ຂປລ
ທ່ານ ອັນວາ ອິບຣາຮິມ, ນາຍົກລັດຖະມົນຕີ ມາເລເຊຍ ຢືນຢັນວ່າ ຄາດວ່າ ຕີມໍເລສເຕ ຈະກາຍເປັນ ປະເທດ ສະມາຊິກ ອາຊຽນ ທີ 11 ຢ່າງເປັນທາງການ ພາຍໃນປີນີ້.
ຂປລ.ວິທະຍຸສາກົນແຫ່ງ ສປ ຈີນ, ກອງປະຊຸມ ສຸດຍອດ ອາຊຽນ ຄັ້ງທີ 46 ໄດ້ອັດລົງ ຢ່າງເປັນທາງການ ຢູ່ນະຄອນຫລວງ ກົວລາລຳເປີ ຂອງມາເລເຊຍ ເມື່ອບໍ່ດົນມານີ້. ທ່ານ ອັນວາ ອິບຣາຮິມ, ນາຍົກລັດຖະມົນຕີ ມາເລເຊຍ ຢືນຢັນວ່າ ຄາດວ່າ ຕີມໍເລສເຕ ຈະກາຍເປັນ ປະເທດ ສະມາຊິກ ອາຊຽນ ທີ 11 ຢ່າງເປັນທາງການ ພາຍໃນປີນີ້. ຫລັງຈາກ ຜູ້ນຳຂອງບັນດາ ປະເທດ ສະມາຊິກ ອາຊຽນ ໄດ້ບັນລຸ ຄວາມເຫັນ ທີ່ເປັນເອກະພາບກັນ ກ່ຽວກັບ ການປະຕິບັດ ມາດຕະການ ທີ່ຈຳເປັນ ເພື່ອສະໜັບ ສະໜູນ ຕີມໍເລສເຕ ເຂົ້າເປັນປະເທດ ສະມາຊິກ ອາຊຽນ. ທ່ານ ຊານານາ ກຸສມາວ ນາຍົກລັດຖະມົນຕີ ຕີມໍເລັສເຕ ກ່າວວ່າ ຕີມໍເລັສເຕ ໄດ້ສຳເລັດ ຂໍ້ກຳນົດ ສ່ວນຫລາຍ ສຳລັບ ການເຂົ້າເປັນ ປະເທດ ສະມາຊິກ ອາຊຽນແລ້ວ ແລະ ຈະສຸມກຳລັງ ຢ່າງສຸດຂີດ ເພື່ອສຳເລັດ ຕາມຂໍ້ກຳນົດອື່ນໆ ທີ່ເຫລືອ, ຕີມໍເລັສເຕ ມີຄວາມໝັ້ນໃຈຢ່າງເຕັມທີ່ ໃນດ້ານການເຂົ້າ ເປັນປະເທດ ສະມາຊິກ ອາຊຽນ ຢ່າງເປັນທາງການ ພາຍໃນປີນີ້. ຕີມໍເລສເຕ ໄດ້ຮ້ອງຂໍ ເຂົ້າເປັນ ປະເທດ ສະມາຊິກ ອາຊຽນ ໃນປີ 2011 ແລະ ປັດຈຸບັນ ເປັນປະເທດ ສັງເກດການ ຂອງອາຊຽນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
