ຂປລ
ກອງປະຊຸມ ລັດຖະມົນຕີ ການຕ່າງປະເທດ ອາຊຽນ ຄັ້ງທີ 58 (AMM 58) ແລະ ບັນດາກອງປະຊຸມ ທີ່ກ່ຽວຂ້ອງ ໄດ້ປະ ສົບຜົນສຳເລັດ ອັນດີງາມໃນ 3 ດ້ານຄື: ປັບປຸງຄວາມສາມັກຄີ ພາຍໃນກຸ່ມ, ເຮັດໃຫ້ການຮ່ວມມື ກັບບັນດາຄູ່ຮ່ວມມື ເລິກເຊິ່ງ ກ່ວາອີກ ແລະ ຍົກສູງບົດບາດຂອງ ອາຊຽນ ໃນໂຄງປະກອບພາກພື້ນ ແລະ ທົ່ວໂລກ.
ຂປລ.ວິທະຍຸ ກະຈາຍສຽງ ຫວຽດນາມ, ກອງປະຊຸມ ລັດຖະມົນຕີ ການຕ່າງປະເທດ ອາຊຽນ ຄັ້ງທີ 58 (AMM 58) ແລະ ບັນດາກອງປະຊຸມ ທີ່ກ່ຽວຂ້ອງ ໄດ້ປະສົບຜົນສຳເລັດ ອັນດີງາມໃນ 3 ດ້ານຄື: ປັບປຸງຄວາມສາມັກຄີ ພາຍໃນກຸ່ມ, ເຮັດໃຫ້ ການຮ່ວມມື ກັບບັນດາ ຄູ່ຮ່ວມມື ເລິກເຊິ່ງ ກ່ວາອີກ ແລະ ຍົກສູງບົດບາດຂອງ ອາຊຽນ ໃນໂຄງປະກອບ ພາກພື້ນ ແລະ ທົ່ວໂລກ. ຈາກນັ້ນ ທ່ານ ເຈິ່ນດຶກບິ່ງ, ເອກອັກຄະລັດຖະທູດ, ຫົວໜ້າກົມ ອາຊຽນ, ກະຊວງການຕ່າງປະເທດ ຫວຽດນາມ ໃຫ້ຮູ້ວ່າ: ຂີດໝາຍສຳຄັນທຳອິດ ແມ່ນການຢັ້ງຢືນ ຢ່າງແຮງ ກ່ຽວກັບ ຄຸນຄ່າຖາວອນ ຂອງນ້ຳໃຈ ສາມັກຄີ ອາຊຽນ. ຄວາມສາມັກຄີ ບໍ່ພຽງແຕ່ ແມ່ນການສືບທອດ ມູນເຊື້ອ ເທົ່ານັ້ນ, ຫາກຍັງແມ່ນກຳລັງແຮງ ອັນແທດຈິງ ແລະ ເຂັມຊີ້ທິດພາທາງໃຫ້ ອາຊຽນ ຜ່ານຜ່າ ທຸກຄວາມແຕກໂຕນ, ຮັບມືກັບ ບັນດາສິ່ງທ້າທາຍ ແລະ ມີຄວາມໝັ້ນຄົງ ຕໍ່ຄວາມຫຍຸ້ງຍາກ. ກ່ຽວກັບ ການເຂົ້າຮ່ວມ ແລະ ປະກອບສ່ວນຂອງ ສສ ຫວຽດນາມ ຢູ່ບັນດາກອງປະຊຸມ, ທ່ານ ເຈິ່ນດຶກບິ່ງ ຢືນຢັນວ່າ: ການກຳນົດທິດໂດຍ ທ່ານ ຮອງນາຍົກລັດຖະມົນຕີ, ລັດຖະມົນຕີ ການຕ່າງປະເທດ ໄດ້ແບ່ງປັນ ຢູບັນດາກອງປະຊຸມ ທັງໄດ້ຕິດແທດກັບ ຄວາມຮຽກຮ້ອງຕົວຈິງ ແລະ ຄວາມສົນໃຈລວມ ຂອງພາກພື້ນ ທັງໄດ້ຕິດພັນ ແລະ ໜູນຊ່ວຍ ບັນດາເປົ້າໝາຍ ພັດທະນາ ເສດຖະກິດສັງຄົມ ຂອງປະເທດຊາດຄື: ການເຕີບໂຕ ເສດຖະກິດ, ການຫັນການພົວພັນ ດ້ານການຄ້າ ການລົງທຶນ ແລະ ລະບົບສະໜອງ ເປັນຫລາຍຮູບ ຫລາຍແບບ, ເປີດກ້ວາງຕະຫລາດ, ພັດທະນາ ວິທະຍາສາດ ເຕັກໂນໂລຊີ ແລະ ນະວັດຕະກຳ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
