ຂປລ
ຂປລ. ກະຊວງສຶກສາທິການ ແລະ ກິລາ ສປປ ລາວ ຮ່ວມກັບລັດຖະບານອົດສະຕຣາລີ ໂດຍຜ່ານແຜນງານ ການປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງ ການສຶກສາຂັ້ນພື້ນຖານໃນ ສປປ ລາວ (ແຜນງານບີຄວາ) ຈັດພິທີລະນຶກ ວັນຄົນພິການສາກົນ ພາຍໃຕ້ຫົວຂໍ້ “ເພີ່ມທະວີຄວາມເປັນຜູ້ນຳ ຂອງຜູ້ທີ່ມີຄວາມເປັນພິການ ເພື່ອອະນາຄົດທີ່ມີການລວມເອົາພວກເຂົາ ແລະ ອະນາຄົດທີ່ຍືນຍົງ” ຂຶ້ນໃນວັນທີ 18 ທັນວາ 2024 ທີ່ນະຄອນຫລວງວຽງຈັນ ເພື່ອເປັນການລະນຶກ ເຖິງວັນຄົນພິການສາກົນ ແລະ ເພື່ອສະແດງໃຫ້ເຫັນເຫັນເຖິງຜົນສຳເລັດ ຂອງການຮ່ວມມື ໃນຂະແໜງການສຶກສາ ຂອງ ສປປ ລາວ.
ຂປລ. ກະຊວງສຶກສາທິການ ແລະ ກິລາ ສປປ ລາວ ຮ່ວມກັບລັດຖະບານອົດສະຕຣາລີ ໂດຍຜ່ານແຜນງານ ການປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງ ການສຶກສາຂັ້ນພື້ນຖານໃນ ສປປ ລາວ (ແຜນງານບີຄວາ) ຈັດພິທີລະນຶກ ວັນຄົນພິການສາກົນ ພາຍໃຕ້ຫົວຂໍ້ “ເພີ່ມທະວີຄວາມເປັນຜູ້ນຳ ຂອງຜູ້ທີ່ມີຄວາມເປັນພິການ ເພື່ອອະນາຄົດທີ່ມີການລວມເອົາພວກເຂົາ ແລະ ອະນາຄົດທີ່ຍືນຍົງ” ຂຶ້ນໃນວັນທີ 18 ທັນວາ 2024 ທີ່ນະຄອນຫລວງວຽງຈັນ ເພື່ອເປັນການລະນຶກ ເຖິງວັນຄົນພິການສາກົນ ແລະ ເພື່ອສະແດງໃຫ້ເຫັນເຫັນເຖິງຜົນສຳເລັດ ຂອງການຮ່ວມມື ໃນຂະແໜງການສຶກສາ ຂອງ ສປປ ລາວ.
ທ່ານ ສໍາລານ ພັນຄະວົງ ຮອງລັດຖະມົນຕີ ກະຊວງສຶກສາທິການ ແລະ ກິລາ ໄດ້ກ່າວວ່າ: ການຈັດກິດຈະກຳໃນຄັ້ງນີ້ ຈຸດປະສົງເພື່ອຮັດແໜ້ນການຮ່ວມມື ລະຫວ່າງບັນດາພາກສ່ວນຂອງ ຂະແໜງການສຶກສາ ແລະ ບັນດາຜູ້ມີສ່ວນຮ່ວມທີ່ສຳຄັນ ເພື່ອພັດທະນາການສຶກສາຮຽນຮ່ວມ ໃນ ສປປ ລາວ ໃຫ້ມີຄວາມກ້າວໜ້າ ແລະ ເຊື່ອໝັ້ນວ່າຜູ້ເຂົ້າຮ່ວມ ຈະຊ່ວຍກັນລົບລ້າງບັນດາອຸປະສັກ ແລະ ສົ່ງເສີມການເຂົ້າເຖິງການສຶກສາ ທີ່ມີຄຸນນະພາບຢ່າງເທົ່າທຽມກັນ ສຳລັບຄົນພິການ ທີ່ຢູ່ ສປປ ລາວ, ເຊິ່ງ
ກະຊວງສຶກສາທິການ ແລະ ກິລາ ຮ່ວມກັບລັດຖະບານອົດສະຕຣາລີ ມຸ່ງໝັ້ນທີ່ຈະສົ່ງເສີມລະບົບ ການສຶກສາ ທີ່ສາມາດເຂົ້າເຖິງໄດ້ ແລະ ເໝາະສົມສຳລັບນັກຮຽນທຸກຄົນ, ສົ່ງເສີມຜູ້ວາງນະໂຍບາຍ ແລະ ຜູ້ເຮັດວຽກໃນວຽກງານນີ້ ຂອງຂະແໜງການສຶກສາ ເຂົ້າໃຈຢ່າງເລິກເຊິ່ງ ກ່ຽວກັບຄວາມຕ້ອງການ ແລະ ສິດທິຂອງຄົນພິການ ພ້ອມທັງຈັດຕັ້ງປະຕິບັດນະໂຍບາຍ ໃຫ້ເປັນຮູບປະທຳ ເພື່ອການພັດທະນາ ໂຮງຮຽນ.
ທ່ານ ນາງ ເບັນນິຕາ ຊຳເມີວິວ ຮອງເອກອັກຄະລັດຖະທູດ ອົດສະຕຣາລີ ປະຈຳ ສປປ ລາວ ໄດ້ກ່າວວ່າ: ການສົ່ງເສີມສິດຂອງຄົນພິການ ແມ່ນສະທ້ອນເຖິງນະໂຍບາຍ ຂອງລັດຖະບານອົດສະຕຣາລີ ທີ່ໄດ້ໃຫ້ຄວາມສຳຄັນຕໍ່ວຽກງານດັ່ງກ່າວ, ຍຸດທະສາດຄວາມສະເໝີພາບ ດ້ານຄວາມພິການ ແລະ ສິດທິສາກົນ ສະບັບໃໝ່ຂອງອົດສະຕຣາລີ ໄດ້ເລີ່ມຈັດຕັ້ງປະຕິບັດໃນວັນທີ 28 ພະຈິກ 2024, ເຊິ່ງເປັນການຫັນປ່ຽນຈຸດສຸມຂອງພວກເຮົາ ຈາກການລວມເອົາຄວາມພິການ ໄປສູ່ຄວາມສະເໝີພາບ ຂອງຄວາມພິການ ແລະ ສິດທິ ພ້ອມທັງວາງແນວທາງການຮ່ວມມື ກັບຄົນພິການເປັນຈຸດໃຈກາງ ຂອງການຮ່ວມມືລະດັບສາກົນ. ຄູເປັນກຸນແຈໃນການເຮັດໃຫ້ຫ້ອງຮຽນ ທີ່ມີການສຶກສາຮຽນຮ່ວມ ເພື່ອຮັບປະກັນ ໃຫ້ນັກຮຽນທຸກຄົນສາມາດເຕີບໃຫຍ່, ລັດຖະບານອົດສະຕຣາລີ ຈະສະໜັບສະໜູນ ສສກ ແລະ ຄູ່ຮ່ວມພັດທະນາ ໂດຍໃຫ້ບຸລິມະສິດ ເພື່ອສະໜອງເຄື່ອງມື, ສື່ການຮຽນການສອນ ແລະ ການຝຶກອົບຮົມທີ່ຈຳເປັນແກ່ ຄູ ເພື່ອສະໜັບສະໜູນ ນັກຮຽນພິການ ຢ່າງມີປະສິດທິພາບ. ໃນນີ້, ຍັງລວມມີ ການເຊື່ອມໂຍງບົດຮຽນ ຫລັກສູດຄູໃນວິທະຍາໄລຄູ ໃຫ້ລວມເອົາການສຶກສາຮຽນຮ່ວມ ແລະ ຫລັກສູດ ສຳລັບຄູປະຈຳການຕື່ມອີກ. ລັດຖະບານອົດສະຕຣາລີ ໃຫ້ຄຳໝັ້ນສັນຍາ ຈະສະໜັບສະໜູນ ກະຊວງ ສຶກສາ ເພື່ອລຶບລ້າງສິ່ງເປັນອຸປະສັກດ້ານການສຶກສາ, ການສ້າງຈິດສໍານຶກ ກ່ຽວກັບອຸປະສັກ ທີ່ນັກຮຽນພິການຜະເຊີນ ແລະ ສະໜອງຍຸດທະສາດທີ່ຊັດເຈນ ເພື່ອແກ້ໄຂສິ່ງທ້າທາຍເຫລົ່ານີ້ ແມ່ນວຽກງານສໍາຄັນ. KPL
