ຂປລ
ຂປລ. ການແຂ່ງຂັນກິລາມະຫະກຳ ນັກຮຽນມັດທະຍົມສຶກສາທົ່ວປະເທດ ຄັ້ງທີ 7 ທີ່ແຂວງສາລະວັນ ເປັນເຈົ້າພາບຂອງວັນທີ 14 ທັນວາ 2024 ມີການຊີງຫລຽນສອງປະເພດກິລາຄື: ກິລາເປຕັງ ແລະ ກິລາໜ້າເກັກ.
ຂປລ. ການແຂ່ງຂັນກິລາມະຫະກຳ ນັກຮຽນມັດທະຍົມສຶກສາທົ່ວປະເທດ ຄັ້ງທີ 7 ທີ່ແຂວງສາລະວັນ ເປັນເຈົ້າພາບຂອງວັນທີ 14 ທັນວາ 2024 ມີການຊີງຫລຽນສອງປະເພດກິລາຄື: ກິລາເປຕັງ ແລະ ກິລາໜ້າເກັກ. ໃນນັ້ນ, ກິລາປະເພດເປຕັງດ່ຽວຍິງ ຫລຽນຄຳແມ່ນ ນາງ ຈິຕ້າ ທິບຄໍາມາ ຈາກແຂວງສະຫວັນນະເຂດ ສຳລັບເປຕັງດ່ຽວຊາຍ ຫລຽນຄຳແມ່ນ ທ້າວ ຄີມຜາຫລວງ ຈັນທະຈອນ ຈາກນະ ຄອນຫລວງວຽງຈັນ
ສຳລັບກິລາປະເພດໜ້າເກັກ ຫລຽນຄຳ ຕົກເປັນຂອງທີມນັກກິລາຈາກ ແຂວງຊຽງຂວາງ ປະເພດທີມຊາຍໄລຍະ 20 ແມັດຄື: ທ້າວ ບີ ຢ່າງ, ທ້າວ ເຈັ້ງທໍ່ ເນັ້ງວາງ ແລະ ທ້າວ ຕູ້ເຢີທໍ່ ຈິດຕະວົງ ແລະ ປະເພດທີມໄລຍະ 15 ແມັດ ໄດ້ແກ່ ທ້າວ ໃນ ຄຳບຸນເຮືອງ, ທ້າວ ຈັນສະໝອນ ກັນຫາຊາດ ແລະ ທ້າວ ຈັນ ມູນເທບ ຈາກແຂວງຈຳປາສັກ.
ໃນ 4 ຫລຽນຄຳທີ່ກ່າວມາຂັ້ນເທິງນັ້ນ ເປັນຫລຽນຄຳທຳອິດ ຂອງແຕ່ລະແຂວງ ທີ່ໄດ້ແຂ່ງຂັນຊີງຫລຽນ ຂອງວັນທີ 14 ທັນວາ 2024.
ບົດ+ພາບ ໂດຍ: ຢ່າຕົ່ງ
KPL
