ຂປລ
ຈຳນວນ ຄູ່ແຕ່ງງານໃໝ່ ໃນສ.ເກົາຫລີ ຫລຸດລົງ ຕໍ່າກວ່າ 1 ລ້ານຄູ່ ເປັນຄັ້ງທຳອິດເມື່ອປີກາຍ ແລະ ເກືອບຄຶ່ງໜຶ່ງບໍ່ມີລູກ. ໂດຍຂໍ້ມູນຈາກ ສຳນັກງານ ສະຖິຕິແຫ່ງຊາດ ສ.ເກົາຫລີ ລຸບຸວ່າ: ເມື່ອປີ 2023 ຈໍານວນຄູ່ແຕ່ງງານໃໝ່ ຊຶ່ງໝາຍເຖິງຄູ່ຮັກ ທີ່ຫາແຕ່ງງານໃໝ່ ບໍ່ເກີນ 5 ປີ ຢູ່ທີ 974.000 ຄູ່
ຂປລ.ສຳນັກຂ່າວ ເອເອຟພີ, ຈຳນວນ ຄູ່ແຕ່ງງານໃໝ່ ໃນສ.ເກົາຫລີ ຫລຸດລົງ ຕໍ່າກວ່າ 1 ລ້ານຄູ່ ເປັນຄັ້ງທຳອິດເມື່ອປີກາຍ ແລະ ເກືອບຄຶ່ງໜຶ່ງບໍ່ມີລູກ. ໂດຍຂໍ້ມູນຈາກ ສຳນັກງານ ສະຖິຕິແຫ່ງຊາດ ສ.ເກົາຫລີ ລຸບຸວ່າ: ເມື່ອປີ 2023 ຈໍານວນຄູ່ແຕ່ງງານໃໝ່ ຊຶ່ງໝາຍເຖິງຄູ່ຮັກ ທີ່ຫາແຕ່ງງານໃໝ່ ບໍ່ເກີນ 5 ປີ ຢູ່ທີ 974.000 ຄູ່, ຊຶ່ງຫລຸດລົງຈາກ 1,03 ລ້ານຄູ່ ໃນປີກ່ອນໜ້າ. ຊຶ່ງຖືເປັນຄັ້ງທຳອິດ ທີ່ຫລຸດລົງ ນັບຕັ້ງແຕ່ ເລີ່ມເກັບກຳສະຖິຕິ ເມື່ອປີ 2015.
ຕົວເລກດັ່ງກ່າວ ຫລຸດລົງຈາກ 1,74 ລ້ານຄູ່ ເມື່ອປີ 2015 ເຫລືອ 1,32 ລ້ານຄູ່ ເມື່ອປີ 2018 ແລະ 1,18 ລ້ານຄູ່ ເມື່ອປີ 2020 ຫລື ກວມເອົາ ການຫລຸດລົງຈາກ 50.000 ຄູ່ເປັນ 80.000 ຄູ່ຕໍ່ປີ. ເຖິງວ່າ ຄູ່ແຕ່ງງານຈະຫລຸດລົງ ແຕ່ຄູ່ຮັກທີ່ເຂົ້າ ພິທີແຕ່ງງານ ຄັ້ງທຳອິດເພີ່ມຂຶ້ນ 2,9% ຫລື 191.175 ຄູ່, ໂດຍການເພີ່ມຂຶ້ນນີ້ ເປັນຜົນມາຈາກການຊັກຊ້າ ໃນໄລຍະໂຄວິດ-19 ແພ່ລະບາດ ເຮັດໃຫ້ການຈັດງານແຕ່ງ ສ່ວນໃຫຍ່ ກັບມາຈັດຂຶ້ນລະຫວ່າງເດືອນ ສິງຫາປີ 2022-ກາງປີ 2023ນີ້. ຢ່າງໃດກໍ່ຕາມ ຄູ່ຮັກທີ່ຫາແຕ່ງງານໃໝ່ ເມື່ອປີກາຍເຖິງ 47,5% ບໍ່ມີລູກ ຊຶ່ງເພີ່ມຂຶ້ນ 1,1% ຈາກປີກ່ອນ./.
KPL
