ຂປລ
ກະຊວງການຄ້າຈີນ ຈະຈັດຕັ້ງການເຄື່ອນໄຫວໃໝ່ ພາຍໃຕ້ຫົວຂໍ້ “ຮ່ວມກັນຊົມໃຊ້ ຕະຫລາດໃຫຍ່·ສົ່ງອອກສິນຄ້າໄປ ສປຈີນ”
ຂປລ.ວິທະຍຸ-ໂທລະພາບ ສູນກາງຈີນ, ໃນກອງປະຊຸມ ຖະແຫລງຂ່າວ ຂອງກະຊວງ ການຄ້າຈີນ ທີ່ຈັດຂຶ້ນ ໃນວັນທີ6 ພະຈິກນີ້, ໂຄສົກກະຊວງ ການຄ້າຈີນ ແຈ້ງໃຫ້ຮູ້ວ່າ: ກະຊວງການຄ້າຈີນ ຈະຈັດຕັ້ງການເຄື່ອນໄຫວໃໝ່ ພາຍໃຕ້ຫົວຂໍ້ “ຮ່ວມກັນຊົມໃຊ້ ຕະຫລາດໃຫຍ່·ສົ່ງອອກສິນຄ້າໄປ ສປຈີນ”, ໂດຍຈະຈັດກິດຈະກຳ ຮ້ອຍກວ່າຄັ້ງ ທີ່ປິ່ນອ້ອມ 10 ຫົວຂໍ້ໃຫຍ່ ໃນແຕ່ລະປີ. ທ່ານ ເຫີຢ້າຕົ່ງ ໂຄສົກກະຊວງ ການຄ້າຈີນ ໃຫ້ຮູ້ວ່າ: ການທີ່ຈັດຕັ້ງ ການເຄື່ອນໄຫວ “ຮ່ວມກັນຊົມໃຊ້ ຕະຫລາດໃຫຍ່ ສົ່ງອອກສິນຄ້າໄປ ສປ ຈີນ” ໄດ້ສະແດງ ໃຫ້ເຫັນເຖິງ ຕະຫລາດ ຂະໜາດໃຫຍ່ພິເສດຂອງ ສປ ຈີນ ຈະສ້າງໂອກາດ ໂດຍຕະຫລອດ. ສປ ຈີນ ຈະເປີດປະຕູ ສູ່ພາຍນອກ ນັບມື້ ນັບກວ້າງອອກ, ຍິນດີຕ້ອນຮັບ ປະເທດຕ່າງໆ ໃນໂລກຮ່ວມມືກັບ ສປ ຈີນ, ຮ່ວມກັນຊົມໃຊ້ໂອກາດ ແລະ ພັດທະນາ ໄປພ້ອມກັນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
