ຂປລ
ລັດຖະສະພາ ເມັກຊິກ ອະນຸມັດການປະຕິຮູບ ລັດຖະທຳມະນູ ທີ່ຫ້າມການຜະລິດ, ການຈັດຈຳໜ່າຍ ແລະ ການຂາຍ ຢາສູບໄຟຟ້າ ຖືເປັນການປາບປາມ ໃນວົງກວ້າງ ຕໍ່ອຸປະກອນ ທີ່ໄດ້ຮັບການໂຄສະນາວ່າ ມີອັນຕະລາຍໜ້ອຍກວ່າ ການສູບຢາ ແບບທົ່ວໄປ.
ຂປລ.ສຳນັກຂ່າວ ເອເອຟພີ, ວັນທີ 12 ທັນວາ, ລັດຖະສະພາ ເມັກຊິກ ອະນຸມັດການປະຕິຮູບ ລັດຖະທຳມະນູ ທີ່ຫ້າມການຜະລິດ, ການຈັດຈຳໜ່າຍ ແລະ ການຂາຍ ຢາສູບໄຟຟ້າ ຖືເປັນການປາບປາມ ໃນວົງກວ້າງ ຕໍ່ອຸປະກອນ ທີ່ໄດ້ຮັບການໂຄສະນາວ່າ ມີອັນຕະລາຍໜ້ອຍກວ່າ ການສູບຢາ ແບບທົ່ວໄປ.
ວຸດທິສະພາ ເມັກຊິກ ມີມະຕິສະໜັບສະໜູນ ຮ່າງກົດໝາຍ ທີ່ລັດຖະບານ ສະເໜີຢ່າງວອງໄວ ຫລັງຈາກໄດ້ຮັບອະນຸມັດ ຈາກສະພາຜູ້ແທນຕໍ່າ ເມື່ອອາທິດຜ່ານມາ , ຊຶ່ງການແກ້ໄຂ ລັດຖະທຳມະນູ ຕ້ອງໄດ້ຮັບການອະນຸມັດ ຈາກລັດຖະສະພາ ທັງ 32 ລັດຂອງປະເທດ ຈຶ່ງຈະມີຜົນບັງຄັບໃຊ້ ຢ່າງເປັນທາງການ.
ໂດຍຮ່າງກົດໝາຍ ດັ່ງກ່າວລະບຸເຖິງ ການສັ່ງຫ້າມ ຢາສູບໄຟຟ້າ ລວມເຖິງຢາສູບໄຟຟ້າ ແບບໃຊ້ແລ້ວຖີ້ມ, ຕະຫລອດຈົນ ຫ້າມການໃຊ້ ເຟນທານິລ ຢ່າງຜິດກົດໝາຍ. ຢ່າງໃດກໍ່ຕາມ ບັນດາຜູ້ຂາຍ ຢາສູບໄຟຟ້າ ກ່າວເຕືອນວ່າ: ຮ່າງກົດໝາຍ ສະບັບນີ້ ຈະເຮັດໃຫ້ ຕະຫລາດຢາສູບໄຟຟ້າ ເຂົ້າສູ່ຕະຫລາດ ຜິດກົດໝາຍ. ຂະນະທີ່ເມັກຊິກ ມີຜູ້ບໍລິໂພກ ຜະລິດຕະພັນດັ່ງກ່າວ ເກືອບ 2 ລ້ານຄົນ ຊຶ່ງການຫ້າມດຳເນີນການ ກັບສິນຄ້າ ເບື້ອງຕົ້ນ ເທົ່າກັບເປັນການ ສົ່ງມອບຕະຫລາດນີ້ ໃຫ້ກັບຕະຫລາດມືດ./.
KPL
