ຂປລ
ກະສິກອນຫລາຍທ່ານທີ່ປູກໝາກໄມ້ກິນໝາກ ມັກມີບັນຫາກ່ຽວກັບສະຕູພືດມາລົບກວນຜົນຜະລິດ ໂດຍສະເພາະແມ່ນໃນລະດູທີ່ໝາກໄມ້ເລີ່ມສຸກ ຈະມີແມງໄມ້ມາລົບກວນຫລາຍທີ່ສຸດ ເປັນຕົ້ນແມ່ນແມງວັນທອງ.
*ກະສິກອນຫລາຍທ່ານທີ່ປູກໝາກໄມ້ກິນໝາກ ມັກມີບັນຫາກ່ຽວກັບສະຕູພືດມາລົບກວນຜົນຜະລິດ ໂດຍສະເພາະແມ່ນໃນລະດູທີ່ໝາກໄມ້ເລີ່ມສຸກ ຈະມີແມງໄມ້ມາລົບກວນຫລາຍທີ່ສຸດ ເປັນຕົ້ນແມ່ນແມງວັນທອງ ດັ່ງນັ້ນຄໍລຳສຶກສາຫາຄວາມຮູ້ມື້ນີ້ ໄດ້ນຳເອົາວີທີກຳຈັດສັດຕູພືດ ໂດຍສະເພາະແມ່ນແມງວັນທອງແບບພື້ນບ້ານປາສະຈາກສານເຄມີມານຳສະເໜີ ເຊິ່ງເປັນວິທີງ່າຍໆທີ່ທຸກຄົນສາມາດເຮັດເອງໄດ້.
ອຸປະກອນທີ່ນຳມາເຮັດປະກອບມີ: ແກ່ນຖົວພູ 1 ກໍາມື, ໝາກໄມ້ສຸກ ເຊິ່ງເປັນໝາກໄມ້ຊະນິດອື່ນທີ່ຕ່າງຈາກໝາກໄມ້ທີ່ປູກ ແຕ່ຕ້ອງມີກິ່ນຫອມເປັນພິເສດ 1 ໝ່ວຍ, ດອກໃບກະເພົາ 1 ກຳມື, ກະຕຸກນ້ຳດື່ມໃຊ້ແລ້ວລ້າງໃຫ້ສະອາດ. ສຳລັບຂັ້ນຕອນການເຮັດແມ່ນເຈາະຝາກະຕຸກນ້ຳດື່ມໃຫ້ເປັນຮູປະມານ 1 ດິ້ວມືຫລາຍຮູ ແລ້ວໃສ່ນ້ຳປະມານ1/3 ຂອງກະຕຸກ, ໃສ່ແກ່ນໝາກຖົ່ວພູ ແລ້ວນຳໄປແຂວນໄມ້ຢູ່ຕາມງ່າໄມ້, ຫລັງຈາກນັ້ນ 3 ມື ກໍນຳເອົາດອກໃບກະເພົາ ແລະ ໝາກໄມ້ສຸກທີ່ກຽມໄວ້ໄປວາງຕາມງ່າໄມ້.
ເມື່ອແມງໄມ້ ຫລື ແມງວັນທອງມາຕອມໝາກໄມ້ສຸກທີ່ເຮົາເອົາໄປປະໄວ້ແລ້ວມັນຈະລົງໄປກິນນ້ຳ ແກ່ນຖົ່ວພູທີ່ຢູ່ໃນກະຕຸກ ແລະ ກໍຈະຕາຍໃນເວລາຕໍ່ມາ; ວິທີນີ້ເປັນການຫລຸດຜ່ອນປະລິມານສັດຕູພືດ ໃຫ້ໜ້ອຍລົງ ແລະ ຍັງປອດໄພຈາກການໃສ່ສານເຄມີປາບສັດຕູພືດ.
ໂດຍ: ສາວບ້ານໂນນ
KPL
