ຂປລ
ລັດຖະບານກາງ ການາດາ ແລະ ລັດອັລເບີຣຕາ ຊຶ່ງເປັນຖານການຜະລິດ ນໍ້າມັນສຳຄັນ ຂອງ ປະເທດ ໄດ້ລົງນາມ ບົດບັນທຶກ ຄວາມເຂົ້າໃຈ (MOU) ເພື່ອກ້າວສູ່ ສຳລັບການກໍ່ສ້າງ ທໍ່ສົ່ງນໍ້າມັນເສັ້ນໃໝ່ ຊຶ່ງມີ ເປົ້າໝາຍ ເພີ່ມສັກກາຍະພາບ ການສົ່ງອອກ ໄປຍັງ ຕະຫລາດ ອາຊີ.
ຂປລ. ສຳນັກຂ່າວ ອິນໂຟເຄວສ: ວັນທີ 27 ພະຈິກ, ລັດຖະບານກາງ ການາດາ ແລະ ລັດອັລເບີຣຕາ ຊຶ່ງເປັນຖານການຜະລິດ ນໍ້າມັນສຳຄັນ ຂອງ ປະເທດ ໄດ້ລົງນາມ ບົດບັນທຶກ ຄວາມເຂົ້າໃຈ (MOU) ເພື່ອກ້າວສູ່ ສຳລັບການກໍ່ສ້າງ ທໍ່ສົ່ງນໍ້າມັນເສັ້ນໃໝ່ ຊຶ່ງມີ ເປົ້າໝາຍ ເພີ່ມສັກກາຍະພາບ ການສົ່ງອອກ ໄປຍັງ ຕະຫລາດ ອາຊີ.
ໂດຍໜັງສືເອກະສານ ເອັມໂອຢູ ໄດ້ລະບຸວ່າ: ການາດາ ຈະຮ່ວມຊຸກຍູ້ ໂຄງການ ທໍ່ສົ່ງນໍ້າມັນ ທີ່ພັດທະນາໂດຍ ພາກເອກະຊົນ ຊຶ່ງສາມາດລຳລຽງ ບິທູເມນະ ຊະນິດ ປອດກາກ ບອນຕໍ່າ ຢ່າງໜ້ອຍ 1 ລ້ານຖັງຕໍ່ວັນ. ພາຍໃຕ້ຂໍ້ຕົກລົງດັ່ງກ່າວ ລັດຖະບານກາງ ຢືນຢັນວ່າ ຈະສະໜບັສະໜູນ ການສົ່ງອອກ ບິທູເມນ ຈາກທ່າກຳປັ່ນ ນໍ້າເລິກ ເຊິງຍຸດທະສາດ ໄປຍັງຕະຫລາດອາຊີ.
ນອກຈາກນັ້ນ ເຈົ້າໜ້າທີ່ລະດັບສູງ ການາດາ ຍັງກ່າວ ໃນໂອກາດນີ້ວ່າ ທ່າມກາງການປ່ຽນແປງຂອງ ການຄ້າໂລກ ແລະ ຄວາມບໍ່ແນ່ນອນ ທີ່ເພີ່ມຂຶ້ນ ການາດາ ແລະ ລັດອັລເບີຣຕາ ພວມສ້າງ ຄວາມຮ່ວມມືໃໝ່ ເພື່ອຍົກລະດັບ ເສດຖະກິດ ຂອງ ປະເທດ ໃຫ້ເຂັ້ມແຂງ ຍືນຍົງ ແລະ ມີຄວາມເປັນອິດສະລະ ຫລາຍຂຶ້ນ , ພ້ອມທັງ ຊຸກຍູ້ໃຫ້ ການາດາ ກ້າວຂຶ້ນເປັນ ມະຫາອຳນາດ ດ້ານພະລັງງານ , ຫລຸດການປ່ອຍ ກາກບອນ ແລະ ແຈກຢາຍຕະຫລາດ ສົ່ງອອກໃຫ້ຫລາກຫລາຍ./
KPL
