ຂປລ
ອິນໂນເນເຊຍ ໄດ້ຈັດວາງແຜນການຍ້າຍ ນະຄອນຫລວງຈາກ ຈາກາຕາ ໄປທີ່ ນູຊານຕາຣາ ຂອງແຂວງ ກາລີມັນຕັນຕາເວັນອອກ ໃນປີ 2028.ປັດຈຸບັນ, ນູຊານຕາຣາ ທີ່ຈະເປັນທີ່ຕັ້ງ ນະຄອນຫລວງ ແຫ່ງໃໝ່ ພວມຢູ່ໃນການກໍ່ສ້າງ,ພື້ນຖານ ໂຄງລ່າງ ສຳຄັນ ມີຄວາມຄືບໜ້າ ຢ່າງຫລວງຫລາຍແລ້ວ,
ຂປລ.ວິທະຍຸ ສາກົນ ແຫ່ງ ສປ ຈີນ, ຫົວໜ້າ ຫ້ອງການ ຖະແຫລງຂ່າວ ປະທານາທິບໍດີ ອິນໂດເນເຊຍ ກ່າວວ່າ: ອິນໂນເນເຊຍ ໄດ້ຈັດວາງແຜນການຍ້າຍ ນະຄອນຫລວງຈາກ ຈາກາຕາ ໄປທີ່ ນູຊານຕາຣາ ຂອງແຂວງ ກາລີມັນຕັນຕາເວັນອອກ ໃນປີ 2028.ປັດຈຸບັນ, ນູຊານຕາຣາ ທີ່ຈະເປັນທີ່ຕັ້ງ ນະຄອນຫລວງ ແຫ່ງໃໝ່ ພວມຢູ່ໃນການກໍ່ສ້າງ,ພື້ນຖານ ໂຄງລ່າງ ສຳຄັນ ມີຄວາມຄືບໜ້າ ຢ່າງຫລວງຫລາຍແລ້ວ,ໃນນັ້ນ ລວມທັງ ສຳນັກງານ ກະຊວງປ້ອງກັນປະເທດ, ອົງການ ສືບຂ່າວ ແຫ່ງຊາດ ພ້ອມດ້ວຍ ສຳນັກງານໃຫຍ່ ການທະຫານ ແລະ ຕຳຫລວດ ເປັນຕົ້ນ. ພາຍຫລັງ ວັນທີ 19 ພະຈິກ, ສະພາແຫ່ງຊາດ ອິນໂດເນເຊຍ ໄດ້ຮັບຮອງເອົາ ມະຕິ ຍົກເລີກ ຖານະ ຈາກາຕາ ເປັນນະຄອນຫລວງ ແລະ ຈັດຈາກາຕາ ເປັນເຂດພິເສດ, ຕົກລົງຍ້າຍ ນະຄອນຫລວງ ໄປທີ່ນູຊານຕາຣາ. ສ່ວນນະຄອນ ຈາກາຕາ ຈະຄ່ອຍໆຫັນ ຈາກນະຄອນຫລວງ ເປັນເຂດພິເສດ. ເຖິງວ່າຕໍ່ໄປຈາກາຕາ ຈະບໍ່ແມ່ນ ນະຄອນຫລວງອີກ, ແຕ່ຍັງ ຈະຍັງຄົງ ເປັນສູນເສດຖະກິດ ແລະ ວັດທະນະທຳ ຍັງຈະມີຄວາມດຶງດູດ ດ້ານຍຸດທະສາດ ແລະ ຍັງມີຖານະສຳຄັນ ໃນວຽກງານ ແຫ່ງຊາດ ຂອງອິນໂດເນເຊຍ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
