ຂປລ
ທ່ານ ອິນທີ ຈັນປະເສີດເຮີ ວ່າການຫົວໜ້າພະແນກສຶກສາທິການ ແລະ ກິລາ ແຂວງໄຊຍະບູລີ ໄດ້ໃຫ້ສຳພາດຕໍ່ສື່ມວນຊົນໃນໂອກາດນຳພາທັບນັກກິລາ ເຂົ້າຮ່ວມການແຂ່ງຂັນມະຫະກຳ ກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 7 ທີ່ແຂວງສາລະວັນເປັນເຈົ້າພາບວ່າ: ສໍາລັບແຂວງໄຊຍະບູລີໄດ້ເຂົ້າຮ່ວມແຂ່ງຂັນ 7 ປະເພດກິລາ, ມີນັກກິລາ ແລະ ຄູຝຶກເຂົ້າຮ່ວມກວ່າ 100 ຄົນ ເຊິ່ງການເຂົ້າຮ່ວມການແຂ່ງ ຂັນຄັ້ງນີ້, ສຳລັບແຂວງໄຊຍະບູລີ ກໍ່ໄດ້ຕັ້ງເປົ້າສູ້ຊົນຍາດຫລຽນຄຳຢ່າງໜ້ອຍໃຫ້ໄດ້ 5 ຫລຽນຄໍາຂຶ້ນໄປ.
*ທ່ານ ອິນທີ ຈັນປະເສີດເຮີ ວ່າການຫົວໜ້າພະແນກສຶກສາທິການ ແລະ ກິລາ ແຂວງໄຊຍະບູລີ ໄດ້ໃຫ້ສຳພາດຕໍ່ສື່ມວນຊົນໃນໂອກາດນຳພາທັບນັກກິລາ ເຂົ້າຮ່ວມການແຂ່ງຂັນມະຫະກຳ ກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 7 ທີ່ແຂວງສາລະວັນເປັນເຈົ້າພາບວ່າ: ສໍາລັບແຂວງໄຊຍະບູລີໄດ້ເຂົ້າຮ່ວມແຂ່ງຂັນ 7 ປະເພດກິລາ, ມີນັກກິລາ ແລະ ຄູຝຶກເຂົ້າຮ່ວມກວ່າ 100 ຄົນ ເຊິ່ງການເຂົ້າຮ່ວມການແຂ່ງຂັນຄັ້ງນີ້, ສຳລັບແຂວງໄຊຍະບູລີ ກໍ່ໄດ້ຕັ້ງເປົ້າສູ້ຊົນຍາດຫລຽນຄຳຢ່າງໜ້ອຍໃຫ້ໄດ້ 5 ຫລຽນຄໍາຂຶ້ນໄປ, ສໍາລັບກິລາເປົ້າໝາຍຫລຽນຄຳຂອງແຂວງ ແມ່ນກິລາແລ່ນ-ລານ, ກິລາດອກປີກໄກ່, ໜ້າເກັກ ແລະ ກິລາບານສົ່ງ. ແນວໃດກໍ່ຕາມກ່ອນຈະມາຮ່ວມແຂ່ງຂັນກິລາຄັ້ງນີ້, ກໍ່ໄດ້ມີການຝຶກແອບນັກກິລາແຕ່ລະປະເພດກຽມພ້ອມທຸກດ້ານ ໃນດ້ານເຕັກນິກການແຂ່ງຂັນ, ນໍ້າໃຈກິລາ, ຄຸນສົມບັດ, ຮູ້ເສຍ ຮູ້ຊະນະ ແລະ ໃຫ້ອະໄພເຊິ່ງກັນ ແລະ ກັນ.
ທ່ານ ຈັນສອນ ແກ້ວມະນີວົງ ຮອງຫົວໜ້າພະແນກສຶກສາທິການ ແລະ ກິລາ ຜູ້ຊີ້ນຳວຽກງານກິລາ ສິລະປະແຂວງວຽງຈັນ ກໍ່ໃຫ້ສໍາພາດຕໍ່ສື່ມວນຊົນວ່າ: ສໍາລັບແຂວງວຽງຈັນ ໄດ້ສົ່ງຂະບວນຄະນະນຳ, ຄູຝຶກ ນັກກິລາເຂົ້າຮ່ວມງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ VII ກວ່າ 200 ຄົນ.ໃນນັ້ນ, ໄດ້ສົ່ງຮ່ວມແຂ່ງຂັນ 8 ປະເພດກິລາ ເຊິ່ງຄວາມຫວັງຂອງແຂວງວຽງຈັນ ແມ່ນຍາດໃຫ້ໄດ້ 5 ຫລຽນຄໍາ ຫລື ຢູ່ໃນອັນດັບທີ 10 ຂອງຕາຕະລາງ. ສໍາລັບກິລາທີ່ຕັ້ງເປົ້າຫລຽນຄຳຂອງແຂວງວຽງຈັນ ແມ່ນກິລາເປຕັງ, ແລ່ນ-ລານ, ໝາກແຫລ້, ເທຄວັນໂດ. ຢ່າງໃດກໍ່ດີກ່ອນຈະເຂົ້າມາຮ່ວມການແຂ່ງຂັນໃນຄັ້ງນີ້, ແມ່ນໄດ້ມີການຝຶກຊ້ອມຢ່າງຄັກແນ ຢູ່ພາຍໃນແຂວງ ແລະ ຢູ່ໂຮງຮຽນພອນສະຫວັນ ສີເກີດ ນະຄອນຫລວງວຽງຈັນ ເຮັດໃຫ້ນັກກິລາມີຄວາມພ້ອມເຕັມທີ່ໃນການແຂ່ງຂັນຄັ້ງນີ້.
ບົດ+ພາບໂດຍ: ຢ່າຕົ່ງ
KPL
