ຂປລ
ໃນໄລຍະ ຈັດຕັ້ງປະຕິບັດ “ແຜນພັດທະນາ ເສດຖະກິດ ສັງຄົມ ແຫ່ງຊາດ 5 ປີ ຄັ້ງທີ 14” (ປີ2021-2025), ການຄ້າກັບ ຕ່າງປະເທດຂອງ ສປ ຈີນ ໄດ້ເພີ່ມຂຶ້ນ ໃນທ່າມກາງ ການປ່ຽນແປງ ຂອງໂລກ.ປີ2024, ຂະໜາດການຄ້າສິນຄ້າ ຂອງ ສປ ຈີນ ບັນລຸ 6.160 ຕື້ໂດລາ, ເພີ່ມຂຶ້ນ 32,4% ເມື່ອທຽບໃສ່ໄລຍະທ້າຍ “ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 13”, ຢືນຢູ່ແຖວໜ້າ ຂອງໂລກ 8 ປີລຽນຕິດ.
ຂປລ.ວິທະຍຸ ສາກົນແຫ່ງ ສປ ຈີນ, ໃນໄລຍະ ຈັດຕັ້ງປະຕິບັດ “ແຜນພັດທະນາ ເສດຖະກິດ ສັງຄົມ ແຫ່ງຊາດ 5 ປີ ຄັ້ງທີ 14” (ປີ2021-2025), ການຄ້າກັບ ຕ່າງປະເທດຂອງ ສປ ຈີນ ໄດ້ເພີ່ມຂຶ້ນ ໃນທ່າມກາງ ການປ່ຽນແປງ ຂອງໂລກ.ປີ2024, ຂະໜາດການຄ້າສິນຄ້າ ຂອງ ສປ ຈີນ ບັນລຸ 6.160 ຕື້ໂດລາ, ເພີ່ມຂຶ້ນ 32,4% ເມື່ອທຽບໃສ່ໄລຍະທ້າຍ “ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 13”, ຢືນຢູ່ແຖວໜ້າ ຂອງໂລກ 8 ປີລຽນຕິດ. ເມື່ອຜະເຊີນ ກັບການທ້າທາຍ ຈາກພາຍນອກ, ຈີນໄດ້ຕັ້ງໜ້າພັດທະນາຕະຫລາດ ທີີ່ມີຄວາມຫລາກຫລາຍ, ອາຊຽນ ໄດ້ກາຍເປັນຄູ່ການຄ້າໃຫຍ່ກວ່າໝູ່ ຂອງ ສປ ຈີນ 5 ປີລຽນຕິດ, ໃນນັ້ນ ຍອດມູນຄ່າ ການຄ້າ ໃນ 6 ເດືອນຕົ້ນປີນີ້ ໄດ້ເພີ່ມຂຶ້ນ 9,6% ເມື່ອທຽບໃສ່ ໄລຍະດຽວກັນ ຂອງປີກາຍ. ປີ2024, ຍອດມູນຄ່າ ການຄ້າ ລະຫວ່າງ ສປ ຈີນ ກັບປະເທດ ທີ່ຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ໄດ້ກວມອັດຕາສ່ວນ ຫລາຍກວ່າ ເຄິ່ງໜຶ່ງ. ໃນ5ປີຜ່ານມານີ້, ຕ່ອງໂສ້ການຜະລິດ ແລະ ການສະ ໜອງ ດ້ານການຄ້າ ກັບຕ່າງປະເທດຂອງ ສປ ຈີນ ຄົບຖ້ວນສົມບູນ ກວ່າເກົ່າ, ມີຄວາມສາມາດ ທີ່ແຂງແຮງ ກວ່າເກົ່າ ໃນການຮັບມືກັບ ຄວາມສ່ຽງ ແລະ ສິ່ງທ້າທາຍ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
