ຂປລ
ປີ 2025 ເປັນປີທ້າທາຍ ສຳລັບ ເສດຖະກິດ ຢູ່ໃນ ບັນດາ ປະເທດ ອາຊີຕາເວັນອອກສຽງໃຕ້ (ອາຊຽນ) ໃນຂະນະທີ່ໂລກ ພວມຜະເຊີນກັບ ພາວະເສດຖະກິດຢຸດຈຶ້ງ ຈາກ ການເຄັ່ງຕຶງ ທາງພູມສາດ ແລະ ການແຍກຕົວ ຂອງ ການຄ້າ ລວມເຖິງ ນະໂຍບາຍຂຶ້ນ ພາສີ ຂອງສ.ອາເມລິກາ.
ຂປລ. ສຳນັກຂ່າວ ເອເອຟພີ, ປີ 2025 ເປັນປີທ້າທາຍ ສຳລັບ ເສດຖະກິດ ຢູ່ໃນ ບັນດາ ປະເທດ ອາຊີຕາເວັນອອກສຽງໃຕ້ (ອາຊຽນ) ໃນຂະນະທີ່ໂລກ ພວມຜະເຊີນກັບ ພາວະເສດຖະກິດຢຸດຈຶ້ງ ຈາກ ການເຄັ່ງຕຶງ ທາງພູມສາດ ແລະ ການແຍກຕົວ ຂອງ ການຄ້າ ລວມເຖິງ ນະໂຍບາຍຂຶ້ນ ພາສີ ຂອງສ.ອາເມລິກາ.
ອິນໂດເນເຊຍ ເປັນເຂດເສດຖະກິດ ຂະໜາດໃຫຍ່ທີ່ສຸດ ໃນພາກພື້ນ ອາຊີ ຕາເວັນອອກສຽງໃຕ້, ພວມຜະເຊີນກັບ ອຸປະສັກ ພາຍໃນ ລວມເຖິງ ການບໍລິໂພກ ຄົວເຮືອນ ທີ່ຫລຸດລົງ ເນື່ອງຈາກ ປະຊາກອນ ຊັ້ນກາງຫລຸດລົງ ແລະ ໂຄງການຕ່າງໆ ທີ່ ລັດຖະບານຊຸດໃໝ່ ນໍາມາໃຊ້ ຊຶ່ງອາດຈະ ສົ່ງຜົນກະທົບຕໍ່ ຄວາມໝັ້ນຄົງ ທາງດ້ານການເງິນ. ໃນຂະນະທີ່ ປະເທດໄທ ພວມຊອກຫາ ວິທີການ ຟື້ນຟູເສດຖະກິດ ທີ່ ຂັບເຄື່ອນໂດຍ ອຸດສາຫະກຳ ການທ່ອງທ່ຽວ ແລະ ການບໍລິການ ຊຶ່ງໄດ້ຮັບ ຜົນກະທົບ ຈາກ ການແພ່ລະບາດ ຂອງ ພະຍາດໂຄວິດ-19 , ເຖິງແມ່ນວ່າ ຕ້ອງຜະເຊີນກັບ ອຸປະສັກ ການບໍລິໂພກ ພາຍໃນ ປະເທດ ຫລຸດລົງ, ໜີ້ຄົວເຮືອນ ໄດ້ເພີ່ມຂຶ້ນ ແລະ ຄວາມບໍ່ໝັ້ນຄົງ ທາງດ້ານການເມືອງ.
ໃນຂະນະດຽວກັນ ມາເລເຊຍ ແລະ ຫວຽດນາມ ໄດ້ມີຜົນງານ ທາງດ້ານເສດຖະກິດ ຢ່າງໂດດເດັ່ນ ເມື່ອປີ 2024, ແຕ່ຄວາມທ້າທາຍ ຫລັກແມ່ນ ການດຶງດູດ ການລົງທຶນ ໂດຍກົງ ຈາກຕ່າງປະເທດ (ເອຟດີໄອ) ຕໍ່ໄປ ທ່າມກາງ ຄວາມທ້າທາຍ ລະດັບໂລກ. ໂດຍຄວາມທ້າທາຍ ຂະໜາດໃຫຍ່ທີ່ສຸດ ຂອງ ອາຊີຕາເວັນອອກ ສຽງໃຕ້ ມາຈາກ ມາດຕະການ ພາສີ ຂອງ ທ່ານ ໂດນັນທຣໍາ ປະທານາທິບໍດີ ສ.ອາເມລິກາ ແລະ ອື່ນໆ./.
KPL
