ຂປລ
ຄະນະຜູ້ແທນ ຖາວອນຈີນ ປະຈຳ ນະຄອນເຊີແນວ ປະເທດສະວິດສ ໄດ້ຈັດໃນກອງປະຊຸມ ນຳສະເໜີ ປຶ້ມປົກຂາວ “ການຄວບຄຸມ ອາວຸດ ຍຸດໂທປະກອນ, ຫລຸດຜ່ອນກຳລັງທະຫານ ແລະ ປ້ອງກັນການແພ່ຜາຍອາວຸດ ທີ່ມີແສນຍານຸພາບ ລ້າງຜານສູງໃນຍຸກໃໝ່”
ຂປລ.ວິທະຍຸ-ໂທລະພາບ ສູນກາງພັກ, ຄະນະຜູ້ແທນ ຖາວອນຈີນ ປະຈຳ ນະຄອນເຊີແນວ ປະເທດສະວິດສ ໄດ້ຈັດໃນກອງປະຊຸມ ນຳສະເໜີ ປຶ້ມປົກຂາວ “ການຄວບຄຸມ ອາວຸດ ຍຸດໂທປະກອນ, ຫລຸດຜ່ອນກຳລັງທະຫານ ແລະ ປ້ອງກັນການແພ່ຜາຍອາວຸດ ທີ່ມີແສນຍານຸພາບ ລ້າງຜານສູງໃນຍຸກໃໝ່” ຢູ່ວັງສາກົນ ທີ່ນະຄອນເຊີແນວ ໃນວັນທີ 17 ທັນວານີ້, ທ່ານ ເສີນຈ້ຽນ ທູດດ້ານການຫລຸດ ຜ່ອນ ກຳລັງທະຫານຈີນ ໄດ້ເຂົ້າຮ່ວມ ກອງປະຊຸມດັ່ງກ່າວ ພ້ອມທັງ ໄດ້ແນະນຳ ເນື້ອໃນຕົ້ນຕໍ ແລະ ຄວາມໝາຍສຳຄັນ ຂອງປຶ້ມປົກຂາວດັ່ງກ່າວ. ທ່ານ ເສີນຈ້ຽນ ກ່າວວ່າ: ໃນໄລຍະ ປະຫວັດສາດ ທີ່ອົງການ ສະຫະ ປະຊາຊາດສ້າງຕັ້ງຂຶ້ນ ຄົບຮອບ 80 ປີ, ສປ ຈີນ ໄດ້ເຜີຍແຜ່ ປຶ້ມປົກຂາວ ກ່ຽວກັບ ການຄວບຄຸມ ອາວຸດ ຍຸດໂທປະກອນ ແມ່ນມີຄວາມໝາຍສຳຄັນ ທາງຍຸກສະໄໝ, ສະແດງໃຫ້ເຫັນເຖິງ ຄວາມຮັບຜິດຊອບຂອງ ສປ ຈີນ ໃນຖານະ ເປັນປະເທດໃຫຍ່ ທີ່ຕັ້ງໜ້ານຳພາ ການບໍລິຫານ ຄວາມໝັ້ນຄົງ ທົ່ວໂລກ, ການປົກປັກຮັກສາ ສັນຕິພາບ ແລະ ຄວາມໝັ້ນຄົງສາກົນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
