ມອບລາງວັນມາດຕະຖານການທ່ອງທ່ຽວອາຊຽນ ປີ 2025

21/01/2025 14:49
Email Print 1457
ຂປລ ຂປລ. ພິທີມອບ-ຮັບລາງວັນ ມາດຕະຖານການທ່ອງ ທ່ຽວອາຊຽນ 2025 ຈັດ​ຂຶ້ນ​ໃນ​ມະຫາກຳການທ່ອງທ່ຽວອາຊຽນ 2025 ​ໃນວັນທີ 20 ມັງກອນ 2025 ຢູ່ລັດຈໍຮໍ ປະເທດມາເລເຊຍ ລວມມີ 4 ມາດຕະຖານຄື: ມາດຕະຖານເຮືອນພັກແຮມອາຊຽນ, ມາດຕະຖານການທ່ອງທ່ຽວ ແບບປະຊາຊົນມີສ່ວນຮ່ວມອາຊຽນ, ມາດຕະຖານການບໍລິການສະປາອາຊຽນ ແລະ ມາດຕະຖານຫ້ອງນໍ້າ ສາທາລະນະອາຊຽນ ​ໂດຍ​ມີພາກສ່ວນຕ່າງໆ



ຂປລ. ພິທີມອບ-ຮັບລາງວັນ ມາດຕະຖານການທ່ອງ ທ່ຽວອາຊຽນ 2025 ຈັດ​ຂຶ້ນ​ໃນ​ມະຫາກຳການທ່ອງທ່ຽວອາຊຽນ
2025 ​ໃນວັນທີ 20 ມັງກອນ 2025 ຢູ່ລັດຈໍຮໍ ປະເທດມາເລເຊຍ ລວມມີ 4 ມາດຕະຖານຄື: ມາດຕະຖານເຮືອນພັກແຮມອາຊຽນ, ມາດຕະຖານການທ່ອງທ່ຽວ ແບບປະຊາຊົນມີສ່ວນຮ່ວມອາຊຽນ, ມາດຕະຖານການບໍລິການສະປາອາຊຽນ ແລະ ມາດຕະຖານຫ້ອງນໍ້າ ສາທາລະນະອາຊຽນ ​ໂດຍ​ມີພາກສ່ວນຕ່າງໆ ຈາກພາກລັດ, ພາກທຸລະກິດ ແລະ ຜູ້ປະກອບການຂອງຊຸມຊົນທ້ອງຖິ່ນ ພາຍໃນບັນດາປະເທດສະມາຊິກອາຊຽນ ທີ່ສາມາດປະຕິບັດໄດ້ຕາມເງື່ອນໄຂ ທີ່ໄດ້ກຳ ນົດໄວ້ຢູ່ໃນແຕ່ລະມາດຕະຖານ ການທ່ອງທ່ຽວອາຊຽນ.




ໃນປີ
2025 ນີ້, ບັນດາປະເທດສະມາຊິກອາຊຽນ ໄດ້ຮັບລາງວັນມາດຕະຖານ ການທ່ອງທ່ຽວອາຊຽນ ທັງໝົດ 154 ລາງວັນ. ໃນນັ້ນ, ໄດ້ຮັບລາງວັນມາດຕະຖານ ເຮືອນພັກແຮມອາຊຽນ 30 ລາງວັນ. ​ໃນ​ນັ້ນ, ສປປ ລາວ ໄດ້ຮັບ 4 ລາງວັນ ປະກອບມີ: ບ້ານນາດ້ວງ  ເມືອງວັງວຽງ ແຂວງວຽງຈັນ, ບ້ານດອນໂຄ ເມືອງຊະນະສົມບູນ ແຂວງຈໍາປາສັກ, ບ້ານດອນແດງ ເມືອງປະທຸມພອນ ແຂວງຈໍາປາສັກ, ບ້ານໜອງຫລວງ ເມືອງປາກຊ່ອງ ແຂວງຈໍາປາສັກ. ລາງວັນມາດຕະຖານການທ່ອງທ່ຽວແບບປະຊາຊົນ ມີສ່ວນຮ່ວມອາຊຽນ ໄດ້ຮັບທັງໝົດ 41 ລາງວັນ. ໃນນັ້ນ, ສປປ ລາວ ໄດ້ຮັບ 5 ລາງວັນ ຄື: ການລ່ອງຊົມສັດປ່າ ຢູ່ອຸທິຍານແຫ່ງຊາດນໍ້າແອດ-ພູເລີຍ ເມືອງຫົວເມືອງ ແຂວງຫົວພັນ, ບ້ານທ່າແປ້ນ ນະຄອນຫລວງພະບາງ ແຂວງຫລວງພະບາງ, ບ້ານຊ່າງໄຫ ເມືອງປາກອູ ແຂວງຫລວງພະບາງ, ບ້ານກອງລໍ ເມືອງຄູນຄໍາ ແຂວງຄໍາມ່ວນ, ບ້ານນາລັນເໜືອ ເມືອງຫລວງນໍ້າທາ ແຂວງຫລວງນໍ້າທາ;  ລາງວັນມາດຕະຖານ ການບໍລິການສະປາອາຊຽນ ໄດ້ຮັບລາງວັນທັງໝົດ 42 ລາງວັນ. ​ໃນ​ນັ້ນ, ສປປ ລາວ ໄດ້ຮັບ 5 ລາງວັນ ປະກອບ​ມີ: ຮ້ານສະປາໂຮງແຮມອາມານຕາກະ ແຂວງຫລວງພະບາງ, ຮ້ານ Senses ສະປາ ຢູ່ໂຮງແຮມຄລາວພລາຊາ ນະຄອນຫລວງວຽງຈັນ, ຮ້ານບ້ານລາວສະປາ ຢູ່ໂຮງແຮມມາຍບ້ານລາວ ແຂວງຫລວງພະບາງ, ຮ້ານແມ່ຂອງສະປາ ຢູ່ໂຮງແຮມພູວ່າວ ແຂວງຫລວງພະບາງ, ຮ້ານດາຫລາສະປາ ນະຄອນຫລວງວຽງຈັນ; ລາງວັນມາດຕະຖານຫ້ອງນໍ້າສາທາລະນະອາຊຽນ ໄດ້ຮັບ 41 ລາງວັນ. ​ໃນ​ນັ້ນ, ສປປ ລາວ ໄດ້ຮັບ 5 ລາງວັນ ປະກອບ​ມີ: ຫ້ອງນໍ້າສາທາລະນະໜອງສະພັງແລນ ນະຄອນຫລວງວຽງຈັນ, ຫ້ອງນໍ້າສາທາລະນະ ວັດຊຽງທອງ ແຂວງຫລວງພະບາງ, ຫ້ອງນໍ້າສາທາລະນະ ສະຖານທີ່ທ່ອງທ່ຽວຮ້ານອາຫານເມົາເທິນວິວ ແຂວງຫລວງນໍ້າທາ, ຫ້ອງນໍ້າສາທາລະນະ ສະຖານທີ່ທ່ອງທ່ຽວນໍ້າຕົກຕາດເຍືອງ ເມືອງປາກຊ່ອງ ແຂວງຈໍາປາສັກ ​ແລະ ຫ້ອງນໍ້າສາທາລະນະ ສະ ຖານທີ່ທ່ອງທ່ຽວຖໍ້ານອນ-ຖໍ້ານາງຟ້າ ເມືອງວັງວຽງ ແຂວງວຽງຈັນ.

ນອກຈາກນີ້, ສປປ ລາວ ຍັງໄດ້ຮັບລາງວັນ ອີກຈໍານວນ 10 ລາງວັນ ເຊິ່ງຈະມີການຈັດພິທີ ມອບ-ຮັບລາງວັນເພີ່ມຢູ່ພາຍໃນປະເທດ ໂດຍຈະຈັດຂຶ້ນໃນເດືອນກຸມພາ 2025 ເຊິ່ງຜົນສໍາເລັດຂອງການຈັດຕັ້ງປະຕິບັດ ບັນດາມາດຕະຖານການທ່ອງທ່ຽວອາຊຽນ ຢູ່ ສປປ ລາວ ໃນໄລຍະຜ່ານມາ ແລະ ໃນປີ 2025 ແມ່ນໄດ້ຮັບການຊີ້ນໍາ-ນໍາພາ ຈາກການນໍາຂັ້ນສູນກາງ, ຂັ້ນແຂວງ ແລະ ການມີສ່ວນຮ່ວມຈາກ ພາກລັດ, ພາກທຸລະກິດ, ອົງການຈັດຕັ້ງສາກົນ ແລະ ຄູ່ຮ່ວມພັດທະນາທີ່ກ່ຽວຂ້ອງ ໂດຍໄດ້ຮັບການສະໜັບສະໜູນ ດ້ານງົບປະມານຈາກລັດຖະບານແຫ່ງ ສປປ ລາວ ແລະ  ໂຄງການພັດທະນາໂຄງລ່າງພື້ນຖານ ເພື່ອສົ່ງເສີມການທ່ອງທ່ຽວໄລຍະ 2.

ຂ່າວ-ພາບ: ສຸກ​ທະວີ

KPL

ຂ່າວອື່ນໆ

    • ສະຖານທີ່ທ່ອງທ່ຽວເຮືອນຫີນ ຮ່ອງຮອຍປະຫວັດສາດທີ່ໜ້າຄົ້ນຫາທ່ອງທ່ຽວ

      ສະຖານທີ່ທ່ອງທ່ຽວເຮືອນຫີນ ຮ່ອງຮອຍປະຫວັດສາດທີ່ໜ້າຄົ້ນຫາ

      2/17/2025 10:41:35 AM

      ຜາສາດຫີນ ຫລື ເຮືອນຫີນ ເປັນສະຖານທີ່ທ່ອງທ່ຽວທາງປະຫວັດສາດທີ່ໜ້າຄົ້ນຫາຕັ້ງຢູ່ແຄມຝັ່ງແມ່ນ້ຳຂອງຫ່າງຈາກແຂວງ ສະຫວັນນະເຂດ ມາທາງທິດໃຕ້ ປະມານ 90 ກິໂລແມັດ.

    • ແຫລ່ງທ່ອງທ່ຽວ ບຶງໜອງເທົາ ແລະ ຖໍ້າປາເຊືອມ ຈະເປີດບໍລິການໃນໄວ້ໆທ່ອງທ່ຽວ

      ແຫລ່ງທ່ອງທ່ຽວ ບຶງໜອງເທົາ ແລະ ຖໍ້າປາເຊືອມ ຈະເປີດບໍລິການໃນໄວ້ໆ

      2/12/2025 9:25:12 AM

      ແຫລ່ງທ່ອງທ່ຽວ ບຶງໜອງເທົາ ແລະ ຖໍ້າປາເຊືອມ ເປັນແຫລ່ງທ່ອງທ່ຽວທາງທຳມະຊາດທີ່​ສວຍ​ງາມ​ແຫ່ງ​ໃໝ່ຂອງ​ແຂວງ​ຄໍາ​ມ່ວນ ເຊິ່ງຕັ້ງຢູ່ບ້ານນາຂ້າງຊ້າງ ຢູ່ບໍ່ໄກຈາກເທສະບານເມືອງທ່າແຂກ ແຂວງຄຳມ່ວນ ​ເຊິ່ງປັດຈຸບັນແມ່ນກໍາລັງເລັ່ງປັບປຸງສະຖານທີ່ຈອດລົດ, ກໍ່ ສ້າງຫ້ອງນໍ້າ, ກໍ່ສ້າງເສັ້ນທາງຍົກສູງຂຶ້ນຈາກລະດັບນໍ້າເຂົ້າຫາແຫລ່ງທ່ອງທ່ຽວ.

    • ປີທ່ອງທ່ຽວລາວ 2024 ດຶງດູດນັກ ທ່ອງທ່ຽວ ເຂົ້າແຂວງຫົວພັນ 53 ພັນກວ່າຄົນທ່ອງທ່ຽວ

      ປີທ່ອງທ່ຽວລາວ 2024 ດຶງດູດນັກ ທ່ອງທ່ຽວ ເຂົ້າແຂວງຫົວພັນ 53 ພັນກວ່າຄົນ

      2/10/2025 4:05:41 PM

      ຂປລ. ໃນປີ 2024 ຜ່ານມາ ກໍຄື ການຈັດຕັ້ງປະຕິບັດກິດຈະກຳປີທ່ອງທ່ຽວລາວ ຢູ່ແຂວງຫົວພັນ ແມ່ນມີຜົນສຳເລັດຕາມຄາດໝາຍ ທີ່ວາງໄວ້, ສາມາດດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ເຂົ້າມາທ່ຽວຢູ່ແຂວງຫົວພັນ ໄດ້ທັງໝົດ 53 ພັນກວ່າຄົນ, ສ້າງລາຍຮັບໃຫ້ແກ່ສັງຄົມ ໄດ້ທັງໝົດ 58 ຕື້ກວ່າກີບ.

    • ແຫລ່ງທ່ອງທ່ຽວ ຂຸນກອງແລງ ສົ່ງເສີມປະຊາຊົນມີສ່ວນຮ່ວມທ່ອງທ່ຽວ

      ແຫລ່ງທ່ອງທ່ຽວ ຂຸນກອງແລງ ສົ່ງເສີມປະຊາຊົນມີສ່ວນຮ່ວມ

      2/10/2025 9:42:32 AM

      ຂຸນກອງແລງ ຕັ້ງຢູ່ບ້ານນາຄື ເມືອງຫີນບູນ ແຂວງຄໍາມ່ວນ ຫ່າງຈາກເມືອງທ່າແຂກປະມານ 55 ກິໂລແມັດ, ເປັນສະຖານທີ່ທ່ອງທ່ຽວແບບອະນຸລັກທໍາມະຊາດຍືນຍົງ ແລະ ສີຂຽວ ໂດຍແມ່ນບໍລິສັດ ອິນທຣາ ໂຄໂປເຣຊັ່ນ ຈຳກັດຜູ້ດຽວ ເປັນຜູ້ສຳປະທານ ແລະ ພັດທະນາດ້ວຍການສົ່ງເສີມການມີສ່ວນຮ່ວມຂອງປະຊາຊົນ, ຄາດວ່າຈະເປີດໃຫ້ບໍລິການ ໃນເດືອນເມສາ 2025 ນ້ີ.

    • ປີທ່ອງທ່ຽວລາວ 2024 ເຮັດໃຫ້ການ ທ່ອງທ່ຽວ ຢູ່ຈໍາປາສັກ ຂະຫຍາຍຕົວຕໍ່ເນື່ອງ ທ່ອງທ່ຽວ

      ປີທ່ອງທ່ຽວລາວ 2024 ເຮັດໃຫ້ການ ທ່ອງທ່ຽວ ຢູ່ຈໍາປາສັກ ຂະຫຍາຍຕົວຕໍ່ເນື່ອງ

      2/7/2025 7:56:25 PM

      ຂປລ. ການຈັດຕັ້ງປະຕິບັດກິດຈະກຳ ປີທ່ອງທ່ຽວລາວ 2024 ປະກອບສ່ວນເຮັດໃຫ້ ການທ່ອງທ່ຽວ ຢູ່ແຂວງຈຳປາສັກ ໄດ້ຮັບການພັດທະນາ ຢ່າງຕໍ່ເນື່ອງ ແລະ ຂະຫຍາຍຕົວດີຂຶ້ນກວ່າເກົ່າ, ສາມາດດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ເຂົ້າມາທ່ອງທ່ຽວຢູ່ແຂວງຈຳປາສັກ​ ທັງໝົດ 647.​325 ຄົນ. ໃນນັ້ນ, ນັກທ່ອງທ່ຽວຕ່າງປະເທດ 322.​357 ຄົນ, ທຽບໃສ່ແຜນການ​ ປະຕິບັດໄດ້ລື່ນແຜນ, ສາມາດສ້າງລາຍຮັບໄດ້ 90 ລ້ານກວ່າໂດລາສະຫະລັດ.​

ads
ads

Top