(ເນື່ອງໃນໂອກາດວັນສ້າງຕັ້ງສຳນັກຂ່າວສານປະເທດລາວ ຄົບຮອບ 57 ປີ ວັນທີ 06/01/1968-06/01/2025)

*ຕະຫລອດ​ໄລຍະ​​ແຫ່ງ​ການ​ຕໍ່ສູ້​ກູ້​ຊາດ​ ເພື່ອ​ປົດ​ປ່ອຍປະ​ເທດ​ອອກ​ຈາກ​ແອກ​ຄອບ​ຄອງ​ຂອງ​ລັດທິ​ລ່າ​ເມືອງ​ຂຶ້ນ​ແບບ​ເກົ່າ ​ແລະ ​ໃໝ່, ພັກ​ປະຊາຊົນປະຕິວັດ​ລາວຍາມ​ໃດ​ກໍ​ຖື​ເອົາ​ວຽກງານໂຄສະນາ, ສຶກສາອົບຮົມ, ຂົນຂວາຍ ​ແລະ ປຸກ​ລະດົມ ນ້ຳ​ໃຈ​ຮັກ​ຊາດຂອງ​ປະຊາຊົນ ​ແລະ ​ເຂົ້າຮ່ວມ​ຂະ​ບວນການ​ຕໍ່ສູ້​ປົດ​ປ່ອຍ​ຊາດ​ຢ່າງ​ພິລະ​ອາດ​ຫານ,​ ໃນ​ນັ້ນ ໜ່ວຍງານຂ່າວສານ​ ​ເປັນໜ່ວຍງານໜຶ່ງ​ໄດ້​ຕິດ​ພັນ​ ແລະ ປະກອບສ່ວນ​ຢ່າງ​ຕັ້ງໜ້າເຂົ້າ​ໃນ​ການ​ເຮັດໜ້າທີ່ດັ່ງກ່າວ ນັບ​ທັງ​ການ​ບັນທຶກ​ເຫດການ​ສຳຄັນ​ຕ່າງໆ ​ໂດຍ​ສະ​ເພາະ ແມ່ນ​ບັ້ນໂຄສະນາ​ປຸກລະດົມ​ປະຊາຊົນ​ລຸກ​ຮືຂຶ້ນ ຢຶດອຳນາດການ​ປົກຄອງຈາກ​ກຳມື​ຂອງ​ພວກ​ລ່າ​ເມືອງ​ຂຶ້ນແບບ​ເກົ່າ​, ໃນຊຸມ​ປີ ​1940.  ຈາກ​ນັ້ນມາ ໜ່ວຍງານ​ຂ່າວສານ ພາຍ​ໃຕ້​ການ​ນຳພາ​ຂອງ​ຄະນະ​ພັກ​ແຄວ້ນ​ລາວ ​ແລະ​ ສູນ​ກາງ​ແນວ​ລາວ​ອິດ​ສະຫລະ​ໃນ​ເວລາ​ນັ້ນ ກໍ​ໄດ້ເສີມ​ຂະຫຍາຍ​ມູນ​ເຊື້ອຂອງ​ຕົນ​ ປະກອບສ່ວນຢ່າງ​ຕັ້ງໜ້າ​ເຂົ້າ​ໃນ​ການ​ໂຄສະນາ ຕໍ່ສູ້​ຕ້ານ​ຈັກກະພັດ​ລ່າ​ເມືອງ​ຂຶ້ນທີ່​ມາ​ຮຸກ​ຮານ​ລາວ​ໃນ​ແຕ່ລະ​ໄລຍະ​.

ອີງຕາມຄວາມຮຽກຮ້ອງຕ້ອງການໃນໄລຍະໃໝ່ຂອງການປະຕິວັດ, ໃນວັນທີ 6 ເດືອນມັງກອນປີ 1968  ຢູ່​ຖ້ຳ​ແຫ່ງ​ໜຶ່ງ ທີ່ບ້ານ​ບັກ ທົ່ງ​ນາ​ໄກ (ປັດຈຸ​ບັນແມ່ນ​ເມືອງ​ ວຽງ​ໄຊ) ​ແຂວງ ​ຫົວພັນ ຊຶ່ງ​ເປັນ​ຖານ​ທີ່ໝັ້ນຂອງ​ການ​ປະຕິວັດ​ລາວ, ທ່ານ ສຸພາ​ນຸວົງ, ປະທານ​ສູນ​ກາງ​​ແນວ​ລາວ​ຮັກ​ຊາດ ​ໄດ້​ລົງ​ນາມ​ມະຕິ​ຕົກລົງ ຂອງ​ ສູນ​ກາງ​ແນວ​ລາວ​ ຮັກ​ຊາດ​ສະບັບ​ໜຶ່ງ ວ່າ​ດ້ວຍ​ການ​ສ້າງຕັ້ງສຳນັກ​ຂ່າວສານ​ປະ​ເທດ​ລາວ ທີ່​ມີ​ຕົວ​ໜັງສື​ລາວ ຂຽນຫຍໍ້​ວ່າ “ຂປລ“ ຫລື​ ພາສາຕ່າງປະ​ເທດ  “KPL“​ ໃນ​ໂອກາດ​ລະນຶກວັນສ້າງຕັ້ງ​ແນວ​ລາວ​ຮັກ​ຊາດ ຄົບຮອບ 12 ປີ, ຂຶ້ນ​ຢ່າງ​ເປັນ​ທາງ​ການ  ​ເພື່ອ​ເຮັດ​ໜ້າ​ທີ່​ຖະ​ແຫລ​ງ ຂ່າວ​ຢູ່​ພາຍ​ໃນ ​ແລະ ຕໍ່ຕ່າງປະ​ເທດ ກ່ຽວ​ກັບ​ຂະ​ບວນການ​ຕໍ່​ສູ້​ຢ່າງ​ພິລະ​ອາດ​ຫານ ​ຂອງ ປະຊາຊົນ​ລາວ ບັນດາ​ເຜົ່າ ຕ້າ​ນກັບຈັກກະພັດ ​ແລະ ລູກ​ແຫລ້ງ​ຕີນ​ມື ຂອງ ພວກ​ເຂົາ ທີ່ມີ​ຕໍ່​ປະຊາຊົນ​ລາວ. ຜູ້ອຳນວຍການ​ຄົນ​ທຳ​ອິດ​ແມ່ນ ທ່ານ ສີ​ຊະນະ ສີ​ສານ, ກຳມະການ​ໃນ​ຄະນະ​ໂຄສະນາ-​ອົບຮົມ-ວັດທະນະທຳ (ຄອວ) ຂອງ​ ສູນ​ກາງ​ແນວ​ລາວ​ຮັກ​ຊາດ, ​ທ່ານ​ ສອນ ​ຄຳ​ວານວົງ​ສາ ແລະ​ທ່​ານ​ ສົມ​ເທີ ເພັດ​ມະ​ນີ ເປັນ​ຮອງ.​ໃນ​ສະພາບທ່າມ​ກາງ​ຫ່າ​ລະ​ເບີດ​ ລູກ​ປືນຂອ​ງ​ພວກ​ໂຈນ​ອາກາດ​ ອາ​ເມ​ລິ​ກາທີ່​ໄດ້​ແຫ່​ກັນ​ມາຖິ້ມ​ລົງ​ໃສ່​ເຂດ​ທີ່​ໝັ້ນ​ຂອງ​ສູນ​ກາງ​ຢ່າງ​ບໍ່​ເວັ້ນ ​ແຕ່​ລະ​ວັນ ເພື່ອ​ຫວັງ​ດັບ​ມອດ​ກຳ​ລັງ​ປະ​ຕິ​ວັດ​ ຂອງພວກ​ເຮົາ. ແຕ່​ກົງ​ກັນ​ຂ້າມ​ກຳລັງການ​ປະ​ຕິ​ວັດລາວ ​ພາຍ​ໃຕ້​ການ​ນຳພາຂອງພັກ ຊ້ຳພັດນັບ​ມື້​ເຕີບ​ໃຫຍ່ຂະຫຍາຍຕົວ​ຢ່າງບໍ່​ຢຸດຢັ້ງ​ ທັງ​ທາງ​ດ້ານ​ປະລິມານ ​ແລະ ຄຸນ​ນະພາ​ບ ​ໃນ​ການ​ຕໍ່​ສູ້ຈັກກະພັດ ​ແລະ ລູກ​ແຫລ້ງ​ຕີນ​ມື ທີ່ບອກ​ໄດ້​ໃຊ້​ຟັງ ຂອງພວກ​ເຂົາ ຈາກ​ໄຊຊະນະ​ນີ້​ໄປຫາ ໄຊຊະນະ​ໃໝ່ ​ໃຫຍ່​ຫລວງ​ກວ່າ​ເກົ່າ.

ໃນເວລາສ້າງຕັ້ງຂຶ້ນໃໝ່ ການນໍາຂອງຂ່າວສານປະເທດລາວ ແລະ ວິທະຍຸກະຈາຍສຽງ ຂອງຝ່າຍ ປະເທດລາວ ແມ່ນອັນດຽວກັນ, ມີທ່ານ ສີຊະນະ ສີສານ ເປັນຫົວໜ້າ, ທ່ານ ສອນ ຄໍາວານວົງສາ ຮັບຜິດຊອບ B1 ແລະ ທ່ານ ສົມເທີ ເພັດມະນີ ຮັບຜິດຊອບ C2 ເປັນຮອງ. ຕໍ່ມາກໍມີທ່ານ ສີສະໜານ ແສນຍານຸວົງ ແລະ ທ່ານ ບົວບານ ວໍລະຂຸນ ເປັນຄະນະ ບກ. ຮອດໄລຍະປີ 1968-1969 ຈໍານວນນັກຂ່າວຈຶ່ງໄດ້ເພີ່ມຂຶ້ນກວ່າເກົ່າ ນັບທັງດ້ານເຕັກນິກ ສົ່ງຂ່າວກໍສາມາດກຸ້ມຕົນເອງ ຍ້ອນມີການສ້າງພະນັກງານກັບທີ່ ແລະ ຮັບເອົານັກຮຽນ ທີ່ຮຽນ ຈົບມັດທະຍົມຕອນປາຍ ຈາກພາຍໃນ ແລະ ຕ່າງປະເທດ ມາເປີດຊຸດອົບຮົມຢ່າງມີລະບົບ ແລະ ສ່ວນໜຶ່ງກໍຮັບເອົາພະນັກງານ ທີ່ມາຈາກວິທະຍຸຂ່າວສານແຂວງຊຽງຂວາງ ອັນໄດ້ສ້າງເງື່ອນໄຂໃຫ້ ສາມາດຈັດຕັ້ງໜ່ວຍຂ່າວໄປເຄື່ອນໄຫວເກັບກໍາຂ່າວ ແລະ ຈັດຕັ້ງສາຂາຂ່າວຢູ່ພາກກາງ, ພາກໃຕ້ ແລະ ຢູ່ບັນດາແຂວງພາກເໜືອ ເປັນເວລາ 3 ເດືອນ ຫາ 1 ປີ. ການປະຕິບັດໜ້າທີ່ວຽກ ງານກໍຫຍຸ້ງຍາກກັນດານທີ່ສຸດ ເພາະແມ່ນຍາມສົງຄາມທໍາລາຍ, ປ່າດົງພົງໄພ ຮ່ອມຫ້ວຍຜາຊັນ, ທຸກບ່ອນແມ່ນສະໜາມຮົບ. ດ້ວຍເຫດນີ້ນັກຂ່າວຈຶ່ງຕ້ອງມີຄວາມເດັດດ່ຽວໜຽວແໜ້ນ ແລະ ເສຍສະລະທຸກສິ່ງທຸກຢ່າງ ທັງເຮັດວຽກໄປລໍາລຽງຂົນສົ່ງ, ທັງຈັບປືນເວນຍາມ ເວັນ ແລະ ຄືນບາງຄັ້ງ ຍັງຕ້ອງໄດ້ຜັດປ່ຽນກັນຂຶ້ນປ້ອມຍິງຍົນກໍມີ.

ເພື່ອກະກຽມໃຫ້ແກ່ການຢຶດອໍານາດໃນຂອບເຂດທົ່ວປະເທດ ສຳນັກຂ່າວສານປະເທດ ລາວ ກໍໄດ້ສົ່ງນັກຂ່າວລົງຕິດຕາມທຸກຂະບວນການຢຶດອໍານາດ ເຊັ່ນ: ຢູ່ສະຫວັນນະເຂດ, ຈຳປາສັກ, ຄຳມ່ວນ, ຫລວງພະບາງ ແລະ ບ່ອນອື່ນໆ. ສະເພາະຢູ່ວຽງຈັນ ແມ່ນໄດ້ອອກຂ່າວ ແລະ ບົດກ່ຽວກັບ ການຢຶດອໍານາດຢູ່ໃນແຕ່ລະມືອງ, ກົມກອງ ແລະ ການໂຮມຊຸມນຸມຢືດອໍານາດຢູ່ນະຄອນຫລວງວຽງຈັນ ເມື່ອວັນທີ 23 ສິງຫາ 1975 ທີ່ເດີ່ນພະທາດຫລວງ. ມ້ວນທ້າຍກໍໄດ້ເກັບກຳຂ່າວ-ຮູບພາບ ກອງປະຊຸມຜູ້ແທນປະຊາຊົນ ທົ່ວປະເທດປະກາດສ້າງຕັ້ງ ສປປ ລາວ ຂຶ້ນ ເມື່ອວັນທີ 1-2 ທັນວາ ປີ 1975 ອັນເປັນການສິ້ນສຸດ ລະບອບລາຊາທິປະໄຕ ແລະ ສິ້ນສຸດສົງຄາມຮຸກຮານຂອງ ຈັກກະພັດອາເມລິກາ ແລະ ພວກລູກແຫລ້ງຕີນມືປະຕິການຢູ່ປະເທດເຮົາ.

ເມື່ອປະເທດຊາດໄດ້ຮັບການປົດປ່ອຍ ພະນັກງານຂອງ ສຳນັກຂ່າວສານປະເທດລາວ ໄດ້ເພີ່ມຂຶ້ນຢ່າງຫລວງຫລາຍ, ຈຳນວນໜຶ່ງແມ່ນຍົກຍ້າຍມາແຕ່ເມືອງວຽງໄຊ, ຈຳນວນໜຶ່ງໄດ້ຮັບ ເອົານັກສຶກສາ ທີ່ຮຽນຈົບສະຖາບັນກົດໝາຍ ແລະ ການປົກຄອງ ແລະ ອີກຈຳນວນໜຶ່ງແມ່ນຮັບໃຊ້ເອົາ ພະນັກງານທີ່ເຮັດວຽກຂ່າວສານ ໃນລະບອບເກົ່າ (Lao Press) ທີ່ມີຄວາມຕື່ນຕົວມາຮັບໃຊ້ພາລະກິດ ຂອງການປະຕິວັດ ໂດຍມາຕັ້ງສຳນັກງານໃໝ່ ຢູ່ບ້ານຊຽງຍືນ ຖະໜົນເສດຖາທິລາດ ນະຄອນຫລວງ ວຽງຈັນ.

ນັບແຕ່ປີ 1976 - 1982 ສຳນັກຂ່າວສານປະເທດລາວ ຍັງຢູ່ຮ່ວມກັນກັບ ໜັງສືພິມສຽງປະຊາຊົນ ເອີ້ນວ່າ: ສຳນັກໜັງສືພິມສຽງປະຊາຊົນ-ຂ່າວສານປະເທດລາວ. ພາຍຫລັງກອງປະຊຸມໃຫຍ່ ຄັ້ງທີ III ຂອງພັກ (27-30/04/1982), ຕົ້ນປີ 1983 ໄດ້ມີມະຕິຂອງສູນກາງພັກ ໃຫ້ແຍກບັນດາອົງການສື່ມວນຊົນອອກຈາກ ກະຊວງໂຄສະນາ, ຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໂດຍໄດ້ແຍກອອກເປັນ 2 ການຈັດຕັ້ງ, ສ້າງຕັ້ງ ເປັນຄະນະກໍາມະການຂ່າວສານ, ໜັງສືພິມ, ວິທະຍຸກະຈາຍສຽງ ແລະ ໂທລະພາບແຫ່ງຊາດ ທຽບເທົ່າກະຊວງ, ຫລັງຈາກນັ້ນ ໃນປີຖັດມາ ສໍານັກຂ່າວສານປະເທດລາວ ແລະ ໜັງສືພິມສຽງປະຊາຊົນ ກໍໄດ້ແຍກອອກ ຈາກກັນກາຍມາເປັນສໍານັກຂ່າວສານ ປະເທດລາວ ໂດຍຈັດຕັ້ງຄະນະນໍາໜຶ່ງຂຶ້ນ ເອີ້ນວ່າ: ຄະນະອໍານວຍການໃຫຍ່ ຂ່າວສານ ປະເທດລາວ ຕາມດໍາລັດຂອງປະທານສະພາລັດຖະມົນຕີ ສະບັບ ເລກທີ 038/ປສລ ລົງວັນທີ 31/03/84.

ການພົວພັນຢູ່ພາຍໃນປະເທດ, ຂປລ ໄດ້ມີເພື່ອນຮ່ວມງານ ຢູ່ບັນດາກະຊວງ ແລະ ບັນດາແຂວງທົ່ວປະເທດ ເພື່ອເຮັດໃຫ້ການ ຮັບ-ສົ່ງ ຂໍ້ມູນຂ່າວສານ ໃຫ້ມີຄວາມວ່ອງໄວ ເນື້ອໃນການນຳສະ ເໜີຂ່າວມີຄວາມຫລາກຫລາຍ ຍິ່ງຂຶ້ນ. ນັບແຕ່ຕົ້ນຊຸມປີ 90 ມານີ້,  ຂປລ ໄດ້ສືບຕໍ່ປັບປຸງພື້ນຖານວັດຖຸ ເຕັກນິກຄ່ອຍໆກ້າວເຂົ້າ ສູ່ບາດລ້ຽວໃໝ່ ຄື: ລົບລ້າງການນໍາໃຊ້ລະບົບການຮັບ-ສົ່ງຂ່າວກັບທ້ອງຖິ່ນ ດ້ວຍເຄື່ອງໂທລະເລກ ມານໍາໃຊ້ເຄື່ອງໂຟນີ, ຄອມພິວເຕີ ແລະ ໂທລະສານ; ລົບລ້າງລະບົບການຮັບ ແລະ ສົ່ງຂ່າວ ກັບ ຕ່າງ ປະເທດ ດ້ວຍເຄື່ອງໂທລະພິມ ແລະ ການສົ່ງຂ່າວອອກອາກາດ ໃນລະບົບຄື້ນສັ້ນ ມາເປັນລະບົບເຄື່ອງ ຄອມພິວເຕີ ແລະ ເຄື່ອງຮັບຂ່າວຜ່ານດາວທຽມ.

ເລີ່ມປີ 2009 ເປັນຕົ້ນມາ, ສໍານັກຂ່າວສານປະເທດລາວ ຈຶ່ງໄດ້ເປີດກວ້າງຕາໜ່າງການຮັບ-ສົ່ງຂ່າວ ທັງພາຍໃນ ແລະ ຕ່າງປະເທດ ດ້ວຍລະບົບສາຍກົງ (ອອນລາຍ) ແລະ ບໍລິການຜະລິດຕະພັນ ຂ່າວສານ ໂດຍລະບົບຖ່າຍໂອນຂໍ້ມູນຫລື FTP.  ທັງນີ້ ກໍເນື່ອງຈາກວ່າ ສຳນັກຂ່າວສານປະເທດລາວ ເປັນສູນກາງລວບລວມ ເກັບກຳຂໍ້ມູນຂ່າວສານ ເພື່ອສະໜອງຂໍ້ມູນເຫລົ່ານັ້ນໃຫ້ແກ່ສັງຄົມ ທັງພາຍໃນ ແລະ ຕ່າງປະເທດ ຈຶ່ງມີຄວາມຈຳເປັນທີ່ສຸດ ແລະ ໄດ້ສ້າງເຄືອຂ່າຍນີ້ຂຶ້ນມາ ເພື່ອເຊື່ອມຕໍ່ກັບ ທ້ອງຖິ່ນ ແລະ ສຳນັກງານ-ອົງການຕ່າງໆ ໃນທົ່ວປະເທດໄດ້ເປັນລະບົບຄົບຊຸດ ເພື່ອອຳນວຍຄວາມ ສະດວກຄວບຄຸມ ທັງຄຸ້ມຄອງຂ່າວ, ບົດ ແລະ ຮູບ ທີ່ສົ່ງຜ່ານລະບົບນີ້ໃຫ້ມີຄວາມເປັນເອກະພາບ, ຊັດເຈນ, ວ່ອງໄວ ແລະ ທັນສະພາບ. ຈາກການນຳໃຊ້ລະບົບດັ່ງກ່າວໄດ້ເຮັດໃຫ້ ການຕິດຕໍ່ພົວພັນ, ການ ສົ່ງຂໍ້ມູນຂ່າວສານຕ່າງໆ ມີຄວາມສະດວກວ່ອງໄວຂຶ້ນ ແລະ ທັນເຫດການໃນຂອບເຂດທົ່ວປະເທດ.

ນັບແຕ່ປີ 2000 ເປັນຕົ້ນມາ, ສໍານັກຂ່າວສານປະເທດລາວ ກໍໄດ້ສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການດໍາເນີນວຽກງານຕາມພາລະບົດບາດ ແລະ ໜ້າທີ່ຂອງຕົນຢູ່ໃນເງື່ອນໄຂພາຍໃນ ແລະ ສາກົນ ທີ່ຜັນແປໄປຢ່າງສັບສົນ ເຊິ່ງມີທັງກາລະໂອກາດເອື້ອອຳນວຍແລະ ສິ່ງທ້າທາຍຫລາຍຢ່າງ. ເຖິງຢ່າງໃດກໍຕາມ, ສໍານັກຂ່າວສານປະເທດລາວ ກໍໄດ້ຮັບການຊີ້ນໍາ-ນໍາພາຈາກພັກ ແລະ ລັດຢ່າງໃກ້ຊິດ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VII, VIII, IX, X ແລະ XI ຂອງພັກ, ມະຕິກົມການເມືອງສູນກາງພັກກ່ຽວກັບການເພີ່ມທະວີການນໍາພາຂອງພັກ ແລະ ການຄຸ້ມຄອງລັດຕໍ່ສື່ມວນຊົນ ໃນໄລຍະໃໝ່ ແລະແຜນພັດທະນາເສດຖະກິດ-ສັງຄົມ ຂອງລັດຖະບານໃນແຕ່ລະໄລຍະ ກໍຄື ການນໍາພາ-ຊີ້ນໍາຂອງຄະນະພັກ ແລະ ຄະນະນໍາກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ເຊິ່ງໄດ້ກາຍເປັນແນວຄິດຊີ້ນໍາ, ເປັນທິດທາງ ແລະ ແຜນການສູ້ຊົນຂອງສໍານັກຂ່າວສານປະເທດລາວຕະຫລອດມາ, ອັນໄດ້ເຮັດໃຫ້ສໍານັກຂ່າວສານຄ່ອຍໆໄດ້ມີການປັບປຸງ, ຍົກສູງຄຸນນະພາບ ແລະ ພັດທະນາດີຂຶ້ນເປັນກ້າວໆ.

ນອກຈາກການປັບປຸງ ແລະ ຍົກລະດັບເນື້ອໃນແລ້ວ, ພວກເຮົາຍັງໄດ້ເພີ່ມຜະລິດຕະພັນໃໝ່ຕື່ມອີກ ໂດຍສະເພາະໃນວັນທີ 1 ທັນວາ ປີ 2001, ສໍານັກຂ່າວສານປະເທດລາວ ກໍໄດ້ສ້າງຕັ້ງ ແລະ ຈັດພິມໜັງສືພິມປະເທດລາວລາຍວັນ (ພາສາລາວ) ສະບັບທໍາອິດ ເປັນຂາວດໍາປະກອບມີ 8 ໜ້າ ແລະ ມີຍອດການພິມເບື້ອງຕົ້ນ 4.000 ສະບັບຕໍ່ມື້,ຂະນະທີ່ການຈັດສົ່ງຕົ້ນສະບັບເຂ້ົາໂຮງພິມກໍຍັງມີຄວາມຫຍຸ້ງຍາກຫລາຍ ເພາະວ່າຕ້ອງໄດ້ໃຫ້ພະນັກງານໄປສົ່ງເຂົ້າໂຮງພິມດ້ວຍຕົນເອງ, ແຕ່ໃນໄລຍະ 5-6 ປີຕໍ່ມາ ກໍໄດ້ສືບຕໍ່ພັດທະນາເນື້ອໃນ ຂອງໜັງສືພິມທີ່ອຸດົມສົມບູນ, ມີຫລາກຫລາຍ ຄໍລໍາ ກ່ຽວກັບການເມືອງ, ເສດຖະກິດ, ວັດທະນະທໍາ-ສັງຄົມ, ປກຊ-ປກສ ລວມແລ້ວມີຫລາຍກວ່າ 20 ຄໍລໍາແລະ ເພີ່ມການພິມເປັນ 12 ໜ້າ, ສອດສີໜ້າໜັງສືພິມໜ້າທໍາອິດດ້ວຍລະບົບໂປຣແກມຄອມພິວເຕີ ແລະ ການຈັດສົ່ງຕົ້ນສະບັບເຂົ້າໂຮງພິມດ້ວຍລະບົບເຕັກນິກ ການສື່ສານທີ່ທັນສະໄໝ. ມາຮອດປັດຈຸບັນ ເນື່ອງຈາກມີຄວາມຫຍຸ້ງຍາກດ້ານເສດຖະກິດ ແລະ ສື່ສັງຄົມອອນລາຍ ມີການຂະຫຍາຍຕົວເຮັດໃຫ້ຈຳນວນໜ້າໜັງສືພິມຫລຸດລົງເປັນ 8 ໜ້າ ແຕ່ຍັງຮັກສາບັນດາຄໍລໍາ ແລະ ເນື້ອໃນສຳຄັນຕ່າງໆໄວ້ຄືເກົ່າ.

ສໍາລັບວຽກງານຂ່າວ ກໍໄດ້ດໍາເນີນການປັບປຸງຜະລິດຕະພັນໃບຂ່າວລາຍວັນດ້ວຍເນື້ອໃນທີ່ຫລາກຫລາຍ ແລະ ພັດທະນາໃຫ້ຂະຫຍາຍຕົວ ແລະ ກ້າວໄປສູ່ຄຸນນະພາບໃໝ່ ດ້ວຍການຍົກລະດັບປະລິມານ ແລະ ຄຸນນະພາບຂອງຂ່າວຂຶ້ນອີກບາດກ້າວໜຶ່ງ ເພື່ອສ່ອງແສງເຫດການຕ່າງໆ ທັງພາຍໃນ ແລະ ຕ່າງປະເທດ ໃຫ້ກວ້າງຂວາງເລິກເຊິ່ງ ມີເນື້ອໃນໜັກແໜ້ນ ແລະ ວ່ອງໄວ, ທັນເຫດການ ແລະ ຊັດເຈນ, ຕອບສະໜອງຂໍ້ມູນຂ່າວສານດ້ານເຕັກນິກ-ວິທະຍາສາດ, ວິທະຍາການ ແລະ ອື່ນໆ ທັງຢູ່ພາຍໃນ ແລະສາກົນ ຢ່າງເໝາະສົມ, ຖືກຕ້ອງຕາມແນວທາງນະໂຍບາຍຂອງພັກ-ລັດ ໃນແຕ່ລະໄລຍະໃຫ້ແກ່ບັນດາສື່ຕ່າງໆ ແລະ ມວນຊົນ ຕາມພາລະບົດບາດຂອງສໍານັກຂ່າວສານປະເທດລາວ, ທັງສ້າງເງື່ອນໄຂໃຫ້ບັນດາແຂວງໃນທົ່ວປະເທດ ໄດ້ຮັບຂໍ້ມູນຂ່າວສານຕ່າງໆໃນແຕ່ລະວັນ. ນອກຈາກນັ້ນ, ສໍານັກຂ່າວສານປະເທດລາວ ຍັງໄດ້ມີການພັດທະນາຍົກລະດັບການພິມ ຈາກພິມເປັນໃບຂ່າວພາສາຕ່າງປະເທດ KPL News ມາເປັນໜັງສືພິມລາຍວັນ(ພາສາອັງກິດ ແລະ ຝຣັ່ງ) ດ້ວຍຍອດການພິມເບື້ອງຕົ້ນ 300 ສະບັບຕໍ່ມື້ ແລະ ຕໍ່ມາໃນປີ 2012 ກໍໄດ້ພັດທະນາຂຶ້ນດ້ວຍການເພີ່ມການພິມສອດສີໜ້າທໍາອິດ. ເຖິງຢ່າງໃດກໍດີໂດຍອີງໃສ່ກະແສຟອງຂອງການພັດທະນາທີ່ກ້າວກະໂດດຂອງສ່ືສັງຄົມອອນລາຍ ເຊິ່ງໄດ້ເຮັດໃຫ້ໜັງສືພິມກໍຄືສິ່ງພິມອັນເປັນສື່ແບບເກົ່າໃນທົ່ວໂລກຫລາຍສະບັບ ຈຳເປັນຕ້ອງຢຸດຕິການພິມ ແລະ ຫັນສູ່ການເຜີຍແຜ່ຂໍ້ມູນຂ່າວສານຜ່ານສື່ໃໝ່, ສິ່ງພິມກໍຄືໜັງສືພິມໃນລາວເຮົາກໍໄດ້ຮັບຜົນສະທ້ອນຈາກສະພາບພາຍນອກດັ່ງກ່າວ ແລະ ອີງໃສ່ເງື່ອນໄຂຕົວຈິງຜູ້ອ່ານພາຍໃນ ກໍຫັນມາຮັບຂໍ້ມູນຂ່າວສານຜ່ານສື່ແບບໃໝ່ ຫລື ສື່ອອນລາຍ, ດັ່ງນັ້ນມາຮອດປີ 2017 ຂປລ ກໍໄດ້ຢຸດຕິການພິມໜັງສືພິມພາສາຝຣັ່ງ ແລະ ພາສາອັງກິດ KPL News ມາສູ່ການກະຈາຍຂ່າວ ຜ່ານເວັບໄຊກໍຄືຜ່ານຊ່ອງທາງອອນລາຍແທນ ຈົນມາເຖິງປັດຈຸບັນ.

ສັງລວມແລ້ວ, ນັບແຕ່ມື້ສ້າງຕັ້ງເປັນຕົ້ນມາ ສໍານັກຂ່າວສານປະເທດລາວ ໄດ້ດໍາເນີນການປັບປຸງ ແລະ ພັດທະ ນາຜະລິດຕະພັນມາໂດຍຕະຫລອດ ເຊິ່ງມີຜະລິດຕະພັນທັງໝົດຄື: ໃບຂ່າວລາຍວັນ, ໃບຂ່າວຄົ້ນຄວ້າລາຍວັນ, ໜັງສືພິມປະເທດລາວລາຍວັນ, ວາລະສານປະເທດລາວ, ໜັງສືພິມພາສາຕ່າງປະເທດ KPL News. ມາຮອດປັດຈຸບັນອີງໃສ່ສະພາບການໃໝ່ ເພື່ອຕອບສະໜອງກັບຄວາມຮຽກຮ້ອງຕ້ອງການຂອງຜູ້ອ່ານ, ບັນດາຜະລິດຕະພັນສ່ິງພິມສ່ວນຫລາຍຂອງ ຂປລ ແມ່ນໄດ້ຫັນສູ່ການເຜີຍແຜ່ຜ່ານຊ່ອງທາງອອນລາຍ, ເວັບໄຊ, ເຟສບຸກ, ຢູທູບ, ຍັງຮັກສາໄວ້ແຕ່ໜັງສືພິມປະເທດລາວລາຍວັນ ພ້ອມນີ້,ຍັງມີວິດີໂອອອນລາຍ (ລາຍການເວທີມະຫາຊົນ ແລະ ລາຍການໄປຫາມາບອກ) ທີ່ເຜີຍແຜ່ຂໍ້ມູນຂ່າວສານ ທາງຢູທູບ, ເຟສບຸກ ປະເທດລາວ Pathedlao ແລະ ອື່ນໆ ບົນພື້ນຖານແຫ່ງການພັດທະນາຫັນເປັນທັນສະໄໝ ແລະ ການຂະຫຍາຍຕົວຂອງເຕັກໂນໂລຊີໃນຍຸກສະໄໝ ແຫ່ງໂລກາພິວັດ.

ໄລຍະຂອງການຈັດຕ້ັງປະຕິບັດແນວທາງປ່ຽນແປງໃໝ່ ຂປລ ໄດ້ເປັນເຈ້ົາການປະຕິບັດແນວທາງ, ນະໂຍບາຍຂອງພັກ ແລະ ລັດຖະບານ ໃນວຽກງານການຕ່າງປະເທດແບບສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ ໂດຍໄດ້ປັບປຸງ ແລະ ຂະຫຍາຍການພົວພັນຮ່ວມມື, ແລກປ່ຽນບົດຮຽນ ແລະ ຊ່ວຍເຫລືອເຊິ່ງກັນ ແລະ ກັນ ທາງດ້ານວິຊາການກັບສໍານັກຂ່າວສານຂອງບັນດາປະເທດເພ່ືອນມິດຍຸດທະສາດ, ບັນດາປະເທດເພ່ືອນບ້ານໃກ້ຄຽງ, ບັນດາປະເທດເພື່ອນມິດໃນຂົງເຂດ ແລະ ໃນໂລກ ດ້ວຍການໄປມາຫາສູ່ຢ້ຽມ ຢາມ, ແລກປ່ຽນບົດຮຽນດ້ານວິຊາການເຊິ່ງບາງປະເທດ ກໍໄດ້ເຊັນສັນຍາຮ່ວມມືຊ່ວຍເຫລືອເຊິ່ງກັນ ແລະ ກັນ ທາງດ້ານວັດຖຸ-ເຕັກນິກ, ການແລກປ່ຽນຂ່າວສານນຳກັນກໍ່ຄືກິດຈະການອື່ນໆ ຢ່າງກວ້າງຂວາງເປັນຕົ້ນແມ່ນສໍານັກຂ່າວສານ (VNA) ຂອງຫວຽດນາມ, ທ່ີເປັນ ເພ່ືອນມິດເກ່ົາແກ່ກວ່າໝູ່ໝົດ,ເຄີຍໄດ້ຊ່ວຍເຫລືອເກ້ືອກຸນກັນແບບພິເສດທາງດ້ານວິຊາການຂ່າວສານມາແຕ່ສະໄໝສົງຄາມ. ສໍາລັບສໍານັກຂ່າວສານຊິນຮວາ ຂອງ ສປ ຈີນ ແລະ ສໍານັກຂ່າວສານ ຕາສ ຂອງອະດີດສະຫະພາບໂຊວຽດ ກ່ໍເປັນສອງສໍານັກຂ່າວສານໃຫຍ່ລະດັບໂລກ ເປັນເພ່ືອນມິດທ່ີດີນໍາກັນ, ໄດ້ໃຫ້ການຊ່ວຍເຫລືອທາງດ້ານວັດຖຸ-ເຕັກນິກ, ບົດຮຽນດ້ານວິຊາການ ແລະ ເປັນແຫລ່ງຂ່າວທ່ີເຊ່ືອຖືຂອງສໍານັກຂ່າວສານພວກເຮົາຕະຫລອດມາ. ພ້ອມກັນ ນ້ັນ ຂປລ ຍັງໄດ້ພົວພັນຮ່ວມມືກັບສໍານັກຂ່າວສານປະເທດເພ່ືອນມິດອື່ນໆຕື່ມອີກ.

ການພົວພັນຢູ່ພາຍໃນປະເທດ, ຂປລ ໄດ້ມີເພື່ອນຮ່ວມງານຢູ່ບັນ ດາກະຊວງ ແລະ ບັນດາແຂວງທົ່ວ ປະເທດ ເພື່ອເຮັດໃຫ້ການຮັບ-ສົ່ງ ຂໍ້ມູນຂ່າວສານໃຫ້ມີຄວາມວ່ອງໄວ ເນື້ອໃນການນຳສະເໜີຂ່າວມີຄວາມ ຫລາກຫລາຍຍິ່ງຂຶ້ນ. ນັບແຕ່ຕົ້ນ ຊຸມປີ 90 ມານີ້,  ຂປລ ໄດ້ສືບຕໍ່ປັບ ປຸງພື້ນຖານວັດຖຸເຕັກນິກຄ່ອຍໆ ກ້າວເຂົ້າສູ່ບາດລ້ຽວໃໝ່ຄື: ລົບ ລ້າງການນໍາໃຊ້ລະບົບການຮັບ- ສົ່ງຂ່າວກັບທ້ອງຖິ່ນ ດ້ວຍເຄື່ອງໂທ ລະເລກມານໍາໃຊ້ເຄື່ອງໂຟນີ, ຄອມ ພິວເຕີ ແລະ ໂທລະສານ; ລົບລ້າງ ລະບົບການຮັບ ແລະ ສົ່ງຂ່າວກັບ ຕ່າງປະເທດ ດ້ວຍເຄື່ອງໂທລະພິມ ແລະ ການສົ່ງຂ່າວອອກອາກາດ ໃນລະບົບຄື້ນສັ້ນມາເປັນລະບົບ ເຄື່ອງຄອມພິວເຕີ ແລະ ເຄື່ອງຮັບ ຂ່າວຜ່ານດາວທຽມ.

ເລີ່ມປີ 2009 ເປັນຕົ້ນມາ, ສໍາ ນັກຂ່າວສານປະເທດລາວ ຈຶ່ງໄດ້ ເປີດກວ້າງຕາໜ່າງການຮັບ-ສົ່ງ ຂ່າວທັງພາຍໃນ ແລະ ຕ່າງປະເທດ ດ້ວຍລະບົບສາຍກົງ (ອອນລາຍ) ແລະ ບໍລິການຜະລິດຕະພັນຂ່າວ ສານ ໂດຍລະບົບຖ່າຍໂອນຂໍ້ມູນ ຫລື  FTP.  ທັງນີ້ ກໍເນື່ອງຈາກວ່າ ສຳນັກຂ່າວສານປະເທດລາວ ເປັນ ສູນກາງລວບລວມເກັບກຳຂໍ້ມູນ ຂ່າວສານ ເພື່ອສະໜອງຂ້ໍມູນເຫລ່ົາ ນັ້ນໃຫ້ແກ່ສັງຄົມທັງພາຍໃນ ແລະ ຕ່າງປະເທດ ຈຶ່ງມີຄວາມຈຳເປັນ ທີ່ສຸດ ແລະ ໄດ້ສ້າງເຄືອຂ່າຍນີ້ຂຶ້ນ ມາ ເພື່ອເຊື່ອມຕໍ່ກັບທ້ອງຖິ່ນ ແລະ ສຳນັກງານ-ອົງການຕ່າງໆໃນທົ່ວ ປະເທດໄດ້ເປັນລະບົບຄົບຊຸດ ເພື່ອ ອຳນວຍຄວາມສະດວກຄວບຄຸມ ທັງຄຸ້ມຄອງຂ່າວ, ບົດ ແລະ ຮູບທີ່ ສົ່ງຜ່ານລະບົບນີ້ໃຫ້ມີຄວາມເປັນ ເອກະພາບ, ຊັດເຈນ, ວ່ອງໄວ ແລະ ທັນສະພາບ. ຈາກການນຳໃຊ້ລະ ບົບດັ່ງກ່າວ ໄດ້ເຮັດໃຫ້ການຕິດຕໍ່ ພົວພັນ, ການສົ່ງຂໍ້ມູນຂ່າວສານ ຕ່າງໆມີຄວາມສະດວກວ່ອງໄວ ຂຶ້ນ ແລະ ທັນເຫດການໃນຂອບເຂດ ທົ່ວປະເທດ.

ນັບແຕ່ປີ 2000 ເປັນຕົ້ນມາ, ສໍານັກຂ່າວສານປະເທດລາວ ກໍໄດ້ ສືບຕໍ່ປະກອບສ່ວນຢ່າງຕັ້ງໜ້າ ເຂົ້າໃນການດໍາເນີນວຽກງານຕາມ ພາລະບົດບາດ ແລະ ໜ້າທີ່ຂອງຕົນ ຢູ່ໃນເງື່ອນໄຂພາຍໃນ ແລະ ສາກົນ ທີ່ຜັນແປໄປຢ່າງສັບສົນ ເຊິ່ງມີທັງ ກາລະໂອກາດເອື້ອອຳນວຍ ແລະ ສິ່ງທ້າທາຍຫລາຍຢ່າງ. ເຖິງຢ່າງ ໃດກໍຕາມ, ສໍານັກຂ່າວສານປະ ເທດລາວ ກໍໄດ້ຮັບການຊີ້ນໍາ-ນໍາພາ ຈາກພັກ ແລະ ລັດຢ່າງໃກ້ຊິດໃນ ການຈັດຕັ້ງຜັນຂະຫຍາຍມະຕິກອງ ປະຊຸມໃຫຍ່ ຄັ້ງທີ VII, VIII, IX, X ແລະ XI ຂອງພັກ, ມະຕິກົມການ ເມືອງສູນກາງພັກກ່ຽວກັບການ ເພີ່ມທະວີການນໍາພາຂອງພັກ ແລະ ການຄຸ້ມຄອງລັດຕໍ່ສື່ມວນຊົນໃນ ໄລຍະໃໝ່ ແລະ ແຜນພັດທະນາ ເສດຖະກິດ-ສັງຄົມຂອງລັດຖະ ບານໃນແຕ່ລະໄລຍະ ກໍຄື ການນໍາ ພາ-ຊີ້ນໍາຂອງຄະນະພັກ ແລະ ຄະ ນະນໍາກະຊວງຖະແຫລງຂ່າວ, ວັດ ທະນະທໍາ ແລະ ທ່ອງທ່ຽວ ເຊິ່ງ ໄດ້ກາຍເປັນແນວຄິດຊີ້ນໍາ, ເປັນທິດ ທາງ ແລະ ແຜນການສູ້ຊົນຂອງ ສໍານັກຂ່າວສານປະເທດລາວຕະ ຫລອດມາ, ອັນໄດ້ເຮັດໃຫ້ສໍານັກ ຂ່າວສານຄ່ອຍໆໄດ້ມີການປັບປຸງ, ຍົກສູງຄຸນນະພາບ ແລະ ພັດທະ ນາດີຂຶ້ນເປັນກ້າວໆ.

ນອກຈາກການປັບປຸງ ແລະ ຍົກ ລະດັບເນື້ອໃນແລ້ວ, ພວກເຮົາຍັງ ໄດ້ເພີ່ມຜະລິດຕະພັນໃໝ່ຕື່ມອີກ ໂດຍສະເພາະໃນວັນທີ 1 ທັນວາ ປີ 2001, ສໍານັກຂ່າວສານປະເທດ ລາວ ກໍໄດ້ສ້າງຕັ້ງ ແລະ ຈັດພິມໜັງ ສືພິມປະເທດລາວລາຍວັນ (ພາສາ ລາວ) ສະບັບທໍາອິດເປັນຂາວດໍາ ປະກອບມີ 8 ໜ້າ ແລະ ມີຍອດການ ພິມເບື້ອງຕົ້ນ 4.000 ສະບັບຕໍ່ມື້, ຂະນະທີ່ການຈັດສົ່ງຕົ້ນສະບັບເຂ້ົາ ໂຮງພິມກໍຍັງມີຄວາມຫຍຸ້ງຍາກ ຫລາຍເພາະວ່າຕ້ອງໄດ້ໃຫ້ພະນັກ ງານໄປສົ່ງເຂົ້າໂຮງພິມດ້ວຍຕົນ ເອງ, ແຕ່ໃນໄລຍະ 5-6 ປີຕໍ່ມາ ກໍໄດ້ສືບຕໍ່ພັດທະນາເນື້ອໃນຂອງ ໜັງສືພິມທ່ີອຸດົມສົມບູນ, ມີຫລາກ ຫລາຍຄໍລໍາ ກ່ຽວກັບການເມືອງ, ເສດຖະກິດ, ວັດທະນະທໍາ-ສັງຄົມ, ປກຊ-ປກສ ລວມແລ້ວມີຫລາຍ ກວ່າ 20 ຄໍລໍາ ແລະ ເພີ່ມການພິມ ເປັນ 12 ໜ້າ, ສອດສີໜ້າໜັງສືພິມ ໜ້າທໍາອິດດ້ວຍລະບົບໂປຣແກມ ຄອມພິວເຕີ ແລະ ການຈັດສົ່ງຕົ້ນ ສະບັບເຂົ້າໂຮງພິມ ດ້ວຍລະບົບເຕັກ ນິກການສື່ສານທີ່ທັນສະໄໝ.

ມາຮອດປັດຈຸບັນເນື່ອງຈາກມີ ຄວາມຫຍຸ້ງຍາກດ້ານເສດຖະກິດ ແລະ ສື່ສັງຄົມອອນລາຍມີການ ຂະຫຍາຍຕົວເຮັດໃຫ້ຈຳນວນໜ້າ ໜັງສືພິມຫລຸດລົງເປັນ 8 ໜ້າແຕ່ ຍັງຮັກສາບັນດາຄໍລໍາ ແລະ ເນື້ອ ໃນສຳຄັນຕ່າງໆໄວ້ຄືເກົ່າ.ສໍາລັບວຽກງານຂ່າວ ກໍໄດ້ດໍາ ເນີນການປັບປຸງຜະລິດຕະພັນໃບ ຂ່າວລາຍວັນດ້ວຍເນື້ອໃນທີ່ຫລາກ ຫລາຍ ແລະ ພັດທະນາໃຫ້ຂະຫຍາຍ ຕົວ ແລະ ກ້າວໄປສູ່ຄຸນນະພາບໃໝ່ ດ້ວຍການຍົກລະດັບປະລິມານ ແລະ ຄຸນນະພາບຂອງຂ່າວຂຶ້ນອີກ ບາດກ້າວໜຶ່ງ ເພື່ອສ່ອງແສງເຫດ ການຕ່າງໆທັງພາຍໃນ ແລະ ຕ່າງ ປະເທດໃຫ້ກວ້າງຂວາງເລິກເຊິ່ງ ມີເນື້ອໃນໜັກແໜ້ນ ແລະ ວ່ອງ ໄວ, ທັນເຫດການ ແລະ ຊັດເຈນ, ຕອບສະໜອງຂໍ້ມູນຂ່າວສານດ້ານ ເຕັກນິກ-ວິທະຍາສາດ, ວິທະຍາ ການ ແລະ ອື່ນໆ ທັງຢູ່ພາຍໃນ ແລະ ສາກົນຢ່າງເໝາະສົມ, ຖືກຕ້ອງ ຕາມແນວທາງນະໂຍບາຍຂອງ ພັກ-ລັດ ໃນແຕ່ລະໄລຍະໃຫ້ແກ່ບັນ ດາສື່ຕ່າງໆ ແລະ ມວນຊົນຕາມພາ ລະບົດບາດຂອງສໍານັກຂ່າວສານ ປະເທດລາວ, ທັງສ້າງເງື່ອນໄຂ ໃຫ້ບັນດາແຂວງໃນທົ່ວປະເທດໄດ້ ຮັບຂໍ້ມູນຂ່າວສານຕ່າງໆໃນແຕ່ລະ ວັນ. ນອກຈາກນັ້ນ, ສໍານັກຂ່າວ ສານປະເທດລາວ ຍັງໄດ້ມີການພັດ ທະນາຍົກລະດັບການພິມຈາກພິມ ເປັນໃບຂ່າວພາສາຕ່າງປະເທດ KPL News ມາເປັນໜັງສືພິມລາຍ ວັນ (ພາສາອັງກິດ ແລະ ຝຣັ່ງ) ດ້ວຍຍອດການພິມເບື້ອງຕົ້ນ 300 ສະບັບຕໍ່ມື້ ແລະ ຕໍ່ມາໃນປີ 2012 ກໍໄດ້ພັດທະນາຂຶ້ນດ້ວຍການເພີ່ມ ການພິມສອດສີໜ້າທໍາອິດ. ເຖິງ ຢ່າງໃດກໍດີໂດຍອີງໃສ່ກະແສຟອງ ຂອງການພັດທະນາທີ່ກ້າວກະໂດດ ຂອງສ່ືສັງຄົມອອນລາຍ ເຊິ່ງໄດ້ ເຮັດໃຫ້ໜັງສືພິມກໍຄືສິ່ງພິມອັນເປັນ ສື່ແບບເກົ່າໃນທົ່ວໂລກຫລາຍສະ ບັບຈຳເປັນຕ້ອງຢຸດຕິການພິມ ແລະ ຫັນສູ່ການເຜີຍແຜ່ຂໍ້ມູນຂ່າວສານ ຜ່ານສື່ໃໝ່, ສິ່ງພິມ ກໍຄື ໜັງສືພິມ ໃນລາວເຮົາກໍໄດ້ຮັບຜົນສະທ້ອນ ຈາກສະພາບພາຍນອກດັ່ງກ່າວ ແລະ ອີງໃສ່ເງື່ອນໄຂຕົວຈິງຜູ້ອ່ານພາຍໃນ ກໍຫັນມາຮັບຂໍ້ມູນຂ່າວສາ ນຜ່ານສື່ແບບໃໝ່ ຫລື ສື່ອອນລາຍ, ດັ່ງນັ້ນມາຮອດປີ 2017 ຂປລ ກໍໄດ້ ຢຸດຕິການພິມໜັງສືພິມພາສາຝຣັ່ງ ແລະ ພາສາອັງກິດ KPL News ມາສູ່ການກະຈາຍຂ່າວຜ່ານເວັບ ໄຊ ກໍຄື ຜ່ານຊ່ອງທາງອອນລາຍ ແທນຈົນມາເຖິງປັດຈຸບັນ.

ສັງລວມແລ້ວ, ນັບແຕ່ມື້ສ້າງ ຕັ້ງເປັນຕົ້ນມາສໍານັກຂ່າວສານ ປະເທດລາວ ໄດ້ດໍາເນີນການປັບ ປຸງ ແລະ ພັດທະນາຜະລິດຕະພັນ ມາໂດຍຕະຫລອດ ເຊິ່ງມີຜະລິດຕະ ພັນທັງໝົດຄື: ໃບຂ່າວລາຍວັນ, ໃບຂ່າວຄົ້ນຄວ້າລາຍວັນ, ໜັງສືພິມ ປະເທດລາວລາຍວັນ, ວາລະສານ ປະເທດລາວ, ໜັງສືພິມພາສາຕ່າງ ປະເທດ KPL News. ມາຮອດ ປັດຈຸບັນອີງໃສ່ສະພາບການໃໝ່ ເພື່ອຕອບສະໜອງກັບຄວາມຮຽກ ຮ້ອງຕ້ອງການຂອງຜູ້ອ່ານ, ບັນ ດາຜະລິດຕະພັນສ່ິງພິມສ່ວນຫລາຍ ຂອງ ຂປລ ແມ່ນໄດ້ຫັນສູ່ການເຜີຍ ແຜ່ຜ່ານຊ່ອງທາງອອນລາຍ, ເວັບ ໄຊ, ເຟສບຸກ, ຢູທູບ, ຍັງຮັກສາໄວ້ ແຕ່ໜັງສືພິມປະເທດລາວລາຍວັນ ພ້ອມນີ້, ຍັງມີວິດີໂອອອນລາຍ (ລາຍການເວທີມະຫາຊົນ ແລະ ລາຍການໄປຫາມາບອກ) ທີ່ເຜີຍ ແຜ່ຂໍ້ມູນຂ່າວສານທາງຢູທູບ, ເຟສ ບຸກ ປະເທດລາວ Pathedlao ແລະ ອື່ນໆ ບົນພື້ນຖານແຫ່ງການພັດທະ ນາຫັນເປັນທັນສະໄໝ ແລະ ການ ຂະຫຍາຍຕົວຂອງເຕັກໂນໂລຊີ ໃນ ຍຸກສະໄໝແຫ່ງໂລກາພິວັດ.

ໄລຍະຂອງການຈັດຕ້ັງປະຕິບັດ ແນວທາງປ່ຽນແປງໃໝ່ ຂປລ ໄດ້ ເປັນເຈ້ົາການປະຕິບັດແນວທາງ, ນະໂຍບາຍຂອງພັກ ແລະ ລັດຖະ ບານໃນວຽກງານການຕ່າງປະເທດ ແບບສະເໝີພາບ ແລະ ຕ່າງຝ່າຍ ຕ່າງມີຜົນປະໂຫຍດ ໂດຍໄດ້ປັບ ປຸງ ແລະ ຂະຫຍາຍການພົວພັນ ຮ່ວມມື, ແລກປ່ຽນບົດຮຽນ ແລະ ຊ່ວຍເຫລືອເຊິ່ງກັນ ແລະ ກັນ ທາງດ້ານວິຊາການກັບສໍານັກຂ່າວ ສານຂອງບັນດາປະເທດເພ່ືອນມິດ ຍຸດທະສາດ, ບັນດາປະເທດເພ່ືອນ ບ້ານໃກ້ຄຽງ, ບັນດາປະເທດເພື່ອນ ມິດໃນຂົງເຂດ ແລະ ໃນໂລກດ້ວຍ ການໄປມາຫາສູ່ຢ້ຽມຢາມ, ແລກ ປ່ຽນບົດຮຽນດ້ານວິຊາການເຊິ່ງ ບາງປະເທດ ກໍໄດ້ເຊັນສັນຍາຮ່ວມ ມືຊ່ວຍເຫລືອເຊິ່ງກັນ ແລະ ກັນ ທາງດ້ານວັດຖຸ-ເຕັກນິກ, ການແລກ ປ່ຽນຂ່າວສານນຳກັນ ກໍ່ຄື ກິດຈະ ການອື່ນໆ ຢ່າງກວ້າງຂວາງເປັນ ຕົ້ນແມ່ນສໍານັກຂ່າວສານ (VNA) ຂອງຫວຽດນາມ, ທ່ີເປັນເພ່ືອນມິດ ເກ່ົາແກ່ກວ່າໝູ່ໝົດ, ເຄີຍໄດ້ຊ່ວຍ ເຫລືອເກ້ືອກຸນກັນແບບພິເສດທາງ ດ້ານວິຊາການຂ່າວສານມາແຕ່ສະ ໄໝສົງຄາມ. ສໍາລັບສໍານັກຂ່າວ ສານຊິນຮວາຂອງ ສປ ຈີນ ແລະ ສໍານັກຂ່າວສານຕາສຂອງອະດີດ ສະຫະພາບໂຊວຽດ ກ່ໍເປັນສອງສໍາ ນັກຂ່າວສານໃຫຍ່ລະດັບໂລກ ເປັນ ເພ່ືອນມິດທ່ີດີນໍາກັນ, ໄດ້ໃຫ້ການ ຊ່ວຍເຫລືອທາງດ້ານວັດຖຸ-ເຕັກ ນິກ, ບົດຮຽນດ້ານວິຊາການ ແລະ ເປັນແຫລ່ງຂ່າວທ່ີເຊ່ືອຖືຂອງສໍາ ນັກຂ່າວສານພວກເຮົາຕະຫລອດ ມາ. ພ້ອມກັນນ້ັນ ຂປລ ຍັງໄດ້ພົວ ພັນຮ່ວມມືກັບສໍານັກຂ່າວສານປະ ເທດເພ່ືອນມິດອື່ນໆຕື່ມອີກ.

KPL