ຂປລ
ໃນ 11 ເດືອນຂອງປີນີ້, ຈຳນວນນັກທ່ອງທ່ຽວ ຕ່າງປະເທດ ທີ່ໃຊ້ບໍລິການ ຄືນເງິນພາສີ ກ່ອນອອກເມືອງ ໄດ້ເພີ່ມຂຶ້ນ 285% ເມື່ອທຽບໃສ່ໄລຍະດຽວກັນ ຂອງປີກາຍ, ມູນຄ່າການຈຳໜ່າຍສິນຄ້າ ຄືນເງິນພາສີ ແລະ ມູນຄ່າການຄືນເງິນພາສີ ໄດ້ເພີ່ມຂຶ້ນ 98,8% ເມື່ອທຽບໃສ່ ໄລຍະດຽວກັນ ຂອງປີກາຍ. ນັບມາຮອດ ທ້າຍເດືອນພະຈິກປີນີ້
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 8 ທັນວານີ້, ກົມໃຫຍ່ພາສີຈີນ ໄດ້ເປີດເຜີຍວ່າ: ໃນ 11 ເດືອນຂອງປີນີ້, ຈຳນວນນັກທ່ອງທ່ຽວ ຕ່າງປະເທດ ທີ່ໃຊ້ບໍລິການ ຄືນເງິນພາສີ ກ່ອນອອກເມືອງ ໄດ້ເພີ່ມຂຶ້ນ 285% ເມື່ອທຽບໃສ່ໄລຍະດຽວກັນ ຂອງປີກາຍ, ມູນຄ່າການຈຳໜ່າຍສິນຄ້າ ຄືນເງິນພາສີ ແລະ ມູນຄ່າການຄືນເງິນພາສີ ໄດ້ເພີ່ມຂຶ້ນ 98,8% ເມື່ອທຽບໃສ່ ໄລຍະດຽວກັນ ຂອງປີກາຍ. ນັບມາຮອດ ທ້າຍເດືອນພະຈິກປີນີ້, ຮ້ານຄ້າທີ່ໃຫ້ບໍລິການ ຄືນເງິນພາສີຂອງ ສປ ຈີນ ໄດ້ມີເຖິງ 12.252 ແຫ່ງ, ໃນນັ້ນ ຮ້ານຄ້າທີ່ໃຫ້ບໍລິການ “ຄືນເງິນພາສີທັນທີ ເມື່ອຊື້ສິນຄ້າ” ມີຫລາຍກວ່າ 7.000 ແຫ່ງ. ການບໍລິການ ດ້ານການຄືນເງິນພາສີ ໄດ້ຮັບການປັບປຸງໃຫ້ດີຂຶ້ນ ຢ່າງຕໍ່ເນື່ອງ ເຊິ່ງສາມາດຕອບສະໜອງ ຄວາມຕ້ອງການ ດ້ານການຄືນເງິນພາສີຂອງນັກທ່ອງທ່ຽວຕ່າງປະເທດ ໄດ້ດີກວ່າເກົ່າ, ທັງໄດ້ຊຸກຍູ້ຄວາມນິຍົມ ຂອງນັກທ່ອງທ່ຽວ ຕ່າງປະເທດ ໃນການເຂົ້າມາທ່ຽວຈີນ ໃຫ້ເພີ່ມຂຶ້ນ ຢ່າງຕໍ່ເນື່ອງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
