ຂປລ. ຫ້ວຍສັງ ເມືອງຜາອຸດົມ ແຂວງບໍ່ແກ້ວ ຖືກຮັບຮອງເປັນ ບ້ານວັດທະນະທໍາໃໝ່ ບ້ານທີ 54 ຂອງເມືອງຜາອຸດົມ ແລະ ໜ່ວຍ ສະຫະພັນນັກຮົບເກົ່າ 3 ດີ 6 ຮັກສາ ໃນວັນທີ 17 ກຸມພາ 2026 ທີ່ບ້ານ ຫ້ວຍສັງ.ທ່ານ ຄຳແສງ ໂຍມສຸລີ ນາຍ ບ້ານໆ ຫ້ວຍສັງ ໄດ້ໃຫ້ຮູ້ວ່າ: ບ້ານ ຫ້ວຍສັງ ຕັ້ງຢູ່ຫ່າງຈາກຕົວເມືອງ 9 ກິໂລແມັດ, ມີເນື້ອທີ່ 1.870 ເຮັກຕາ, ປະກອບມີ 3 ຊົນເຜົ່າຄື: ຊົນເຜົ່າກຶມມຸ, ເຜົ່າລາວ, ເຜົ່າມົ້ງ ປະຊາຊົນນັບຖືບັນພະບູລຸດ, ຖືສາ ສະໜາພຸດ ແລະ ຜີ, ບ້ານມີເສັ້ນ ທາງລົດໄປເຖິງສອງລະດູ ເປັນ ບ້ານທີ່ມີໄຟຟ້າໃຊ້ຢ່າງທົ່ວເຖິງ, ທົ່ວບ້ານມີ 157 ຫລັງຄາ, ມີ 157 ຄອບຄົວ, ມີພົນລະເມືອງ 1.038ົນ, ຍິງ 538 ຄົນ, ມີຄອບຄົວວັດ ທະນະທຳ 123 ຄອບຄົວ ເທົ່າກັບ 78,34% ຂອງຄອບຄົວທັງໝົດ, ມີຄອບຄົວກຸ້ມກິນ 120 ຄອບຄົວ, ຄອບຄົວທຸກຍາກ 37 ຄອບຄົວ, ມີເຮືອນຖາວອນ 57 ຫລັງຄາ, ເຮືອນເຄິ່ງຖາວອນ 70 ຫລັງຄາ, ເຮືອນປະຖົມປະຖານ 30 ຫລັງຄາ, ລົດໄຖນາເດີນຕາມ 28 ຄັນ, ລົດຈັກ 80 ຄັນ, ລົດຖີບ 10 ຄັນ, ໂຮງສີ ເຂົ້າຂະໜາດນ້ອຍ 20 ເຄື່ອງ ແລະ ມີຈັກໂມ້ເຂົ້າ 4 ເຄື່ອງ,

ສະຫະພັນ ນັກຮົບເກົ່າມີສະມາຊິກທັງໝົດ 3 ຄົນ, ຄະນະນັກຮົບເກົ່າພາຍໃນບ້ານ ໄດ້ເປັນເຈົ້າການ ໃນການເຄື່ອນ ໄຫວວຽກງານຕາມພາລະບົດ ບາດ ແລະ ໜ້າທີ່ຂອງຕົນ, ໄດ້ປັບ ປຸງໝູ່ຄະນະດ້ວຍກັນ ເພື່ອໃຫ້ເປັນ ແບບຢ່າງໃຫ້ຄົນຮຸ່ນຫລັງ. ນອກ ຈາກການຈັດຕັ້ງວຽກງານຂອງ ຕົນແລ້ວຍັງໄດ້ເປັນເຈົ້າການຕໍ່ ວຽກງານປ້ອງກັນຊາດ-ປ້ອງກັນ ຄວາມສະຫງົບຕື່ມອີກ, ຕະຫລອດ ໄລຍະ 1 ປີ ຜ່ານມາ ເລຂາພັກບ້ານົງການປົກຄອງ, ການຈັດຕັ້ງບ້ານ ໄດ້ເຮັດວຽກເປັນໝູ່ຄະນະ ແບ່ງ ບຸກຄົນຮັບຜິດຊອບຕາມສິດໜ້າທີ່ ແລະ ພາລະບົດບາດ ໂດຍອີງຕາມ 4 ເນື້ອໃນ 4 ຄາດໝາຍຂອງພັກລັດວາງອອກ, ໄດ້ເອົາໃຈໃສ່ສຶກ ສາອົບຮົມການເມືອງ-ແນວຄິດ ຂອງປະຊາຊົນ ມີແນວຄິດອຸ່ນອຽນທຸ່ນທ່ຽງ ເຊື່ອມຊຶມຕໍ່ແນວທາງນະໂຍບາຍຂອງພັກ-ລັດ, ເຄົາລົບ ລະບຽບກົດໝາຍ ແລະ ຮູ້ຈໍາແນກ ມິດ, ສັດຕູ ໄດ້ຢ່າງຈະແຈ້ງ ມີຄວາມດຸໝັ່ນອອກແຮງງານໃນການສ້າງ ເສດຖະກິດຄອບຄົວຂອງຕົນເອງ.

ຕາງໜ້າມອບໃບຢັ້ງຢືນບ້ານ ວັດທະນະທໍາໃໝ່ຄັ້ງນີ້ ໂດຍທ່ານ ນາງ ບຸນຍົກ ແສງສະຫວ່າງ ຫົວໜ້າພະແນກວັດທະນະທໍາ ແລະ ການທ່ອງທ່ຽວ ແຂວງບໍ່ແກ້ວ ແລະ ຕາງໜ້າຮັບໂດຍ ທ່ານ ຄໍາແສງ ໂຍມສຸລີ ນາຍບ້ານໆຫ້ວຍສັງ ແລະ ມອບໃບຢັ້ງຢືນ ໜ່ວຍສະຫະພັນ ນັກຮົບເກົ່າ 3 ດີ 6 ຮັກສາ ມອບ ໂດຍ ທ່ານ ບຸນສີ ທອງສະໄຫວ ປະທານຄະນະກຳມະການປົກຄອງ ເມືອງ ຮັບໂດຍຜູ້ຕາງໜ້າຫົວໜ້າ ໜ່ວຍຂອງບ້ານ.