງງານທີ່ເກີດຂຶ້ນຈາກສົງຄາມ,ແຕ່ກຳໄລສຸດທິ ຂອງບໍລິສັດດັ່ງກ່າວໃນໄຕມາດທຳອິດ ປີນີ້ມີເຖິງ 33,6 ຕື້ໂດລາສະຫະລັດ ເພີ່ມຂຶ້ນ ປະມານ 26% ເມື່ອທຽບໃສ່ ໄລຍະດຽວກັນຂອງປີ 2025./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
