ຂປລ
ໃນເດືອນເມສາປີ 2026, ດັດຊະນີ ລາຄາຜູ້ບໍລິໂພກຂອງສປ ຈີນ ໄດ້ເພີ່ມຂຶ້ນ 1,2% ເມື່ອທຽບໃສ່ ເດືອນເມສາປີ 2025. ໃນນັ້ນ, ດັດຊະນີລາຄາໃນຕົວເມືອງ ໄດ້ເພີ່ມຂຶ້ນ 1,2%
ຂປລ.ວິທະຍຸ-ໂທລະພາບ ສູນກາງຈີນ, ໃນເດືອນເມສາປີ 2026, ດັດຊະນີ ລາຄາຜູ້ບໍລິໂພກຂອງສປ ຈີນ ໄດ້ເພີ່ມຂຶ້ນ 1,2% ເມື່ອທຽບໃສ່ ເດືອນເມສາປີ 2025. ໃນນັ້ນ, ດັດຊະນີລາຄາໃນຕົວເມືອງ ໄດ້ເພີ່ມຂຶ້ນ 1,2%, ໃນຊົນນະບົດ ໄດ້ເພີ່ມຂຶ້ນ 1%, ລາຄາອາຫານ ໄດ້ຫລຸດລົງ 1,6%, ຂະນະທີ່ ລາຄາຂອງສິນຄ້າ ທີ່ບໍ່ແມ່ນອາຫານໄດ້ເພີ່ມຂຶ້ນ 1,8%, ລາຄາເຄື່ອງບໍລິໂພກ ໄດ້ເພີ່ມຂຶ້ນ 1,4% ແລະ ລາຄາບໍລິການໄດ້ເພີ່ມຂຶ້ນ 0,9%. ນັບແຕ່ເດືອນມັງກອນຫາເດືອນເມສາປີນີ້, ດັດຊະນີລາຄາຜູ້ບໍລິໂພກຂອງ ສປ ຈີນ ໄດ້ເພີ່ມຂຶ້ນສະເລ່ຍ 0,9% ຕໍ່ເດືອນ ເມື່ອທຽບໃສ່ໄລຍະດຽວກັນ ຂອງປີກາຍນີ້. ໃນເດືອນເມສາ, ດັດຊະນີ ລາຄາຜູ້ບໍລິໂພກ ຂອງ ສປ ຈີນ ໄດ້ເພີ່ມຂຶ້ນ 0,3% ເມື່ອທຽບໃສ່ ເດືອນມີນາປີນີ້. ໃນນັ້ນ, ດັດຊະນີ ລາຄາໃນຕົວເມືອງ ໄດ້ເພີ່ມຂຶ້ນ 0,3%, ຊົນນະບົດ ໄດ້ເພີ່ມຂຶ້ນ 0,1%, ລາຄາອາຫານໄດ້ຫລຸດລົງ 1,6%, ລາຄາສິນຄ້າ ທີ່ບໍ່ແມ່ນອາຫານ ໄດ້ເພີ່ມຂຶ້ນ 0,7%, ລາຄາເຄື່ອງບໍລິໂພກ ໄດ້ເພີ່ມຂຶ້ນ 0,1% ແລະ ລາຄາບໍລິການ ໄດ້ເພີ່ມຂຶ້ນ 0,5%./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
