ຂປລ
ໃນຖານະ ເປັນປະເທດ ບ້ານໃກ້ ເຮືອນຄຽງ ແບບໄມຕີຈິດ ມິດຕະພາບ ແລະ ເພື່ອນມິດ, ສປ ຈີນ ມີຄວາມເປັນຫ່ວງ ເປັນໄຍຢ່າງສູງ ຕໍ່ການປະທະກັນ ຢູ່ເຂດຊາຍແດນ ລະຫວ່າງ ກຳປູເຈຍ ແລະ ໄທ ໃນປັດຈຸບັນ ໂດຍໄດ້ເດີນທາງ ໄປໄກ່ເກ່ຍຢ່າງຕໍ່ເນື່ອງ
ຂປລ.ວິທະຍຸ-ໂທລະພາບ ສູນກາງພັກ, ໂຄສົກກະຊວງ ການຕ່າງປະເທດຈີນ ກ່າວວ່າ: ໃນຖານະ ເປັນປະເທດ ບ້ານໃກ້ ເຮືອນຄຽງ ແບບໄມຕີຈິດ ມິດຕະພາບ ແລະ ເພື່ອນມິດ, ສປ ຈີນ ມີຄວາມເປັນຫ່ວງ ເປັນໄຍຢ່າງສູງ ຕໍ່ການປະທະກັນ ຢູ່ເຂດຊາຍແດນ ລະຫວ່າງ ກຳປູເຈຍ ແລະ ໄທ ໃນປັດຈຸບັນ ໂດຍໄດ້ເດີນທາງ ໄປໄກ່ເກ່ຍຢ່າງຕໍ່ເນື່ອງ, ໃຊ້ຮູບແບບຂອງຕົນ ເພື່ອຕັ້ງໜ້າ ເສີມຂະຫຍາຍ ບົດບາດເຂົ້າໃນການຜ່ອນຄາຍ ສະຖານະການ ທີ່ເຄັ່ງຕຶງ. ທູດພິເສດວຽກງານອາຊີ ຂອງກະຊວງ ການຕ່າງປະເທດຈີນ ຈະເດີນທາງໄປ ກຳປູເຈຍ ແລະ ໄທ ອີກຄັ້ງ ໃນວັນທີ 18 ທັນວານີ້ ເພື່ອໄກ່ເກ່ຍ ແລະ ຊຸກຍູ້ໃຫ້ສອງຝ່າຍມຸ່ງໜ້າໄປສູ່ ເປົ້າໝາຍດຽວກັນ ແລະ ຟື້ນຟູສັນຕິພາບໂດຍໄວ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
