ຂປລ
ຂປລ. ແຫລ່ງຂ່າວຈາກ ແຂວງຜົ້ງສາລີ ໃຫ້ຮູ້ວ່າ: ໃນລະຫວ່າງວັນທີ 12-13 ທັນວາ 2024 ທີ່ແຂວງຜົ້ງສາລີ, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ພ້ອມຄະນະຜູ້ແທນທີ່ເຂົ້າຮ່ວມ ເທສະການອາຫານເຜົ່າ ແລະ ດື່ມນໍ້າຊາ ເພື່ອສົ່ງເສີມ ປີທ່ອງທ່ຽວລາວ 2024, ມະຫະກຳກິລາໂຍນໝາກຄອນ 3 ແຈປະເທດ (ລາວ-ຫວຽດນາມ-ຈີນ) ຄັ້ງທີ 8 ທີ່ແຂວງຜົ້ງສາລີ ໄດ້ລົງຢ້ຽມຢາມ ແລະ ທ່ຽວຊົມແຫລ່ງທ່ອງທ່ຽວທີ່ສຳຄັນຕ່າງໆ ໃນເມືອງຜົ້ງສາລີ ເປັນຕົ້ນ ສວນຊາຫລາຍກວ່າ 400 ປີ ແຂວງຜົ້ງສາລີ.
ຂປລ. ແຫລ່ງຂ່າວຈາກ ແຂວງຜົ້ງສາລີ ໃຫ້ຮູ້ວ່າ: ໃນລະຫວ່າງວັນທີ 12-13 ທັນວາ 2024 ທີ່ແຂວງຜົ້ງສາລີ, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ພ້ອມຄະນະຜູ້ແທນທີ່ເຂົ້າຮ່ວມ ເທສະການອາຫານເຜົ່າ ແລະ ດື່ມນໍ້າຊາ ເພື່ອສົ່ງເສີມ ປີທ່ອງທ່ຽວລາວ 2024, ມະຫະກຳກິລາໂຍນໝາກຄອນ 3 ແຈປະເທດ (ລາວ-ຫວຽດນາມ-ຈີນ) ຄັ້ງທີ 8 ທີ່ແຂວງຜົ້ງສາລີ ໄດ້ລົງຢ້ຽມຢາມ ແລະ ທ່ຽວຊົມແຫລ່ງທ່ອງທ່ຽວທີ່ສຳຄັນຕ່າງໆ ໃນເມືອງຜົ້ງສາລີ ເປັນຕົ້ນ ສວນຊາຫລາຍກວ່າ 400 ປີ ແຂວງຜົ້ງສາລີ.
ບ້ານກໍແມນ ເມືອງຜົ້ງສາລີ ຫ່າງຈາກເທສະບານແຂວງ 15 ກິໂລແມັດ, ເປັນບ້ານທີ່ມີປະຫວັດ ການປູກຊາລ້ຽງຊີບມາແຕ່ດຶກດໍາບັນ ຕາມການບອກເລົ່າຂອງຜູ້ອາວຸໂສ ໃນສະໄໝກ່ອນ ບອກວ່າບ້ານກໍແມນ ມີຊື່ວ່າ (ບ້ານລຸງຈິງ) ນັບແຕ່ມື້ສ້າງຕັ້ງມາເຖິງປັດຈຸບັນໄດ້ 7 ຊົ່ວຄົນແລ້ວ ແລະ ໄດ້ປຽບທຽບອາຍຸຂອງຕົ້ນຊາ ທີ່ປູກພ້ອມກັບ ການສ້າງຕັ້ງບ້ານແມ່ນມີ ອາຍຸປະມານ 400 ກວ່າປີ. ສະນັ້ນ, ປະຊາຊົນ ຈຶ່ງເອີ້ນກັນວ່າ ກົກຊາ 400 ປີ ຈົນມາເຖິງທຸກວັນນີ້ ຊຶ່ງເປັນກົກຊາທີ່ມີອາຍຸຍືນຍາວ. ປັດຈຸບັນ ເນື້ອທີ່ປູກຕົ້ນຊາ 400 ປີ ມີທັງໜົດ 32 ກວ່າເຮັກຕາ, ມີ 48.373 ຕົ້ນ, ຊຶ່ງການປູກຊາ, ຂາຍຊາ ຈຶ່ງເປັນອາຊີບຕົ້ນຕໍທີ່ສ້າງລາຍຮັບ ໃຫ້ປະຊາຊົນພາຍໃນບ້ານໄດ້ເປັນຢ່າງດີ.
ພ້ອມນີ້, ຄະນະດັ່ງກ່າວ ຍັງໄດ້ທ່ຽວຊົມພູຟ້າ ຈຸດຊົມວີວຂອງເມືອງຜົ້ງສາລີ ເປັນພູທີ່ສວຍສົດງົດງາມ, ຕັ້ງຢູ່ທິດຕາເວັນອອກສ່ຽງເໜືອ ຂອງຕົວເມືອງຜົ້ງສາລີ, ພູຟ້າມີຄວາມສູງ 1.625 ແມັດ ທຽບຈາກໜ້ານ້ຳທະເລ, ມີຂັ້ນໄດຂຶ້ນ 863 ຂັ້ນ ແລະ ມີເນື້ອທີ່ທັງໜົດ 200 ເຮັກຕາ, ເປັນພູທີ່ອຸດົມສົມບູນ ເຕັມໄປດ້ວຍປ່າໄມ້ ແລະ ກາບໄຫວ້ ພະທາດມິ່ງຂວັນພູຟ້າ ພ້ອມນີ້, ຍັງໄດ້ໄປທ່ຽວຊົມບ້ານ, ເຮືອນເກົ່າແກ່ທີ່ສ້າງແຕ່ປີ 1961ຢູ່ເຂດເທສະບານເກົ່າຂອງເມືອງຜົ້ງສາລີຕື່ມອີກ.
ຂ່າວ-ພາບ: ແສງຄຳ ສາລີວັນ
KPL
