ຂປລ. ຄໍລໍາ “ທ່ອງທ່ຽວເມືອງ ລາວ” ຫລາຍສະບັບຜ່ານມາໄດ້ ນໍາສະເໜີ ກ່ຽວກັບລາງວັນການ ທ່ອງທ່ຽວສະອາດອາຊຽນມາ ແລ້ວ, ສະບັບນີ້ ຈະພາບັນດາທ່ານ ມາຮູ້ຈັກລາງວັນການທ່ອງທ່ຽວ ແບບຍືນຍົງອາຊຽນ ຊຶ່ງເປັນອີກ ລາງໜຶ່ງທີ່ຈະຊ່ວຍໃຫ້ວຽກງານ ການທ່ອງທ່ຽວ ມີການພັດທະນາ ຂຶ້ນ ແລະ ເຮັດໃຫ້ນັກທ່ອງທ່ຽວມີ ຄວາມໝັ້ນໃຈໃນການບໍລິການໃນ ສະຖານທີ່ໄດ້ຮັບລາງວັນຫລາຍຂຶ້ນ ເພາະກ່ອນຈະໄດ້ຮັບລາງວັນ ສະ ຖານທີ່ທ່ອງທ່ຽວ ຕ້ອງຜ່ານການ ປະເມີນ ກໍານົດ 5 ໂຕຊີ້ວັດດ້ານ ການທ່ອງທ່ຽວ ຄື: ຫ້ອງນໍ້າສາທາ ລະນະສະອາດອາຊຽນ, ໂຮງແຮມ ຂຽວອາຊຽນ, ຮ້ານອາຫານ ແລະ ເຄື່ອງດື່ມ, ພະນັກງານນໍາທ່ຽວ ແລະ ບໍລິສັດທ່ອງທ່ຽວ ຫລື ເຮືອນ ພັກປະຊາຊົນອາຊຽນ, ການມີ ສ່ວນຮ່ວມຂອງປະຊາຊົນທ້ອງຖິ່ນ. ສຳລັບລາງວັນການທ່ອງທ່ຽວ ແບບຍືນຍົງ ແບ່ງອອກຄື : ເຂດຕົວ ເມືອງ ແລະ ເຂດຊົນນະບົດ.



ໃນປີ 2026, ສປປ ລາວ ໄດ້ ຮັບລາງວັນການທ່ອງທ່ຽວແບບ ຍືນຍົງອາຊຽນ ພາຍໃຕ້ຫົວຂໍ້: ສະຖານທີ່ທ່ອງທ່ຽວທີ່ເປັນມິດຕໍ່ ສິ່ງແວດລ້ອມ ຈໍານວນ 5 ລາງວັນ (ລວມທັງເຂດຕົວເມືອງ ແລະ ເຂດຊົນນະບົດ) ດັ່ງນີ້: ພິພິຕະພັນ ແຫ່ງຊາດແຂວງຫລວງພະບາງ (ເຂດຕົວເມືອງ), ນ້ຳກັດຢໍລະປາ ແຂວງອຸດົມໄຊ (ເຂດຊົນນະບົດ), ຕາດຟານ ແຂວງຈໍາປາສັກ (ເຂດ ຊົນນະບົດ), ນໍ້າປຽນຢໍລະປາ ນະ ຄອນຫລວງວຽງຈັນ (ເຂດຊົນນະ ບົດ), THE ROCK VIEW POINT ແຂວງຄໍາມ່ວນ (ເຂດ ຊົນນະບົດ). ລາງວັນການທ່ອງທ່ຽວແບບ ຍືນຍົງອາຊຽນ ແມ່ນເລີ່ມຈັດຕັ້ງ ປະຕິບັດມາແຕ່ເດືອນມັງກອນ ປີ 2016, ຢູ່ທີ່ກອງປະຊຸມບັນດາລັດ ຖະມົນຕີທ່ອງທ່ຽວອາຊຽນ 10 ປະ ເທດ ໃນງານມະຫະກໍາການທ່ອງ ທ່ຽວອາຊຽນ ຄັ້ງທີ 35 ທີ່ນະຄອນ ຫລວງມະນິລາ, ປະເທດຟີລິບປິນ ທີ່ໄດ້ກໍານົດວິໄສທັດໃນແຜນຍຸດ ທະສາດການທ່ອງທ່ຽວອາຊຽນ ປີ 2016 - 2025 ໄວ້ວ່າ: “ພາຍໃນ ປີ 2025, ອາຊຽນຈະກາຍເປັນ ຈຸດໝາຍປາຍທາງການທ່ອງທ່ຽວ ທີ່ມີຄຸນນະພາບ, ໃຫ້ປະສົບການ ໃໝ່ທີ່ມີເອກະລັກ, ມີຄວາມຫລາກ ຫລາຍ ແລະ ຈະເນັ້ນໃສ່ການພັດທະ ນາການທ່ອງທ່ຽວໃນຮູບແບບມີ ຄວາມຮັບຜິດຊອບ, ມີຄວາມຍືນ ຍົງ, ມີສ່ວນຮ່ວມ ແລະ ເທົ່າທຽມ ກັນ ເພື່ອເປັນການປະກອບສ່ວນ ອັນສໍາຄັນເຂົ້າໃນການພັດທະນາ ເສດຖະກິດ-ສັງຄົມ ແລະ ຊີວິດການ ເປັນຢູ່ຂອງປະຊາຊົນອາຊຽນ” ເພື່ອບັນລຸວິໄສທັດໃນແຜນຍຸດທະ ສາດ ການທ່ອງທ່ຽວອາຊຽນປີ 2016 - 2025 ດັ່ງກ່າວ 10 ປະເທດ ອາຊຽນ

ໄດ້ເຫັນເຖິງຄວາມສໍາ ຄັນໃນການຈັດຕັ້ງປະຕິບັດ ມາດຕະ ຖານການທ່ອງທ່ຽວອາຊຽນ ເພື່ອ ຊຸກຍູ້ໃຫ້ບັນດາຜູ້ປະກອບການທຸລະ ກິດ ແລະ ບັນດາຜູ້ມີສ່ວນກ່ຽວ ຂ້ອງກັບການທ່ອງທ່ຽວ ສາມາດ ຍົກລະດັບຄຸນນະພາບຜະລິດຕະພັນ ແລະ ການບໍລິການການທ່ອງທ່ຽວ ແລະ ສົ່ງເສີມການບໍລິຫານການ ທ່ອງທ່ຽວໃນຮູບແບບທີ່ມີຄວາມ ຮັບຜິດຊອບ ເຮັດໃຫ້ອາຊຽນກາຍ ເປັນຈຸດໝາຍປາຍທາງການທ່ອງ ທ່ຽວຮ່ວມກັນ ທີ່ມີຄວາມສາມາດ ໃນການແຂ່ງຂັນຢ່າງຍືນຍົງ. ແນວໃດກໍດີ, ລາງວັນການທ່ອງ ທ່ຽວແບບຍືນຍົງອາຊຽນ ເປັນ ການຊຸກຍູ້ການຈັດຕັ້ງປະຕິບັດບັນ ດາມາດຕະຖານການທ່ອງທ່ຽວອາ ຊຽນ, ສົ່ງເສີມການຮ່ວມມືລະ ຫວ່າງພາກລັດ, ພາກທຸລະກິດ ແລະ ຊຸມຊົນທ້ອງຖິ່ນ ເພື່ອພັດທະນາ ຜະລິດຕະພັນການທ່ອງທ່ຽວຂອງ ບັນດາປະເທດສະມາຊິກອາຊຽນ ໂດຍແນໃສ່ຫລຸດຜ່ອນບັນຫາທາງ ດ້ານສິ່ງແວດລ້ອມ, ຊຸກຍູ້ສົ່ງເສີມ ວຽກງານວັດທະນະທໍາ-ສັງຄົມ ແລະ ຄວາມຍືນຍົງທາງດ້ານເສດ ຖະກິດ ຊຶ່ງລາງວັນດັ່ງກ່າວແມ່ນ ຈະໄດ້ມີການແຂ່ງຂັນໂດຍອີງຕາມ ຫົວຂໍ້ທີ່ແຕກຕ່າງກັນໃນແຕ່ລະປີ ບົນພື້ນຖານການຕົກລົງເຫັນດີເປັນ ເອກະພາບຂອງບັນດາປະເທດສະ ມາຊິກອາຊຽນ