ຂປລ
ກອງປະຊຸມ ສົນທະນາ ຄັງປັນຍາ ປະເທດ ເຂດໂລກໃຕ້ຄັ້ງທີ 3 ໄດ້ຈັດຂຶ້ນຢູ່ນະຄອນຊຽງໄຮ້ຂອງຈີນ ເມື່ອບໍ່ດົນມານີ້ ພາຍໃຕ້ຫົວຂໍ້ “ເອກະພາບກັນ ແລະ ສ້າງຄວາມເຂັ້ມແຂງ ດ້ວຍຕົນ: ການເຄື່ອນໄຫວ ແລະ ຄວາມຮັບຜິດຊອບ ຂອງປະເທດ ເຂດໂລກໃຕ້”.
ຂປລ.ວິທະຍຸ-ໂທລະພາບ ສູນກາງຈີນ, ກອງປະຊຸມ ສົນທະນາ ຄັງປັນຍາ ປະເທດ ເຂດໂລກໃຕ້ຄັ້ງທີ 3 ໄດ້ຈັດຂຶ້ນຢູ່ນະຄອນຊຽງໄຮ້ຂອງຈີນ ເມື່ອບໍ່ດົນມານີ້ ພາຍໃຕ້ຫົວຂໍ້ “ເອກະພາບກັນ ແລະ ສ້າງຄວາມເຂັ້ມແຂງ ດ້ວຍຕົນ: ການເຄື່ອນໄຫວ ແລະ ຄວາມຮັບຜິດຊອບ ຂອງປະເທດ ເຂດໂລກໃຕ້”. ໂດຍມີ ຜູ້ນຳພັກການເມືອງ, ນັກວິຊາການຄັງປັນຍາ ແລະ ຜູ້ຕາງໜ້າຈີນ ແລະ ຕ່າງປະເທດປະມານ 350 ຄົນທີ່ມາຈາກ 120 ກວ່າປະເທດ ເຂົ້າຮ່ວມ. ທ່ານ ລີວໄຫຊິ່ງ ຫົວໜ້າຄະນະພົວພັນ ຕ່າງປະເທດ ສູນກາງພັກກອມມູນິດຈີນ ກ່າວວ່າ: ສປ ຈີນ ແມ່ນຜູ້ລິເລີ່ມ, ຜູ້ສະໜັບ ສະໜູນແລະ ຜູ້ຊຸກຍູ້ທີ່ເດັດດ່ຽວໜຽວແໜ້ນ ຂອງປະເທດເຂດໂລກໃຕ້ ໃນການຮ່ວມມື ສ້າງຄວາມເຂັ້ມແຂງ ດ້ວຍຕົນເອງ ຢ່າງສະເໝີຕົ້ນ ສະເໝີປາຍ, ຍິນດີຮ່ວມກັບ ບັນດາປະເທດ ເຂດໂລກໃຕ້, ຮ່ວມກັນຈັດຕັ້ງປະຕິບັດ ຂໍ້ລິເລີ່ມທົ່ວໂລກ 4 ຂໍ້,ບັນລຸ ຄວາມຈະເລີນ ຮຸ່ງເຮືອງ ຮ່ວມກັນ, ປົກປັກຮັກສາ ສັນຕິພາບຖາວອນ, ປົກປັກຮັກສາ ຄວາມກົມກຽວກັນ ແບບຫຼາຍເຄົ້າ ແລະ ຊຸກຍູ້ການບໍລິຫານຂອງໂລກ. ແຂກຕ່າງປະເທດ ທີ່ຮ່ວມກອງປະຊຸມກ່າວວ່າ: ຍິນດີຮ່ວມກັບ ສປ ຈີນຊຸກຍູ້ການຫັນເປັນ ທັນສະໄໝຮ່ວມກັນ ແລະ ການປະຕິຮູບ ລະບົບບໍລິຫານຂອງໂລກ, ຮ່ວມກັນສ້າງ ອະນາຄົດທີ່ມີສັນຕິພາບ, ຄວາມໝັ້ນຄົງ, ຄວາມຈະເລີນຮຸ່ງເຮືອງ ແລະ ຍືນຍົງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
