ຂປລ
ທີມນັກເຕະບານນັກຮຽນຊາຍ ເຈົ້າພາບ ແຂວງສາລະວັນ ບໍ່ເຮັດໃຫ້ແຟນບານພັນແທ້ລູກຫລານອົງແກ້ວອົງກົມມະດຳຜິດຫວັງ ທີ່ຫລັ່ງໄຫລເຂົ້າມາຊົມມາເຊຍກັນເຕັມຂອບສະໜາມ ດ້ວຍການຍິງຈຸດໂທດເອົາຊະນະທີມນະຄອນຫລວງວຽງຈັນ ໄປໄດ້ 5-3 ປະຕູຫລັງໃນເວລາ 90 ນາທີ.
*ທີມນັກເຕະບານນັກຮຽນຊາຍ ເຈົ້າພາບ ແຂວງສາລະວັນ ບໍ່ເຮັດໃຫ້ແຟນບານພັນແທ້ລູກຫລານອົງແກ້ວອົງກົມມະດຳຜິດຫວັງ ທີ່ຫລັ່ງໄຫລເຂົ້າມາຊົມມາເຊຍກັນເຕັມຂອບສະໜາມ ດ້ວຍການຍິງຈຸດໂທດເອົາຊະນະທີມນະຄອນຫລວງວຽງຈັນ ໄປໄດ້ 5-3 ປະຕູຫລັງໃນເວລາ 90 ນາທີ ທັງສອງທີມເຮັດໄດ້ພຽງສະເໝີກັນ 1-1 ເຮັດໃຫ້ເຈົ້າພາບ ຜ່ານເຂົ້າສູ່ຮອບຮອງຊະນະເລີດພົບກັບທີມ ແຂວງສະຫວັນນະເຂດ ທີ່ເອົາຊະນະຈຸດໂທດ ແຂວງບໍ່ແກ້ວ5-4 ປະຕູຫລັງສະເໝີກັນ 1-1ໃນການແຂ່ງຂັນມະຫະກຳກິລານັກຮຽນມັດທະຍົມສຶກສາທົ່ວປະເທດຄັ້ງທີ7ໃນວັນທີ 17ທັນວາ 2024ນີ້.
ຂະນະທີ່ການແຂ່ງຂັນອີກຄູ່ໃນເວລາດຽວກັນ ທີ່ສະໜາມກິລາ ມສ ຊົນເຜົ່າແຂວງສາລະວັນ, ແຂວງອັດຕະປື ຍິງຈຸດໂທດເອົາຊະນະ ແຂວງຫລວງພະບາງ 10-9 ຜ່ານເຂົ້າສູ່ຮອບຮອງຊະນະເລີດ ໄປພົບກັບ ແຂວງຄຳມ່ວນ.
ສຳລັບຕາຕະລາງການແຂ່ງຂັນເຕະບານຊາຍຢູ່ແຂວງສາລະວັນ ຮອບຮອງຊະນະເລີດ ຈະມີຂຶ້ນໃນວັນທີ 19 ທັນວາ 2024 ທີ່ສະໜາມກິລາໃໝ່ຂອງແຂວງສາລະວັນ.
ພາບ-ຂ່າວໂດຍ: ຢ່າຕົ່ງ
KPL
