ຂປລ
ຂປລ. ສະຖານທູດຢີ່ປຸ່ນປະຈໍາລາວ ຈັດກິດຈະກຳໃຫ້ສື່ມວນຊົນລາວ ໄປຢ້ຽມຢາມບັນດາໂຄງການທີ່ລັດ ຖະບານຢີ່ປຸ່ນ ໃຫ້ການຊ່ວຍເຫລືອ ຢູ່ ສປປ ລາວ ໃນຂະແໜງການຮ່ວມມືດ້ານເສດຖະກິດ ຢູ່ໃນນະຄອນຫລວງວຽງຈັນ (ນວ) ໃນວັນທີ 19 ມີນາ 2027 ເນື່ອງໃນໂອກາດ ສະເຫລີມສະຫລອງ ວັນສ້າງຕັ້ງສາຍພົວພັນ ທາງການທູດລະຫວ່າງ ສປປ ລາວ ແລະ ຍີ່ປຸ່ນ ຄົບຮອບ 70 ປີ (ວັນທີ 5 ມີນາ 1955 ຫາ 5 ມີນາ 2025) ນໍາໂດຍ ທ່ານ ໂທຊິມິຈິ ໂຄກະ ເລຂາເອກ, ຫົວໜ້າພະແນກເສດຖະກິດ ແລະ ການຮ່ວມມື ແລະ ທ່ານ ນາງ ໂຢຊິຮະລຊິ ອະຊຸກະ ຫົວໜ້າພະແນກ ວັດທະນະທຳ ສະຖານທູດຢີ່ປຸ່ນປະຈໍາລາວ.
ຂປລ. ສະຖານທູດຢີ່ປຸ່ນປະຈໍາລາວ ຈັດກິດຈະກຳໃຫ້ສື່ມວນຊົນລາວ ໄປຢ້ຽມຢາມບັນດາໂຄງການທີ່ລັດ ຖະບານຢີ່ປຸ່ນ ໃຫ້ການຊ່ວຍເຫລືອ ຢູ່ ສປປ ລາວ ໃນຂະແໜງການຮ່ວມມືດ້ານເສດຖະກິດ ຢູ່ໃນນະຄອນຫລວງວຽງຈັນ (ນວ) ໃນວັນທີ 19 ມີນາ 2027 ເນື່ອງໃນໂອກາດ ສະເຫລີມສະຫລອງ ວັນສ້າງຕັ້ງສາຍພົວພັນ ທາງການທູດລະຫວ່າງ ສປປ ລາວ ແລະ ຍີ່ປຸ່ນ ຄົບຮອບ 70 ປີ (ວັນທີ 5 ມີນາ 1955 ຫາ 5 ມີນາ 2025) ນໍາໂດຍ ທ່ານ ໂທຊິມິຈິ ໂຄກະ ເລຂາເອກ, ຫົວໜ້າພະແນກເສດຖະກິດ ແລະ ການຮ່ວມມື ແລະ ທ່ານ ນາງ ໂຢຊິຮະລຊິ ອະຊຸກະ ຫົວໜ້າພະແນກ ວັດທະນະທຳ ສະຖານທູດຢີ່ປຸ່ນປະຈໍາລາວ.
ໂອກາດນີ້, ສື່ມ່ວນຊົນລາວ ໄດ້ໄປຢ້ຽມຢາມບັນດາໂຄງການ ທີ່ລັດຖະບານຢີ່ປຸ່ນ ໃຫ້ການຊ່ວຍເຫລືອ ຢູ່ ສປປ ລາວ ເປັນຕົ້ນ ໂຄງການນ້ຳປະປາ ຢູ່ສູນບຳບັດນ້ຳຈີ່ນາຍໂມ້, ສະມາຄົມແມ່ຍິງພິການ, ໂຮງໝໍເສດຖາທິລາດ, ສະຖາບັນລາວ-ຍີ່ປຸ່ນ ແລະ ຢ້ຽມຢາມ ມໍເບີລີ້-ເມແບ້ງ ແກລໍລີ້ (ຫ້ອງວາງສະແດງ-ຂາຍຜະລິດຕະພັນລາວ ບ້ານໂພນຕ້ອງ ເມືອງຈັນທະບູລີ) ເຊິ່ງເປັນໂຄງການທີ່ຈັດຕັ້ງປະຕິບັດ ຢູ່ນະຄອນຫລວງວຽງຈັນ ແລະ ແຕ່ລະໂຄງການຈະມີຊ່ຽວຊານ ແລະ ອາສາສະໝັກ ຂອງອົງການຮ່ວມມືສາກົນລາວຢີ່ປຸ່ນ ມາປະຈຳການຢູ່ແຕ່ລະຫ້ອງການ.
ທ່ານ ທາຊາກະ ທາຄຸໂຣ ອຸປະທູດຍີ່ປຸ່ນ ປະຈຳ ສປປ ລາວ ໄດ້ໃຫ້ຮູ້ວ່າ: ການຮ່ວມມືດ້ານເສດຖະກິດກັບປະເທດລາວ ໄດ້ເລີ່ມມາແຕ່ໃນປີ 1969 ແລະ ມີການຊ່ວຍເຫລືອໃນຫລາຍຮູບແບບ ໂດຍສະເພາະໂຄງການການກໍ່ສ້າງເຂື່ອນນ້ຳງື່ມ1, ຂົວມິດຕະພາບລາວ-ໄທ ແຫ່ງທີ 2 ລະຫວ່າງແຂວງສະຫວັນນະເຂດ ຫາ ມຸກດາຫານ, ການສ້ອມແປງເສັ້ນທາງເລກທີ 9 ເຊິ່ງເປັນເສັ້ນທາງເຊື່ອມຕໍ່ລະຫວ່າງ ສສ ຫວຽດນາມ ແລະ ປະເທດໄທ ນອນຢູ່ໃນແລວເສດຖະກິດຕາເວັນອອກ-ຕົກທີ່ສຳຄັນ ຈະເຊື່ອມຕໍ່ໄປເຖິງ ມຽນມາ, ການກໍ່ສ້າງຂົວປາກເຊ ແລະ ປັບປຸງອາຄານຜູ້ໂດຍສານ ສະໜາມບິນວັດໄຕ. ພ້ອມນີ້, ຍັງມີໂຄງການດ້ານກະສິກຳ ກໍຄື ຊົນລະປະທານ ຢູ່ທ່າງ່ອນ, ໂຄງການກໍ່ສ້າງ-ສ້ອມແປງໂຮງຮຽນປະຖົມ-ມັດທະຍົມຕອນຕົ້ນຫລາຍແຫ່ງ ແລະ ໂຄງການປັບປຸງປຶ້ມແບບຮຽນວິຊາຄະນິດສາດ, ໂຄງການດ້ານສາທາລະນະສຸກ ໄດ້ການກໍ່ສ້າງອາຄານປິ່ນປົວໂຮງໝໍເສດຖາທິລາດ ແລະ ໂຮງໝໍແຂວງຈຳປາສັກ, ການຍົກລະດັບສຸກສາລາ ໃນເຂດຫ່າງໄກສອກຫລີກ, ການມອບວັກຊີນ ແລະ ການພັດທະນາຄວາມຮູ້ດ້ານວິຊາການຂອງພະຍາບານ, ຜະດຸງຄັນ ແລະ ໂຄງການດ້ານກົດໝາຍ ເຊັ່ນ: ການປັບປຸງປະມວນກົດໝາຍແພ່ງ.
ຂ່າວ: ສຸກທະວີ
KPL
